Rumah adaik Nieh
Rumah adaik Nieh (bahaso Nieh: omo hada) adolah bantuak rumah panggung tradisional urang Nieh. Rumah adaik Nieh adolah rumah tampek kadiaman para kapalo nagari (Tuhenori), kapalo desa (Salawa), atau kaum bangsawan.[1]
Rumah panggung ko dibangun di ateh tiang-tiang kayu nibung (Oncosperma tigillarium) nan tinggi dan gadang, nan baaleh rumbio (Metroxylon sagu).[2] Bantuak denahnyo ado nan bulek talua (di Nieh utara, timur, jo baraik), ado pulo nan pasagi panjang (di Nieh tangah jo salatan).[1][2] Bangunan rumah panggung ko indak bapondasi nan tatanam ka tanah, sarato sambuangan antaro karangkonyo indak mamakai paku, inggo mambueknyo tahan goyangan gampo.[3] Ruangan dalam rumah adaik ko tabagi duo, nan bagian muko untuak manarimo tamu manginap, sarato nan bagian balakang untuak kaluargo pamiliak rumah.[1][2][3]
Di alaman muko rumah daulu biasonyo ado taseba patuang batu, tampek duduak batu untuak baralek gadang,[2] sarato di lapangan desa ado batu-batu gadang nan acok dipakai dalam upacaro lompek batu.[1] Kini ko paninggalan batu dari maso Megalitik sarupo tu nan kaadaanyo masih rancak dapek diliek ditamui di desa-desa Bawomataluwo jo Hilisimaetano.[4]
Ado ciek rumah adaik nan daulu dipakai kusuih untuak rumah barhalo-barhalo urang Nieh, nan disabuik Osali.[1] Dek karano kini ko sabagian gadang masarakaik Nieh lah mamaluak agamo Kristen, mangko namo tu dipakai pulo untuak manyabuik gareja.[1]
Galeri
suntiang-
Tampek duduak batu di muko rumah adaik di Bawömataluo, Nias Selatan -
Ciek patuang batu niniak muyang di dakek rumah -
Upacaro lompek batu (Fahombo) di lapangan muko rumah adaik
Rujuakan
suntiang- ↑ a b c d e f Melalatoa, M. Junus (1995). Ensiklopedi Suku Bangsa di Indonesia Jilid L-Z. Direktorat Jenderal Kebudayaan. p. 363. https://books.google.co.id/books?id=FbGECgAAQBAJ&pg=PA636&dq=rumah+adat+nias&hl=id&sa=X&ved=0ahUKEwiSl5nkmebOAhXCuo8KHd2NDw84ChC7BQgrMAM#v=onepage&q=rumah%20adat%20nias&f=false.
- ↑ a b c d Adisukarjo, Sudjatmoko, dkk.. Horizon IPS: Ilmu Pegetahuan Sosial. Yudhistira Ghalia Indonesia. p. 82. ISBN 9796766310, 9789796766314. https://books.google.co.id/books?id=J0ydjjcrV_UC&pg=PA82&dq=rumah+adat+nias&hl=id&sa=X&ved=0ahUKEwiK2L-wrObOAhVBq48KHW77AssQuwUIJjAC#v=onepage&q=rumah%20adat%20nias&f=false.
- ↑ a b Antar, Yori (2010). Pesan dari Wae Rebo: Kelahiran kembali arsitektur Nusantara, sebuah pelajaran dari masa lalu untuk masa depan. Gramedia Pustaka Utama. p. 285. ISBN 9792259147, 9789792259148. https://books.google.co.id/books?id=qQ93hiafnmUC&pg=PA285&dq=rumah+adat+nias&hl=id&sa=X&ved=0ahUKEwiK2L-wrObOAhVBq48KHW77AssQuwUIIjAB#v=onepage&q=rumah%20adat%20nias&f=false.
- ↑ Dananjaya, J., Koentjaraningrat (2004). "Penduduk Kepulauan Sebelah Barat Sumatera". Dalam Manusia dan Kebudayaan di Indonesia (edisi ke-ke-20). Jakarta: Djambatan: 42-43. ISBN 979-428-510-2.