Lontong paku
Lontong paku marupoan jinih hidangan bakuah nan disajian jo lontong samo gulai paku. Lontong paku atau katupek gulai paku marupoan hidangan nan barasa dari Pariaman, Sumatera Barat. Lontong paku ko bahan utamonyo pakis atau paku untuak gulainyo. Gulainyo bakuah santan kakuniangan nan dicampua jo bumbunyo nan baragam. Jinih hidangan ko biasonyo disajian katiko di pagi hari. Namun ado pulo nan manjua lontong paku katiko malam, biasonyo disabuik jo lontong malam.[1][2]
 Lontong paku | |
| Asa | |
|---|---|
| Namo lain | Katupek gulai paku |
| Nagara | Indonesia |
| Daerah | Pariaman, Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Lontong, pakis, santan, lado, bumbu |
Caro mambuek
suntiangBahan-bahan untuak mambuek lontong paku tadiri dari bareh untuak mambuek lontongnyo, paku, santan, jo aia. Untuk bumbu aluihnyo tadiri dari bawang merah, bawang putiah, kunyik, sipadeh, langkuweh, daun salam, sarai, asam kandih, lado kutu, garam, jo gulo. Mulonyo cucih bareh, tanak bareh jo aia sampai jadi lontong. Tumih bumbu aluih jo daun-daun tadi, lado kutu, samo garam sampai agak kariang. Masuakan santan, masak sampai manggalagak. Sudah tu masuakan paku, agiah gulo saketek. Kalau alah masak, tuangan gulai paku ka lontong.[2]
Rujuakan
suntiang- ↑ Liputan6.com (2021-02-15). "Nikmatnya Sarapan Pagi dengan Katupek Gulai Paku Khas Ranah Minang". liputan6.com. Diakses tanggal 2021-06-14.
- ↑ a b "Mencicip Ketupat Gulai Paku yang Melegenda dari Cililitan". Republika Online. 2019-07-23. Diakses tanggal 2021-06-15.