Rukmini Zainal Abidin

Artikel ko sadang disiapkan dan sadang dikambangkan, dan mungkin akan tajadi parubahan-parubahan gadang.
Sanak dapek mambantu dalam pangambangan laman ko.

Laman ko taakhia disuntiang dek Uni Riska (Kontrib • Log) 1153 hari 1393 menit nan lalu.

Kok Sanak mancaliak artikel ko indak disuntiang dalam babarapo hari, mohon hapuih templat ko.

Rukmini Zainal Abidin (lahia di Padang, Sumatra Barat, 23 Februari 1924 – maningga di Jakarta, 3 Januari 2016 pado umua 91 taun)^[1] marupokan ciek dari banyak pangusaho di bidang farmasi Indonesia. Inyo mamiliki babarapo parusahaan, antaro lain nan cukuik tanamo adolah Apotek Tunggal. Rukmini marupokan kamanakan dari tokoh proklamator, Mohammad Hatta jo pangusaho Rahman Tamin.

Bisnis

Rukmini dilahiakan di tangah-tangah kaluarga saudagar batik asa Bukittinggi. Dalam rangko mampalueh usaho kaluarga, Ayahnyo Abdul Djalil, marantau sarato mambawo anak-anak ka Surakarta, Jawa Tengah. Samaso ketek, Rukmini alah acok talibat dalam usaho kaluarga. Sasudah tamat dari sakolah farmasi di Jakarta, Rukmini bakarajo di CBZ (RS Cipto Mangunkusumo). Disiko inyo basobok jo Zainal Abidin, putra kalahiran Sawahlunto,^[2] nan ka manjadi suaminyo.

Rukmini mangawali bisnisnyo pado awal dekade 1950-an. Basamo suaminyo, inyo mandirikan pabrik farmasi PT. Tunggal (1951) nan kamudian diikuti jo Apotek Tunggal (1952). Usaho ko dirintis berkat modal dari ayahnyo. Duo tahun kamudian usaho Tunggal malebar dek tagaknyo sabuah parusahaan impor jo agen gadang untuak pamasaran ubek.^[3] Tahun 1953, inyo berhasil mandirikan pabrik farmasinyo jo namo Abdi. Tujuah baleh tahun kamudian Abdi jo Tunggal alah manjelma manjadi parusahaan gadang untuak kawasan Indonesia. Tunggal, salain jadi distributor jo importir bahan baku untuak Abdi, kini mamiliki pabrik kosmetik. Di awal tahun 1980, badasarkan hasil panalitian JETRO (badan promosi parusahaan Japang), Rukmini manjadi ciek dari banyak partner bisnis nan bisa dihandalkan.^[4] Maskipun takah itu, inyo labiah banyak bapatungan jo investor Amerika jo Eropa, daripado jo investor asal Japang.

Jabatan

Direktur PT Tunggal (1951)
Direktur Apotek Tunggal (1953)
Dewan Komisaris PT Abdi (1964-kini)
Direktur PT Shailendra Arya (1968-kini)
Direktur PT International Cosmetics (1969-kini)
Direktur PT Reckit & Colman Indonesia (1969-kini)
Direktur PT Tunggal Sila Farma (1979-2008) nan kamudian merger jo DKSH Indonesia manjadi PT. DKSH Tunggal, tahun 2008 PT.DKSH Tunggal diakusisi dek Peter Zuellig anak dari Conglomerat Pharmacy Filipina Zuellig Pharma, nan baganti namo manjadi PT.Parazelsus Indonesia.
Direktur PT Tunggal Putera (1979-kini)
Direktur PT Beecham Pharmaceuticals Indonesia (1979-kini)

Organisasi

Pendiri Yayasan Mitra Budaya
Pendiri Ganesha Society
Pendiri Yayasan Tugasku yang menaungi SDI Tugasku

Pranala luar

Apa & Siapa, PDAT Tempo

Referensi

↑ "Kisah Rukmini Zainal Abidin, Pendiri Apotek Tunggal". Suluah.com (dalam bahasa Indonesia). 2021-08-09.
↑ Denys Lombard, Nusa Jawa Silang Budaya: Jaringan Asia, p. 107
↑ Sebuah Hacienda Di Salemba, Majalah Tempo, 27 Oktober 1973
↑ Dicari Partner Bonafide, Majalah Tempo, 14 Maret 1981

Artikel batopik biografi tokoh Indonesia ko baru babantuak rancangan. Sanak dapek mambantu Wikipedia mangambangannyo.

[1] "Kisah Rukmini Zainal Abidin, Pendiri Apotek Tunggal". Suluah.com (dalam bahasa Indonesia). 2021-08-09.

[2] Denys Lombard, Nusa Jawa Silang Budaya: Jaringan Asia, p. 107

[3] Sebuah Hacienda Di Salemba, Majalah Tempo, 27 Oktober 1973

[4] Dicari Partner Bonafide, Majalah Tempo, 14 Maret 1981

[1]

[2]

[3]

[4]