Sultanah Safiatuddin Syah (m. 1641-1675), atau gala langkoknyo Sri Paduka Sultan Tajul Alam Safiatuddin Syah Berdaulat Zillullah fil Alam Khalifatullah,[1] adolah urang padusi patamo dari ampek urang padusi nan panah manjadi panguaso di Kasultanan Aceh pado abaik ka-17.[1] Safiatuddin adolah anak dari Sultan Iskandar Muda (m. 1607-1636) jo bini dari Sultan Iskandar Tsani (m. 1636-1641), nan mamarentah Aceh sabalunnyo.[1] Safiatuddin naiak takhta tigo ari satalah wafaiknyo suaminyo, Sultan Iskandar Tsani.[1]

Infobox orangSafiatuddin Syah
Biografi
Lahia1612 Edit nilai pada Wikidata
Kamatian1675 Edit nilai pada Wikidata (62/63 tahun (id) terjemahkan)
  Sultan of Aceh (en) Terjemahkan 

Edit nilai pada Wikidata
Kagiatan
KarajoPolitikus Edit nilai pada Wikidata
Lain-lain (id) Terjemahkan
Gala bangsawanSultan (id) Terjemahkan Edit nilai pada Wikidata
Pasangan hiduikIskandar Tsani dari Aceh (id) Terjemahkan Edit nilai pada Wikidata
AbakIskandar Muda dari Aceh (id) Terjemahkan Edit nilai pada Wikidata

Safiatuddin didukuang dek para ulama, palimo, bangsawan, jo rangkayo Aceh dalam manjalanan pamarentahannyo.[2] Catatan Balando manyabuik ampek urang gadang nan mandukuangnyo, iyolah Lebai Kuta Kali, Maharaja Sri Maharaja, Maharaja Adonna Lela, jo Laksamana Paduka Tuan.[2] Di maso pamarentahannyo, Kasultanan Aceh manguasoi babagai jalua padagangan di Salek Malaka jo tampek-tampek sumber ekonomi di pulau Sumatera jo Samananjuang Malaka. Padagang-padagang dari Timur Tangah, India (Gujarat, Benggala, Tamil), Eropa (Balando, Inggirih), jo Cino, sarato dari babagai daerah di nusantara lainnyo ramai badatangan. Safiatuddin mambagi jatah barang dagang nan cukuik kapado para padagang asiang, tapi tageh pulo malinduangi hak jatah untuak kasultanan jo para padagang nagari Aceh.[3]

Salain tu, baliau tamusaua juo sabagai surang nan sangaik patuah manjalanan ajaran agamo Islam.[1] Syekh Nuruddin ar-Raniri adolah salah satu ulama nan mandapek tampek taoromaik dek sultanah ko, dan acok dimintanyo mambari saran jo mangaja masaalah kaagamoan.[2] Babarapo kitab karya Ar-Raniri tantang sijarah, bahaso, jo ukum nan diasiaan samaso pamarentahan sultanah ko, antaro lain Shiratul Mustaqim, Syaiful Qutub, jo Bustanus Salatin fi Dzikril Awwalin wal Akhirin.[1] Sultanah mamintak juo ka Syekh Abdur Rauf Singkil, nan kudian manulih kitab fikih karyanyo nan tamusaua Mir'atut Tullab.[1] Pangalano Arab Al-Mutawakkil nan singgah di Aceh manyabuik baso sultanah adolah surang nan darmawan, pandai jo mangarati ilimu Kuraan, sarato namo "Safiatuddin" jo "Syah Berdaulat" tacetak pado kaduo kapiang mato uang.[1]

Rujuakan

suntiang
  1. a b c d e f g h Khan, Sher Bhanu A.L. (2015). Ooi Keat Gin, Hoang Anh Tuan, ed. Vol. 111 dari Routledge Studies in the Modern History of Asia. "Revisiting "kingship" in seventeenth-century Aceh: From ira et malevolentia to pax et custodia". Early Modern Southeast Asia, 1350-1800. Routledge: 176-189. ISBN 1317559193, 9781317559191. 
  2. a b c Khan, Sher Bhanu A.L. (2010). Arndt Graf, Susanne Schroter, Edwin Wieringa, ed. Volume 390 dari Book Monograph. "The Sultanahs of Aceh, 1641-99". Aceh: History, Politics and Culture. Institute of Southeast Asian Studies: 4-21. ISBN 9814279129, 9789814279123. 
  3. Khan, Sher Bhanu A.L. (2016). Aceh-India Commercial and Literary Relations in the Seventeenth Century. Routledge. ISBN 1351997459, 9781351997454. https://books.google.co.id/books?id=-WEPDQAAQBAJ&pg=PT151&dq=sultanah+safiatuddin&hl=id&sa=X&ved=0ahUKEwjwspDT0MXPAhVLm5QKHeVHAGUQ6AEIHzAB#v=onepage&q=sultanah%20safiatuddin&f=false. 

Bacoan lanjuitan

suntiang

Pautan lua

suntiang