Rumah makan Padang

(Dialiahkan dari Restoran Padang)

Rumah Makan Padang atau Ampera Padang atau Restoran Padang adolah sabuah bisnis kadai makan/rumah makan/restoran nan manjua atau manghidangkan babagai macam kuliner atau masakan Minangkabau nan barasa dari Sumatera Barat.[1][2]

Rumah Makan Padang
Tampak muko
Informasi restoran
Jinih makananMasakan Minang, nasi Padang, sate Padang, lontong paku, lontong cubadak, kambang loyang (makanan jo minuman حلال‎)

Rumah makan Padang marupoan tampek makan nan tanamo di Indonesia, indak ado hanyo tadapek di Indonesia, rumah makan Padang ko tadapek pulo di babagai negara di dunia,[1][3] dan disukai oleh berbagai kalangan serta bermacam etnis dan bangsa[1] karano masakan/makanannyo nan lamak bana sarato jo adaptasi rasonyo nan bisa manyasuaian diri jo lidah atau salero masyarakaik di mano rumah makan iko barado.[4] Rumah makan Padang nan barado di lua daerah Sumatra Baraik biasonyo manghidangkan masakan nan indak talalu padeh, babeda jo rumah makan nan baraado di tanah asanyo, Sumatera Barat.

Asa usua panamoan 'Restoran Padang' atau rumah makan padang ko nan dikatahui paliang awa bahasia dilacak malalui sabuah panalitian nan dilakuan dek Surya Suryadi, saurang filolog dari Universitas Leiden, Balando. Inyo manamuan bukti historis-empiris, yaitunyo sabuah iklan restoran Padang nan banamo PADANGSCH-RESTAURANT "Gontjang-Lidah" di Cirebon nan dikalola dek saurang parantau Minang, B. Ismael Naim, dimuek salamo babarapo bulan pado tahun 1937 di harian Pemandangan nan tabik di Batavia.[5]

Panamoan 'Rumah Makan atau Restoran Padang' iko sabananyo indaklah baaitu tapek, karano asa dari masakan dan palaku bisnis iko indak hanyo dari kota Padang, akan tapi justru labiah banyak barasa dari wilayah lainnyo di Sumatera Barat, sarupo Agam, Lima Puluh Kota, Padang Pariaman, Tanah Datar, dan babagai wilayah lainnyo. Satiok wilayah itu manghasiaan raso jo ragam masakan nan agak babeda antaro ceik jo nan lainyo.

Usaho rumah makan iko tasadio dalam bantuak babagai tingkekan sosial, mulai dari ampera Padang kaki limo nan haragonyo tajangkau dek kalangan bawah, rumah makan nan targetnyo adolah kalangan manangah sabagai sasaran pambalinyo, hinggo restoran mewah nan menargetan kalangan ateh jo harago nan cukuik tinggi sasuai jo fasilitas nan disadioan.[1][6]

Rujuakan suntiang

  1. a b c d "Bisnis Anti Bangkrut" Dadan Darmawan & Muhamad Firmansyah, Visi Media, 2009. Diakses 29-11-2014.
  2. "6 Fakta menarik dari rumah makan Padang" Merdeka.com, 12-05-2014. Diakses 26-01-2020.
  3. "Masakan Padang: Kenikmatan Cita Rasa yang Berempah" Website Kementerian Pariwisata RI. Diakses 26-01-2020.
  4. "Sukses Mendirikan dan Mengelola Rumah Makan Padang" Chairina R., Genta P., & Lastya A., TransMedia Pustaka, 2008. Diakses 26-01-2020.
  5. "Minang Saisuak #184 - Asal nama "Restoran Padang""Surya Suryadi - Singgalang, Diarsipkan dari aslinya. 13-07-2014. Diakses 26-01-2020.
  6. "Halo Warung Padang, Halo Warteg" Okezone.com, 12-09-2011. Diakses 26-01-2020.