Rusli Amran

Rusli Amran (lahia di Padang, Sumatera Barat pado 14 September 1922 dan maningga di Jakarta pado taun 1996) adolah pandiri Harian Indonesia. Inyo mamimpin Harian Indonesia salamo babarapo tahun. Rusli Amran dan kawan-kawan pado mulonyo manabikan dan mangedarkan surek kabanyo sacaro manyuruak-nyuruak untuak mailakan tindakan kejam tantara Japang nan wakatu itu inyo masih bakuaso.  

Rusli Amran

Biografi
Lahia	14 September 1922 Koto Padang
Kamatian	1996 (73/74 tahun (id) )
Kalompok etnis	Urang Minangkabau
Kagiatan
Karajo	Wartawan, diplomat (id) jo politikus

Sasudah pansiun dari diplomat pado taun 1972, inyo mulai banyak manaliti dan menulih buku-buku tantang sajarah Sumatera Barat, sadang bininyo mandirian Yayasan Rusli Amran di Jakarta untuak tampek belajar sarato pusat dokumentasi koleksi dan arsip Rusli Amran.

Kahidupan

Rusli Amran lahia pado taun 1922. Inyo nan gadang di Padang mancubo sagalo macam pandidikan mulai dari Balando, Japang, dan Indonesia merdeka. Sasudah manampuah pendidikan Sastra Barat di Algemeene Middelbare School Yogyakarta sebelum Perang Dunia II, ia baraja pulo ka perguruan tinggi di Jakarta, Amsterdam, dan Praha.

Inyo marupokan wartawan Minang nan punyo paran cukuik pantiang di awa kamerdekaan kurang tigo pakan sasudah Proklamasi 17 Agustus 1945. Rusli Amran basamo kawannyo Sidi Muhammad Sjaaf, Anas Ma’ruf jo Suraedi Tahsin, manabikan Harian Berita Indonesia surek kaba partamo nan ditarbikannyo di Jakarta sajak 6 September 1945, nan misinyo mandukuang proklamasi kamerdekaan. Inyo mampunyoi paran pantiang dalam maimbau masyarakaik untuak maadiri rapek gadang di Lapangan Ikada pado tanggal 19 September 1945.

Awal taun 1950 inyo masuak ka dalam birokrasi pamarentah, patamo di Departemen Pertahanan lalu di Departemen Keuangan hinggo akhianyo di Departemen Luar Negeri. Puluahan taun Rusli Amran manjadi wakil Indonesia di Moskow dan Paris. Satelah pensiun pada tahun 1972, ia mulai masuak ka dalam proyek sejarah berskala besar, menulih sajarah Sumatera Barat dalam bantuak nan dapek dimangarati dan dijangkau dek pelajar Indonesia.

Sejarawan

Buku patamo nan ditulih dek Rusli Amran iolah Sumatera Barat hingga Plakat Panjang oleh Sinar Harapan pado taun 1981. Buku iko marangkum hasia panalitiannyo dari 1970-1980 dengan menggali data dan narasumber di Balando dan Indonesia. Fokusnyo iolah laporan jo panalitian dari arsip Balando abad ke-19. Rusli Amran manakankan pado interaksi urang Minangkabau jo Inggirih dan Belanda, hinggo tajadinyo perang Padri dan Plakat Panjang nan mangawali panjajahan Balando di ranah Minangkabau. Untuak sabuah buku hasil penelitian nan cermat, gaya tulihnyo indak formal. Katiko manulih masuaknya urang Eropa ka Minangkabau, inyo mangagiah judul "Masuknya si Bule". Buku sataba hampia 700 halaman barikuik referensi sumber, reproduksi dari arsip dan dokumen jo sumber primer, manjadi referensi utamo bagi panulih sajarah Minangkabau kudian ari. Bukunyo nan kaduo iolah Sumatera Barat Plakat Panjang, papanjangan dari buku sabalunnyo, ditambuah terjemahan dari sumber-sumber Belanda dalam appendiks. Buku iko mambantu mahasiswa sajarah nan ka manaliti Minangkabau tapi takandala jo sumber primer dari Balando.

Bukunyo nan katigo iolah Sumatera Barat: Pemberontakan Anti Pajak tahun 1908, tantang sistem tanam paksa kopi, eksploitasi kolonial pado abad ka-19 sarato analisis tantang reaksi urang Minang ka pajak. Padang Riwayatmu Dulu, bukunyo nan kaampek, ditujuan untuk manganang kota kalairannyo, masih jo gaya informal dan barisi campuran antaro arsip-arsip dan kajadian-kajadian pribadi pada urang-urang Eropa dan Jawa. Rusli Amran juga mamasuakkan koleksi-koleksi foto reproduksi nan mengesankan. Tarakhia, Rusli Amran manulih kumpulan esai pado taun 1996 bajudua Cerita Lama dalam Lembaran Sejarah. Kumpulan esai mangungkap tokoh-tokoh dan kajadian nan indak biaso di Sumatera Barat sabagai bacaan santai.

Tulisan-tulisan Rusli Amran tidak talampau tatuju ka tulisan akademik malainkan sajarah populer, dalam artian tulisannyo tajangkau untuak khalayak ramai. Bahaso Balando nan dikuasoinyo sarato pangalamannyo sabagai jurnalis dan diplomat sangaik mambantu dalam manyampaian kajadian maso lalu nan diulah manjadi carito ringan. Tulisannyo indak hanyo mancaritoan sajarah baitu sajo, tapi manyampaian makna dan nilai di balik kajadian itu. Jeffrey Hadler, saurang lua nagari nan manaliti Sumatera Barat, sangat mamuji upaya Rusli Amran nan manyumbang sagalo arsip dan dokumen Balando sahinggo panaliti Minangkabau indak paralu jauah mancari sumber ka Jakarta maupun Balando.