Sambalado jariang

Sambalado jariang marupoan jinih masakan nan barasa dari Sumatera Barat. Bahan utamo dari sambalado jariang ko adolah lado jo jariang. Biasonyo sambalado jariang dijadian pangganti samba atau bisa pulo dimakan basamo jo nasi. Jinih sambalado ko acok basuo di rumah makan padang atau kadai nasi. Salain sambalado nan baisi jariang, ado pulo dijua sambalado jariang nan dicampua jo ikan tri atau patai.

Sambalado jariang

sambalado jariang
Asa
Nagara	Indonesia
Daerah	Sumatra Barat
Detail
Panyajian	basamo jo nasi
Bahan utamo	sambalado
Variasi	jariang balado

Caro mambuek

Bahan-bahan pambuek samabalo jariang ko adolah jariang, lado, minyak goreang, bawang merah, bawang putiah, tomat, jo garam. Sabalun dimasak, abuih lado, bawang, jo tomat sampai masak. Sudah tu dikariangan, salanjuiknyo digiliang sampai aluih. Kalau alah aluih, goreng jariang nan alah bakubak di kuali jo minyak sampai masak. Kalau alah masak, masuakan lado nan alah digiliang tadi sambia dikacau.