Roni Yuzirman
Roni Yuzirman nan banamo langkok Badroni Yuzirman adolah surang pangusaha Indonesia.[1] Roni-pun adolah pandiri Komunitas Tangan di Atas (TDA), suatu komunitas nan mahimpun puluahan ribu wiraswastawan mudo jo urang-urang nan punyo minat bawirausaho di babagai wilayah Indonesia.[2] Kini ko Roni manjabat sabagai Wali Amanah di komunitas tu.
Roni Yuzirman | |
|---|---|
| Berkas:Roni Yuzirman.jpg | |
| Lahia | |
| Kabangsaan |  Indonesia |
| Alma mater | Universitas Trisakti, Jakarta |
| Karojo | Pangusaha |
| Dikana dek | Pandiri Komunitas Tangan Di Atas (TDA) |
| Pasangan | Ely Febrita |
| Anak | Vito Vino |
| Website | www.roniyuzirman.wordpress.com |
Latar balakang
suntiangRoni adolah urang Minangkabau nan barasa dari Magek, Agam, Sumatera Barat. Roni manyalasaian pandidikan sarjananyo di Universitas Trisakti, Jakarta.
Kahidupan
suntiangPajalanan bisnis
suntiangPado taun 2001, Roni Yuzirman adolah surang padagang pakaian muslim di pasa Tanah Abang, Jakarta. Karano pasaiangan bisnis sarato pasalisiahan jo pangalola pasa, akhianyo Roni tausia dari pasa tu pado taun 2004. Barang-barang dagangan pindahan dari pasa nan manumpuak di garasi mambueknyo bapikia kareh untuak manjuanyo. Akhianyo Roni manamuan ide untuak mamasaan malalui bisnis online nan pado taun 2004 tu alun baitu marak. Usaho toko online-nyo tu mandapek-an respon nan baiak lalu akhianyo bakambang pesat sahinggo Roni bangkit baliak dari katapuruak-annyo.[3]
Komunitas Tangan di Atas
suntiangPangalaman jatuah bangun dalam bawiraswasta nan dialami dek Roni, kudian mandorongnyo untuak babagi pangalaman jo urang lain. Pado November 2005, Roni mambuek blog roniyuzirman.com untuak mancaritoan pajalanan bisnisnyo dari kahancuran sampai bangkik sarato sukses baliak jo toko online-nyo. Tanyato blog-nyo mandapek-an banyak kunjuangan, sahinggo akhianyo Roni mamutuihan mambuek milis untuak urang-urang nan acok badiskusi jo inyo. Milis bisnis online tu-pun manjadi rami, nan akhianyo mandorong Roni untuak malakuan patamuan langsuang (kopi darat) pado Januari 2006, nan dihadiri dek 40 urang.
Patamuan tu akhianyo balanjuik lalu manjadi suatu komunitas nan anggotanyo batambah banyak dari wakatu ka wakatu. Sampai kini ko komunitas nan dinamoi Tangan di Atas (TDA) tu alah mahimpun puluahan ribu anggota nan taseba di babagai wilayah di Indonesia sarato dikalola sacaro profesional jo modern. Komunitas ko-pun dikalola sacaro Islami, sarato batujuan mambina pangusaha-pangusaha mudo untuak manjadi pangusaha gadang sarato kuat.[4] Malalui organisasi ko, Roni alah manyalanggaroan babarapo kali Pesta Wirausaha nan batujuan untuak mambangun jaringan sarato pambakalan untuak pangusaha ketek jo manangah.[5]
Pangaragoan
suntiang- SWA Enterprise 50 (2006)
- Indonesian Small Medium Business Award (ISMBA) (2008)
Rujuak-an
suntiang- ↑ UKM Sukses[pranala nonaktif permanen]
- ↑ "Komunitas TDA akan Cetak 10 Ribu Wirausaha Muda". Diarsipkan dari versi asli tanggal 2013-03-08. Diakses tanggal 2013-05-11.
- ↑ "Pingin Mulai Berbisnis? Bergabunglah dengan TDA". Diarsipkan dari versi asli tanggal 2013-04-02. Diakses tanggal 2013-05-11.
- ↑ Kerja Keras Badroni Yuzirman Membangun Komunitas Tangan di Atas
- ↑ "Situs Pesta Wirausaha". Diarsipkan dari versi asli tanggal 2013-03-02. Diakses tanggal 2013-05-11.
Pautan lua
suntiang- BUSINESS AND BEYOND Archived 2013-03-01 di Wayback Machine.
