Rakik kacang
Rakik kacang iolah makanan ringan nan tabuek dari tapuang bareh nan dicampua aia sasudah tu ditambahan kacang atau teri, alah tu dicetak dan di goreang. Proses panggorengan rakik harus dicuboan ciek ciek karano sangaik manantuan kualitas rakik nan dihasilkan. Rakik digoreang manggunoan cetakan bulek nan berdiameter 8 cm dan panjang tangkainyo 15 cm. Wakatu nan dibutuhan untuak manggoreang rakik cukuik lamo, kiro-kiro 63 detikmulai dari mamasuakan adonan rakik ka pancetakan nyo sampai rakik dikaluan dari kuali panggorengan.[1]
 Rakik kacang jo campuran kacang tanah. | |
| Asa | |
|---|---|
| Namo lain | Pèyèk |
| Wilayah | Minangkabau |
| Nagara asa | Indonesia  |
| Kaâhlian mamasak | gorengan |
| Rincian | |
| Jinih | makanan goreng (id)  |
| Metode penyajian | goreng (id) |
| Bahan utamo | Tapuang bareh |
| Variasi | Peyek bayam, peyek teri, peyek kedelai dll. |
Caro manggoreang rakik dilakuan jo mamasuakan cetakan nan alah barisi adonan rakik ka dalam minyak angek sambia diaduk taruih sampai rakik lapeh dari cetakannyo,sasudah rakik masak rakik dikaluan dari kuali pangggorengan sambia maaduak rakik nan alun masak didalam kuali. Tahap panggorengan rakik adolah tahapan nan paliang pantiang karano akan manantuan kualitas rakik nan dihasilkannyo, jadi proses panggorengan ko harus teliti, karano jiko rakik talambek diangkek dari dalam minyak jadinyo rakik akan talalu masak atau dapek jadi nyo anguih.
Bahan-bahan nan digunoan untuak mambuek rakik kacang:
● ½ kg kacang tanah nan alah dibuang kuliknyo
● 4 incek kemiri
● 4 buah bawang putih
● 350 gram tapuang bareh
● 250 ml santan
● 100 ml aia putiah alah masak
● 1 talua ayam
● 5 lembar daun limau nan alah diirih tipih
● garam sacukuik nyo
● minyak goreang sacukuiknyo
Galeri
suntiang-
Rakik kacang dari sampiang -
Rakik kacang dari ateh -
Bantuak detail rakik kacang
Rujuakan
suntiang- ↑ PUSPYTA, AMELIA (2016-04-30). "ANALISIS USAHA RAKIK KACANG AS SYIFA DI KENAGARIAN PAGARUYUNG KAB TANAH DATAR" (dalam bahasa Indonesia). Diakses tanggal 2019-11-24.