Tapuang bareh

Tapuang bareh adolah tapuang nan dibuek dari bareh nan ditumbuak atau digiliang sampai aluih. Tapuang bareh ndak samo jo pati bareh nan caro bueknyo tu dirandam di larutan alkail. Untuak urang nan punyo pinyakik intoleransi gluten, tapuang bareh ko bisa dijadikan pangganti tapuang gandum dek tapuang bareh ndak manganduang gluten .

Ciri-ciri

Ado babarapo ciri-ciri nan manandoan bahwasannyo itu adolah tapuang bareh, di antaronyo iolah warnanyo putiah agak transparan, taraso lambuik jo aluih di tangan, sarato kanduangan amilosanyo kiro-kiro 20% . Biasonyo tapuang bareh ko digunokan untuak mambuek makanan tradisional, misalnyo bakwan, peyek, nagosari, dan lain sabagainyo .

Manfaaik

Salain digunokan untuak mambuek baragam makanan lamak, tapuang bareh punyo manfaaik lain. Manfaaik tu antaro lain manurunkan barek badan, manyambuahkan luko, mancerahkan muko, manurunkan rasiko serangan jantuang, sarato mancegah muko dari jirawek .