Wikipedia

Sabtu Badarah (foto)

Sabtu Badarah (Cino:血腥的星期六) adolah namo untuak sabuah foto itam-putiah nan disebalawehkan pado bulan September–Oktober 1937, dan dalam wakatu kurang dari sabulan alah dicaliak oleh labiah dari 136 juta urang.[1] Dengan mancaliakan surang bayi Cino nan manangih di tangah reruntuahan akibaik pengeboman Stasiun Kereta Api Shanghai Selatan, foto iko manjadi takenal sabagai sabuah ikon kabudayaan nan maagiahan contoh "kakejaman" Japang pado maso parang di Tiongkok. Diambiak babarapo minik sasudah sarangan udaro Japang ka warga sipil saat Patampuran Shanghai, fotografer H. S. "Newsreel" Wong—nan juo dikenal sabagai Wong Hai-Sheng atau Wang Xiaoting—dari Hearst Corporation, indak tau identitas atau bahkan jenis kelamin anak nan taluko itu, yang ibunyo talalok maningga di dakeknyo. Bayi itu diagiah namo Ping Mei.[2] Sabagai salah ciek foto parang paliang dikenang nan pernah dipublikasikan, dan mungkin adegan film barito paliang takenal pado 1930-an,[3] foto itu manimbulkan bangih urang baraik kapado sarangan nan dipabuek Japang di Tiongkok.[4] Jurnalis Harold Isaacs manyabuik foto ikonis iko sabagai "salah ciek karya 'propaganda' paliang sukses sapanjang maso".[5]

Foto terkenal nan manampakan surang bayi manangih di tangah reruntuhan akibaik pengeboman Stasiun Kereta Api Shanghai Selatan, pado Sabtu, 28 Agustus 1937.

Wong marekam pamandangan Stasiun Selatan nan alah dibom jo kamera Eyemo, dan maambiak babarapo foto jo Kamera Leica. Ciek foto nan mahsyur itu—nan diambiak dari kamera Leica—acok kali indak diagiah judul tatok, malainkan diagiah panjalehan manuruik apo nan dicaliakan. Mako foto iko juo pernah diagiah judul Bayi Cino Indak ba Amak,[6] Bayi Cino, dan Bayi di Stasiun Kereta Api Shanghai.[7] Foto ko dibantah oleh kaum nasionalis Japang nan manyatokan bahwa pamandangan itu alah diatur sademikian rupo.[8]

Pengambilan Gambar

suntiang

H.S. "Newsreel" Wong (1900–1981) adolah surang fotografer Tionghoa nan bakarajo di Hearst Metrotone News, sabuah produsen film barito. Nyo punyo sabuah kadai kamera di Shanghai.[9][10] Katiko Patampuran Shanghai (bagian dari Parang Tiongkok-Japang Kaduo), tantara Japang maju dan manyarang Shanghai, kota paliang padek di Tiongkok. Wong jo para wartawan film barito lainnyo, kayak Harrison Forman dan George Krainukov, maabadikan paristiwa itu jo kamera, tamasuak kaadaan sasudah sarangan udaro nan dibuek dek tigo pesawat Japang kapado duo hotel pantiang di Jalan Nanking pado Sabtu, 14 Agustus 1937, atau "Sabtu Badarah".[9] Tantara Revolusioner Nasional mulai mundur dari kota itu, maninggaan blokade sapanjang Sungai Huangpu. Sakalompok jurnalis internasional tau kalau pesawat dari Angkatan Lauik Kekaisaran Japang (bahaso Inggirih: Imperial Japanese Navy, IJN) akan mambom blokade itu pada pukua 14.00 hari Sabtu, 28 Agustus 1937, sahinggo babarapo wartawan bakumpua di ateh gedung Butterfield & Swire bia bisa maambiak foto-foto sarangan udaro itu. Pado pukua 15.00, indak ado pesawat nan nampak sahinggo para wartawan akhianyo bubar, kacuali Wong. Pado pukua 16.00, 16 pesawat IJN akhianyo nampak, tabang baputa, dan mabom tampek-tampek pengungsian parang di Stasiun Selatan Shanghai, mambunuah dan malukoi para warga sipil nan sadang manunggu kareta untuak manuju ka Hangzhou di arah selatan.[11]

Den sadari sipatu den balumuran darah.

Wong turun dari ateh gedung ka jalanan, siaptu mangemudian otonyo sakancang-kancangnyo ka stasiun kereta api nan runtuah. Katiko sampai, nyo mancaliak pambunuahan jo kakacauan: "Pamandangannyo sungguah mangerikan. Urang-urang masih bausaho untuak jago. Mayaik jo urang nan taluko bagalimpangan di sapanjang rel jo peron. Potongan tubuah baserakan di tampek itu. Kasibukan den alah mambuek den lupo jo apo nan sadang den caliak. Aden baranti sabanta untuak maisi ulang film guluang den. Den sadari bahwa sapatu den balumuran darah. Aden bajalan di sapanjang rel kareta api, dan maabadikan babarapo pamandangan jo jambatan tabaka di latar belakang. Siaptu aden mancaliak surang laki-laki magendoang bayi dari rel dan mambaoknyo ka peron. Siaptu nyo babaliak manyalamaikan anak lainnyo nan taluko parah. Mayaik mandenyo taonggok di ateh rel. Katiko aden maabadikan tragedi itu, aden mandanga suaro pesawat datang baliak. Bagageh, den pakai babarapo sentimeter nan tasiso [dari film-den] untuak mamfoto bayi itu. Siaptu nyo den dakek i, jo makasuik mambaoknyo ka tampek aman, namun ayahnyo datang. Pesawat pambom lewat baitu sajo. Indak ado bom nan dijatuahan".[12]

Wong indak pernah tau namo bayi itu, indak tahu apokah nyo laki-laki atau padusi, atau apokah nyo sintas sasudah kajadian tu.[6] Pado pagi bisuaknyo, nyo mambaok film dari kamera Leica-nyo ka kantor China Press. Nyo mancaliakan cetakan gadang kapado Malcolm Rosholt, sambia mangecek, "Caliak nan ciek ko ha!"[6] Siap tu Wong manulih bahwa surek kaba pado hari bisuak mangabaan sakitar 1.800 urang, kabanyakan padusi jo anak-anak, sadang menunggu di stasiun, tapi para penerbang IJN tampaknyo alah salah sangko mereka sabagai prajurit parang.[12] Koran Shanghai manyatikan bahwa kurang dari 300 urang salamaik dari sarangan itu.[12] Pado bulan Oktober, majalah Life mangabaan bahwa sakitar 200 urang maningga.[11]

Publikasi

suntiang

Wong mangirim rekaman film barito itu malalui sabuah kapa Angkatan Laut AS nan menuju Manila, dan dari sinan film itu ditabangan ka Kota New York malalui maskapai panerbangan Pan American World Airways.[12] Sajak patangahan September 1937, film barito itu dicaliakan kapado pangunjuang bioskop. Sakitar sabulan kamudian, film itu dipakiraoan alah ditonton oleh 50 juta urang di AS, 30 juta urang di lua AS,[11] dan foto bayi manangih tu dicetak pado media massa terbitan Hearst Corporation dalam jumlah sakitar 25 juta eksemplar.[12] Di AS, sakitar 1,75 juta eksemplar koran nan bukan terbitan Hearst manampilkan foto itu, dan lebiah dari 4 juta urang mancaliaknyo sabagai sabuah reproduksi matte dalam surek kaba lainnyo.[11] Sakitar 25 juta urang di seluruh dunia alah mancaliak foto itu. Foto itu patamo kali mancogok dalam majalah Life pado 4 Oktober 1937, nan dicaliak oleh sakitar 136 juta urang.[11][12] Pado halaman muko majalah Life, foto lainnyo manampilkan bayi itu sadang diagiah bantuan medis pado sabuah tandu.[11]

Tanggapan

suntiang

Foto "indak talupoan"[13] iko manjadi salah satu foto paliang bapangaruah nan manimbulkan parasaan anti-Japang di Amerika Sarikat. Galombang simpati badatangan dari Amerika kapado Tiongkok,[14] dan foto itu banyak dicetak ulang untuak manggalang dana demi pemulihan kondisi Tiongkok.[15] Tapangaruah dek gambar tu, AS, Baritania Rayo dan Parancih mamprotes Japang nan manyarang warga sipil Tiongkok di kota-kota tabukak.[12][16] Senator George W. Norris—nan tapangaruah jo gambar tu—memutuihan untuak maubah pendiriannyo tantang isolasionisme dan non-intervensionisme; nyo manyabuik Japang "indak tau malu, randahan, indak ba adab, kajam, bahkan (kalakuannyo) indak sanggup lai dikatoan jo kato-kato".[17] Banso Amerika mancacek Japang jo istilah "panjagal" dan "pambunuah". Sasudah penyerahan Shanghai, Laksamana IJN Kōichi Shiozawa bakato kapada surang wartawan The New York Times di sabuah pesta cocktail: "Ambo tahu bahwa surek kaba nagara angku ma agiah ambo gala Pambunuah bayi".[18]

Foto itu dipiliah oleh para pambaco Life sabagai salah satu dari sapuluah "Gambar Piliahan Tahun Iko" pado 1937.[5] Pado 1944, cuplikan film barito Wong dipakai dalam film The Battle of China karya Frank Capra.

Sasudah parang

suntiang

Katiko manjadi murid sakola seni pado akhia 1940-an, Andy Warhol pernah malukis suatu versi dari foto itu, dan marupokan lukisan awal dari sakian banyak karyanyo nan dibuek berdasarkan pado foto. Karya aslinyo indak diketahui kaberadoannyo dan mungkin ilang.[19] Disaster Series karya Warhol pado 1960-an kembali mamakai format takah itu, untuak panafsiran terhadap karya-karya amat gamblang nan dibuek oleh para wartawan foto.[19] Pado 1977, Lowell Thomas, jurnalis dan narator untuak Movietone News (saingan Hearst), manyatokan bahwa pangaruah foto tu di Amerika samo jo duo foto Parang Dunia II paling ikonis: surang pria Parancih nan manatehan aia mato katiko para prajurit nagaranyo maninggaan Parancih pado Juni 1940, dan Pangibaran Bendera di Iwo Jima karya Joe Rosenthal, nan diambiak pado Februari 1945.[20]

Wong pensiun di Taipei pado 1970-an dan maningga pado 9 Maret 1981 (umua 81 tahun) di rumahnyo akibaik diabetes.[21] Pado 2010, Wong diharagoi sabagai palopor jurnalis Asia-Amerika oleh Asian American Journalists Association.[22]

Pado tahun 2000, Miao Xiaochun, surang seniman dan wartawan, mamproyeksikan foto tu pado sabuah tirai putiah, jo tampilan nan galok untuak manakankan galoknyo pangaruh foto tu dalam jangko panjang.[23] Foto tu mancogok dalam buku Time–Life 100 Photographs that Changed the World, nan ditabikan pado 2003. National Geographic mancantumkan foto tu dalam Concise History of the World: An Illustrated Timeline pada 2006.[24] Michael S. Sweeney, salah satu panulih National Geographic pernah manyabuik "foto angek"[25] itu sabagai "patando bagi militerisme Dunia Timur".[26]

Tuduahan rekayasa

suntiang
 
Foto lain karya Wong tantang situasi nan samo, nan ditabikan oleh majalah Look pado Desember 1937.

Pado wakatu publikasinyo, para nasionalis Japang manyabuik foto itu direkayasa, dan pamarentah Japang maagiah tabusan sanilai $50,000 untuak kapalo Wong: jumlah nan samo jo $870.000 pado tahun 2022.[27] Wong dikenal manentang invasi Japang kapado Tiongkok dan basimpati pado politik sayok kida, dan bakarajo untuak William Randolph Hearst nan dikenal karano keceknyo kapado para wartawannyo, "Kalian nan mamoles gambar, sadangkan aden nan bakal mamoles parang" dalam kaitannyo jo Parang Spanyol-Amerika.[27] Foto lain karya Wong mancogok dalam majalah Look pada 21 Desember 1937, mancaliakan surang pria bajongkok jo surang anak nan kiro-kiro baumua limo tahun, barado di dakek bayi nan manangih tu.[27] Pria itu diduga marupakan Taguchi (asisten Wong) nan sadang mqatur posisi anak-anak tu guno mandapekan efek fotografi tarancak.[27] Pado sabuah artikel dalam The Japan Times and Mail ditulih bahwa pria itu adolah surang panyelamat nan sadang maatur posisi bayi dan anak tu demi sang fotografer.[28] Wong menyatokan bahwa pria tu adolah ayah si bayi, nan datang untuak manyelamatkan anaknyo katiko pesawat Japang baliak salasai pamboman tu.[12] Para propagandis Japang bausaho mancari hubuangan antaro gambar nan mereka klaim sabagai rekayasa, jo catatan pamberitaan dari sumber-sumber AS dan Tiongkok tantang patampuran di Shanghai, jo makasuik manafikan kasadoan laporan nan menyuduikan Japang.[29]

Padl 1956, Arthur Rothstein dari majalah Look mandukuang opini sabelumnyo bahwa Wong maminjam bayi tu dan malatakannyo di sinan saat maambiak foto.[29] Dalam sabuah video edukasi tempo dulu nan dibuek oleh Departemen Pertahanan Amerika Sarikat (kini diunggah pado YouTube oleh Arsip Nasional Amerika Sarikat) nampak bahwa surang pria manyubarangi rel sambia mamboyoang bayi tu, samantaro Wong tagak di belakangnyo sarayo maagiahan aba-aba.[30] Pado 1975, majalah Life mancaliakan foto terkenal ko dalam sabuah buku kumpulan foto, dan manulih panjalehan, "Dikatokan bahwa foto iko rekaan belaka, namun alah jaleh dari berbagai suduik pandang bahwa itu hanyolah desas-desus nan dibuek-buek".[29]

 
Si bayi di ateh tandu, sadang diagiah patolongan patamo.

Pado 1999, kalompok nasionalis Asosiasi bagi Kamajuan Penilikan Sajarah Tanpa Panyimpangan, nan ditagakan oleh Profesor Fujioka Nobukatsu dari Universitas Tokyo, manabikan sabuah artikel bajudul "Manipulasi Foto-Foto Dokumenter di Tiongkok: Manyuluik Berang di AS". Nobukatsu dan Shūdō Higashinakano bapandapek bahwa foto itu mancaliak surang pria nan mulo-mulo maatur ciek anak, kamudian dua anak pada peron stasiun untuak mambuek "pamandangan sansaro" bagi pambaco di Amerika, untuak mayakinkan Amerika agar baparang malawan Japang.[8] Para profesor Japang bapandapek bahwa Wong manambahan kepulan asok bia foto tu manjadi lebiah dramatis,[29] namun Rosholt manyatokan bahwa stasiun kereta tu masih baasok saat Wong datang.[6] Para nasionalis Japang indak manafikan bahwa sarangan udara tu pernah tajadi, baitu pulo adonyo warga sipil Tiongkok nan maningga jo luko-luko, namun panyajian foto nan direkayasa tu maagiahan tafsir bahwa ado banyak pamalsuan lainnyo dalam catatan sajarah.[29] Dalam artikel tu, Nobukatsu dan Higashinakano indak manyabuikan foto lain karya Wong nan ditabikan dalam majalah Life, mancaliakan si bayi manangih di ateh tandu katiko diagiah patolongan patamo oleh para anggota Pramuka Tiongkok.[11][29]

Wong marekam banyak film barito nan manyoroti sarangan Japang di Tiongkok, maliputi Patampuran Xuzhou pado Mei 1938, dan sarangan udaro di Guangzhou pado bulan Juni.[31] Dalam bakarajo, nyo dilindungi oleh Ingigrih, namun ancaman pambunuahan dari para nasionalis Japang alah mamasonyo dan kaluarganyo untuk meninggaan Shanghai, siaptu pindah ke Hong Kong.[12]

Rujuakan

suntiang
  1. ↑ Van der Veen, Maurits (2003). Uriel's Legacy. Trafford Publishing. p. 262. ISBN 1-55395-462-9. https://books.google.com/books?id=Gz0h6n8yuOAC&pg=PA262. 
  2. ↑ Bradley, James (2016). The China Mirage - The Hidden History of American Disaster in Asia. New York: Back Bay Books / Little, Brown and Company. pp. 176-177. ISBN 9780316336178. 
  3. ↑ Doherty, Thomas (1999). Projections of war: Hollywood, American culture, and World War II (edisi ke-2). Columbia University Press. p. 105. ISBN 0-231-11635-7. https://books.google.com/books?id=mYP3wLofK2AC&pg=PA105. 
  4. ↑ Tuchman, Barbara W. (1972). Stilwell and the American experience in China, 1911–45. Bantam Books. p. 214. ISBN 0-553-14579-7. 
  5. ↑ a b Dower, John W. (2010). Cultures of War: Pearl Harbor / Hiroshima / 9-11 / Iraq. W. W. Norton & Company. pp. 158–159. ISBN 0-393-06150-7. https://books.google.com/books?id=pck6h_K09b4C&pg=PA158. 
  6. ↑ a b c d Cameron, Mrs. Richard; Malcolm Rosholt (January 21, 1972). "Letters to the Editors: The Child". Life. Time, Inc. 72 (2): 27. ISSN 0024-3019. 
  7. ↑ a b Faber, John (1978). Great news photos and the stories behind them (edisi ke-2). Courier Dover Publications. pp. 74–75. ISBN 0-486-23667-6. https://books.google.com/books?id=DqwLVaPdDgoC&pg=PA74&dq=%22I+noticed+that+my+shoes+were+soaked+with+blood.%22&hl=en&ei=u3g1TdHRO4z2tgPv7OD9BQ&sa=X&oi=book_result&ct=result&resnum=1&ved=0CCMQ6AEwAA#v=onepage&q=%22I%20noticed%20that%20my%20shoes%20were%20soaked%20with%20blood.%22&f=false. 
  8. ↑ a b Nobukatsu, Fujioka; Higashinakano, Shūdō (1999). "Manipulation of Documentary Photos in China: Fanning Flames of Hate in the USA". Exploding the Myth:The Problem of Photographic "Evidence" (Photos from The Rape of Nanking). Association for Advancement of Unbiased View of History. Diarsipkan dari versi asli tanggal 2012-08-29. Diakses tanggal January 18, 2011. 
  9. ↑ a b "Cinema: Shanghai, Shambl". Time. Time, Inc. September 13, 1937. Diarsipkan dari versi asli tanggal 2013-08-27. Diakses tanggal 2017-07-12. 
  10. ↑ Camhi, Leslie. "Film: A Dragon Lady and a Quiet Cultural Warrior". The New York Times, January 11, 2004. Retrieved on July 3, 2011.
  11. ↑ a b c d e f g Inc, Time (1937-10-04) (dalam bahaso en). LIFE (The Camera Overseas: 136,000,000 People See This Picture of Shanghai's South Station). Time Inc. pp. 102-103. https://books.google.co.id/books?id=wkQEAAAAMBAJ&pg=PA102&redir_esc=y#v=onepage&q&f=false. 
  12. ↑ a b c d e f g h i Faber, John (1960). Great moments in news photography: from the historical files of the National Press Photographers Association. T. Nelson. p. 74. 
  13. ↑ Roth, Mitchel P. (1997). Historical dictionary of war journalism. Greenwood Publishing Group. p. 219. ISBN 0-313-29171-3. https://books.google.com/books?id=Og8-5_oqumYC&pg=PA219. 
  14. ↑ Winchester, Simon (2008). Bomb, book and compass: Joseph Needham and the great secrets of China. Viking. p. 49. ISBN 0-670-91378-2. https://archive.org/details/bombbookcompassj0000winc. 
  15. ↑ Klein, Christina (2003). Cold War orientalism: Asia in the middlebrow imagination, 1945–1961. University of California Press. p. 177. ISBN 0-520-22469-8. https://books.google.com/books?id=IttIURofT2kC&pg=PA177. 
  16. ↑ Goldberg, Vicki (1991). The power of photography: how photographs changed our lives. Abbeville Press. p. 243. ISBN 1-55859-039-0. https://archive.org/details/powerofphotograp0000gold. 
  17. ↑ Paterson, Thomas G.; Clifford, John Garry; Hagan, Kenneth J. (1999). American Foreign Relations: A history since 1895. American Foreign Relations. 2 (edisi ke-5). Houghton Mifflin. p. 151. ISBN 0-395-93887-2. "disgraceful, ignoble, barbarous, and cruel, even beyond the power of language to describe." 
  18. ↑ Dong, Stella (2001). Shanghai: The Rise and Fall of a Decadent City. HarperCollins. pp. 216–217. ISBN 0-06-093481-6. https://books.google.com/books?id=x5qkOkE2O_8C&pg=PA217. 
  19. ↑ a b Smith, Patrick S. (1986). Andy Warhol's art and films. Studies in the fine arts. 54 (edisi ke-2). UMI Research Press. pp. 40, 125. ISBN 0-8357-1733-X. 
  20. ↑ Thomas, Lowell (1977). So long until tomorrow: from Quaker Hill to Kathmandu. Morrow. pp. 83–86. ISBN 0-688-03236-2. https://archive.org/details/solonguntiltomor00thom. 
  21. ↑ "'Newsreel' Wang succumbs at 81". Taiwan Today. Government Information Office, Republic of China (Taiwan). May 1, 1981. Diakses tanggal January 18, 2011. 
  22. ↑ "Honor Roll List: Pioneers, past and present". Asian American Journalists Association. December 24, 2010. Diarsipkan dari versi asli tanggal July 24, 2011. Diakses tanggal January 18, 2011. 
  23. ↑ Hung, Wu (2008). Making history: Wu Hung on contemporary art. Timezone 8 Limited. p. 142. ISBN 988-99617-0-9. https://books.google.com/books?id=yl7V385mgDEC&pg=PA142. 
  24. ↑ Kagan, Neil (2006). National Geographic concise history of the world: an illustrated timeline. National Geographic Traveler. National Geographic Books. p. 325. ISBN 0-7922-8364-3. 
  25. ↑ Hamilton, John Maxwell (1988). "Red Star Over China". Edgar Snow, a biography. Indiana University Press. p. 83. ISBN 0-253-31909-9. https://books.google.com/books?id=eGl4S3vUiYkC&pg=PA83. 
  26. ↑ Sweeney, Michael S. (2002). From the front: the story of war featuring correspondents' chronicles. National Geographic. p. 148. ISBN 0-7922-6919-5. 
  27. ↑ a b c d French, Paul (2009). Through the looking glass: China's foreign journalists from opium wars to Mao. Hong Kong University Press. p. 192. ISBN 962-209-982-3. https://books.google.com/books?id=sM0O9oqGK8sC&pg=PA192. 
  28. ↑ Low, Morris (2003). "The Japanese Colonial Eye: Science, Exploration, and Empire". di dalam Christopher Pinney, Nicolas Peterson. Photography's other histories. Duke University Press. pp. 117. ISBN 0-8223-3113-6. https://books.google.com/books?id=ZYPdHJaE6yMC&pg=PA117. 
  29. ↑ a b c d e f Morris-Suzuki, Tessa (2005). The past within us: media, memory, history. Nissan Institute-Routledge Japanese studies. Verso. pp. 72–75. ISBN 1-85984-513-4. https://books.google.com/books?id=8654wHjUfTEC&pg=PA74. 
  30. ↑ US National Archives (2015-03-17), Why We Fight: The Battle of China, diakses tanggal 2017-10-16 
  31. ↑ "Library Contents Listed Year-by-Year: 1938". The 1930s: Prelude to War Video Library. UCLA Film and Television Archive. Diarsipkan dari versi asli tanggal 2011-01-04. Diakses tanggal January 18, 2011. 
Diambiak dari "https://min.wikipedia.org/w/index.php?title=Sabtu_Badarah_(foto)&oldid=3151210"