Manajemen

Manajemen adolah sabuah seni dalam manyalasaikan suatu nan dikarajoan malalui urang lain. Urang nan manyuruah urang lain untuak manyalasaikan suatu pakarajoan disabuik jo manejer. Aratinyo saurang manejer harus bisa mangatur jo mangarahkan urang lain untuak mancapai tujuan organisasi atau parusahaan. Ricky W. Griffin mandefinisikan manajemen sabagai sabuah proses parancanaan, pangorganisasian, pangkoordinasian, jo pangontrolan sumber dayo untuak mancapai sasaran sacaro efektif jo efisien. Efektif bararti bahwasanyo tujuan dapek dicapai sasuai jo parencanaan samulo, samantaro efisien bararti bahwasanyo tugas nan ado dilaksanaan sacaro batua, taorganisir, jo sasuai jadwal. Manajemen alum mampunyoi definisi nan luweh jo ditarimo sacaro universal.

Tujuan manajemen

Tujuan manajemen iolah untuak marealisasikan suatu nan diinginkan. Manajemen manggambarkan cakupan tatantu jo manyarankan pangarahan kapado usaho dari saurang manejer. Dalam tujuan manejemen tadapek ampek buah elemen pokok nan harus ado, yaitunyo sasuatu nan nio direalisasian, cakupannyo, katepatannyo, jo pangarahan. Elemen-elemen tasabuik haruslah dijalanan guno untuak mancapai tujuan dari sabuah manajemen yaitunyo pado akhianyo mandapek hasia taupun kauntuangn sacara maksimum. Manajemen dapek pulo batujuan untuak maningkekan efisiensi dari faktor-faktor produksi, maningkekan kasejahtaraan maksimum untuak pimpinan jo karyawan, sarato sabagai paningkatan perbaikan masyarakaik jo kaadilan.

Fungsi manajemen

Parancanaan (planning)

Fungsi parancanaan adolah mamikian apo nan kan dikarajoan dengan sumber nan dimiliki. Parancanaan dilakuan untuak manantuan tujuan sabuah parusahaan sacaro kasaluruahan jo caro tabaiak untuak mamanuahi tujuan tasabuik. Manejer mangevaluasi babagai rencana alternatif sabalum maambiak tindakan nan kamudian maliek apokah rencana nan dipiliah cocok sarato dapek digunoan untuak mamanuahi tujuan parusahaan. Parancanaan marupoan proses paliang paralu dari kasado fungsi manajemen karano tanpa parancanaan, fungsi-fungsi lainnyo indak dapek bajalan.

Pangorganisasian (organizing)

Pangorganisasian dilakuan dengan tujuan untuak mambagi suatu kagiatan gadang manjadi kagiatan-kagiatan nan labiah ketek. Pangorganisasian dapek mampamudah manejer dalam malakuan pangawasan jo manantuan urang nan dibutuahan untuak malaksanakan tugas nan alah dibagi-bagi tasabuik. Pangorganisasian dapek dilakuan jo caro manantuan tugas apo nan harus dikarajoan, siapo nan harus mangarajoannyo, bagaimano tugas-tugas tasabuik dikalompokkan, siapo nan batangguang jawab ateh tugas tasabuik, jo pado tingkatan mano kaputusan harus diambiak.

Pangarahan (directing)

Pangarahan adolah suatu tindakan untuak mangusahoan bia kasado anggota kalompok barusaho untuak mancapai sasaran sesuai jo parancanaan manajerial jo usaho.

Tingkatan manajemen

Manajemen puncak (top level management)

Manajemen puncak marupoan tingkatan manajemen paliang tinggi dalam organisasi. Manajemen ko batangguang jawab tahadok saluruah aktivitas organisasi. Panamoan urang nan mamegang tingkek iko ko adolah direktur, presiden direktur, dewan direksi, dan sabagainyo.

Manajemen manangah (middle management)

Manajemen managah batugas untuak mambuek rencana sasuai tujuan jo tingkatan nan labiah tinggi. Salain itu, bagian manajemen iko mampunyoi kawajiban malapor kapado top manajer. Panamoan urang nan barado di tingkek iko adolah kapalo departemen, kapalo pangawas, dan sabagainyo.\

Manajemen lini partamo (first level management)

Manajemen iko marupoan tingkatan nan paliang bawah dalam organisasi. Pado tingkatan iko manajemen iko batugas mamimpin jo mangawasi tanago-tanago operasional. Manajemen lini patamo iko disabuik juo jo istilah operasional (supervisor, kepala seksi, atau mandor).