RSPB Minsmere
RSPB Minsmere (Royal Society for the Protection of Birds) adolah sabuah cagar alam nan mampunyoi tujuan untuak malinduangi binantang-binantang nan langka atau nan patuik dilinduangi. Cagar alam ko talatak di negara Inggris, tapek nyo di kota Minsmere, daerah Suffolk, Inggris subalah timua.[2] Sabalum manjadi cagar alam, tampek ko samulo adolah daerah rawo-rawo nan kamudian pado abaik ka 19 di jadian manjadi lahan pertanian. Luweh cagar alam ko kiro-kiro sakitar 1000 hektar nan kini ko di kalola dek RSPB atau sabuah organisasi nan malinduangi jinih-jinih buruang.[2]
| Cagar Alam RSPB Minsmere | |
|---|---|
 kawasan cagar alam Minsmere, daerah resapan aia nan di tumbuahi padang rumpuik jo ilalang di tapi-tapinyo | |
| koordinat | 52°14′33″N 01°36′50″E / 52.24250°N 1.61389°EKoordinat: 52°14′33″N 01°36′50″E / 52.24250°N 1.61389°E |
| Ditetapkan pado | 1947 |
| Operator | Royal Society for the Protection of Birds (RSPB) Minsmere |
| rspb.org.uk/reserves-and-events/reserves-a-z/minsmere/ | |
| Namo rasmi: Minsmere - Walberswick | |
| Ditatapkan: | 5 January 1976 |
| No. Referensi | 75[1] |
Sijarah
suntiangPado sakitaran tahun 1930, kawasan cagar alam ko alah mulai di kelola dek kelompok sosial palinduang binantang nan ado di sinan. Pado awal nyo lahan nan dikalola adolah saluweh 600 hektar. kamudian pado tahun 1947 ditetapkanlah kawasanko manjadi cagar alam.[3] Pado tahun 1959 tajadi parubahan gadang dalam manajemen pangalolaan kawasan cagar alam ko. Kaadaan tasabuik mambuek tanaman-tanaman nan alah ado rusak, ilang nyo babarapo habitat binatang nan ado disinan, sumber aia manjadi bakurang, sarato jo adonyo kajadian manurunnyo pamukaan tanah di kawasan cagar alam ko nan badakek an jo lauik. Samanjak ketua pangalola kawasan ko baganti jo nan baru pado tahun 1977, mako kaadaan taman atau cagar alam ko palahan-lahan mulai mambaiak. Pado tahun 1979, populasi binantang-binantang nan ado disinan lah mulai nampak karano habitat atau tampek tingga binatang-binantang tasabuik alah indak rusak lai. Namun, pado tahun 1987 kawasan cagar alam ko dilando dek angin badai nan sangaik kuek. Angin badai ko mambuek hutan-hutan disinan rusak. Tacataik ado sakitar 3000 batang kayu nan rubuah di lando dek badai gadang. Pado tahun 1990 an pangalola mulai mamelokan kawasan ko nan alah di hantam badai. Pangalola kamudian manambah luweh lahan cagar alam ko dan mananamnyo jo bantang kayu balliak. Sahinggo, kini ko cagar alam Minsmere ko punyo luweh sakitar 1000 hektar. Kawasan cagar alam ko tadiri dari lahan alang-alang, daerah resapan aia, samak balukar, hutan, bukik pasia sarato jo tumbuahan lainyo. Untuak tumbuah-tumbuahan nan tumbuah di cagar alam ko tamasuak jo biantang nan tinggal didalamnyo, dilinduangi dek pamarintahan Inggris sacaro hukum. Di dalam cagar alam ko tadapek babarapo kawasan nan dijadian khusus untuak konservasi, palinduangan tumbuahan jo binantang, sarato jo tampek untuak panilitian.[4][5][6][7]
Bantangan alam
suntiangKawasan cagar alam minsmere ko barado di daerah nan ba lambah nan di apik dek duo tabiang-tabing tinggi, yaitunyo tabiang Dunwich di subalah utara jo tabiang Sizewell di subalah salatan. Tabiang-tabiang tasabuik rato-rato mampunyoi tinggi sakitar 17 meter. Salanjuinyo, cagar alam ko mampunyoi garih pantai atau babateh jo pantai di subalah timua nyo.[8] Pado jaman dahulunyo, daerah pantai dari kawasan cagar alam ko labiah randah dari pamukaan aia lauik. Akibaiknyo banyak nyo aia lauik tasabuik nan masuak ka daratan katiko tibo musim aia pasang. Kajadian tasabuik tajadi lamo nan mabuek kawasan cagar alam ko dulunyo marupoan rawo-rawo. Karano adonyo material-material nan dibawo dek aia lauik tadi ka daratan nan kamudian bacampua jo material-maerial batuan nan ado di daratan mambuek aia danau jo aia bantang aia Minsmere ko agak bawarna itam.[3]
Tumbuahan jo binantang
suntiangTumbuahan
suntiangSacaro umum kawasan cagar alam ko tadiri ateh rawo-rawo, sahinggo mambuek indak baraa tumbuahan nan tumbuah di kawasan cagar alam ko. Babarapo tumbuahan sarupo batang kayu nan tumbuah dan kamudian bantang kayu tasabuik mati. Sarupopun bak baitu, batang kayu nan mati tasabuik manjadi tampek tumbuah jo bakambang biak dek tumbuahan jamua. Sahinggo di kawasan cagar alam ko tadapek sakitar 1500 macam-macam jinih jamua, tamasuak jinih-jinih jamua langka sarupo jamua moor club, jamua bolete, jo jamua kapalo singo. Kamudian di kawasan dakek-dakek ka bagian pantai ado juo tadapek tumbuahan nan langka sarupo jinih bungo poppy batanduak kuniang, bungo cudweed daun merah, jo tumbuahan wintergreen badaun bulek.[9][10]
Binatang
suntiangCagar alam Minsmere ko bafokus untuak malinduangi binantang-binantang tarutamo jinih-jinih buruang. Pado tahun 2017 tadapek 342 jinih buruang di Minsmereko. Diantaro jumlah tasabuik, ado 200 jinih buruang bakambang biak sacaro alami dan 100 jinih buruang nan di bantu pakambangbiakannyo dek pangalola Minsmere ko. Proses pakambangbiakan jinih buruang di cagar alam Minsmere ko indak lah murah, di tahun 1990-an pernah mangalami kagagalan. Pado taun tasabuik hanyo dapek ciek jinih buruang pajantan nan untuak dikawinan jo jinih batino nan lain. Salanjuinyo pangalola cagar alam ko bapikia jo mambuek manajemen baru jo pangalolaan lahan nan baru nan akhianyo mangundang jinih-jinih buruang pajantan untuak datang, sahingga dapek lah di pakambiakan jo jinih nan batino. Akhianyo hinggo saaik kini ko pangalola cagar alam Minsmere ko dapek mangambang biakan antaro 40 sampai 140 pasang jinih buruang.[11] Populasi pakambangan buruang di kawasan Minsmere ko samakin maningkek dari taun ka taun. Babarapo jinih buruang khas daerah sinan nan mangalami pakambangan nan maningkek diantaronyo iolah buruang poligini, buruang berjanggut, buruang hutan, buruang nightjars, buruang bulbul jo burung dartford.[11]
Binantang nan lainnyo nan tadapek di kawasan cagar alam Minsmere ko adolah babarapo jinih unggeh nan lainyo. Unggeh-unggeh tasabuik iolah wigeon, gadwall jo unggeh teal, Unggeh tasabuik datang ka kawasan ko katiko musim migrasinyo atau musimnyo pindah habitat. Unggeh-unggeh tasabuik ba pindah ka kawasan Minsmere ko kadang jo jumlah nan banyak atau barombongan. Salain itu, tadapek pulo jinih-jinih unggeh langka diantaronyo iolah bluethroats, wrynecks dan dotterels.[11] Di kawasan nan lokasinyo dakek ka pantai, tampek ko manjadi tampek tingga dek alang hitam, buruang nuri bawarna merah, jo buruang nuri bawarna biru.[11]
Poto-poto RSPB Minsmere
suntiang-
kawasan cagar Minsmere nan talatak dibagian pantai -
Salah ciek buruang nan barado di kawasan cagar alam Minsmere
.jpg)
.jpg)
Rujuakan
suntiang- ↑ "Minsmere - Walberswick". Ramsar Sites Information Service. Diakses tanggal 16 januari 2020.
- ↑ a b "Minsmere - Walberswick | Ramsar Sites Information Service". rsis.ramsar.org. Diakses tanggal 2020-01-16.
- ↑ a b Axell, Herbert. (1977). Minsmere : portrait of a bird reserve. London: Hutchinson. ISBN 0-09-128840-1. OCLC 3657862. https://www.worldcat.org/oclc/3657862.
- ↑ "Minsmere Nature Reserve Archaeology and History". The RSPB (dalam bahasa Inggris). Diakses tanggal 2020-01-17.
- ↑ "Minsmere to Walberswick Heaths and Marshes - Special Areas of Conservation". sac.jncc.gov.uk. Diakses tanggal 2020-01-17.
- ↑ "SSSI detail". designatedsites.naturalengland.org.uk. Diakses tanggal 2020-01-17.
- ↑ "England". archive.jncc.gov.uk. Diarsipkan dari versi asli tanggal 2019-07-24. Diakses tanggal 2020-01-17.
- ↑ "Coastal change in historic times–linking offshore bathymetry changes and cliff recession in Suffolk" (PDF). Diakses tanggal 22 Januari 2020.
- ↑ "Minsmere Nature Reserve, Suffolk". The RSPB (dalam bahasa Inggris). Diakses tanggal 2020-01-22.
- ↑ Moore, D. (David), 1942-; British Mycological Society. Symposium (1999 : London, England) (2001). Fungal conservation : issues and solutions : a special volume of the British Mycological Society. Cambridge, U.K.: Cambridge University Press. ISBN 978-0-511-56516-8. OCLC 704520157. https://www.worldcat.org/oclc/704520157.
- ↑ a b c d "Great bird reserves: RSPB Minsmere". British Birds (dalam bahasa Inggris). Diarsipkan dari versi asli tanggal 2020-07-20. Diakses tanggal 2020-01-22.