Rafendi Djamin
Rafendi Djamin (lahia di Padang, Sumatera Barat, 7 November 1957; umua 67 taun) adolah surang panggiat HAM jo demokrasi di Indonesia sarato ASEAN. Wakatu barado di Amsterdam, Balando, Rafendi mandirian Indonesia's Forum for Human Dignity (InFoHD) sarato manjabat sabagai katua dari taun 1992 sampai 2003. InFoHD batujuan mampakuaik jo mamfasilitasi pangambangan HAM di Indonesia. Pado taun 2003 Rafendi baliak ka Indonesia, lalu ikuik mandirian Human Rights Working Group hasil koalisi babarapo LSM. Tujuan dari pandirian limbago tu untuak mangoordinasian sarato mangimplementasian advokasi aturan-aturan HAM internasional di Indonesia.[1]
Rafendi Djamin | |
|---|---|
| Lahia | 7 Nopember 1957 |
| Kabangsaan |  Indonesia |
| Alma mater | - Institute of Social Studies, Den Haag, Balando - Universitas Indonesia |
| Dikana dek | Panggiat HAM |
Komisi Antar-pamarentah ASEAN untuak Hak Asasi Manusia atau AIHRC jadi wadah baru dek Rafendi Djamin untuak bakiprah dalam managak-an HAM jo demokrasi. Rafendi tapiliah manjadi komisioner HAM dari Indonesia di limbago tu. Rafendi satu-satunyo komisioner di komisi itu nan barasa dari unsur masyarakaik sipil, sadangkan komisioner lainnyo barasa dari unsur pamarentah baiak nan masih aktif maupun nan alah pansiun dari birokrasi. Rafendi Djamin nan badarah Minang jo Jawa ko laia di Padang, Sumatera Barat pado tanggal 7 November 1957.[2]
Pandidikan
suntiang- Fakultas Ilmu Sosial dan Ilmu Politik Universitas Indonesia (1981)
- Master Degree di Institute of Social Studies, Den Haag, Balando (1984-1986)
Karier
suntiang- Komisioner AIHRC (komisi antar pamarentah ASEAN untuak HAM) (2009)
- Pandiri jo Koordinator Human Right Working Group (2003)
- Pandiri jo Katua Indonesia’s Forum for Human Dignity (InFoHD), Amsterdam, Balando (1992-2003)
Rujuak-an
suntiang- ↑ Rafendi Djamin Hidupkan HAM ASEAN Archived 2013-05-08 di Wayback Machine. Tokoh Indonesia. Diakses 6 Mei 2013.
- ↑ Profil Rafendi Djamin merdeka.com. Diakses 6 Mei 2013.
