Pulau Flores

Flores, dari bahaso Portugis nan bararti "bungo", adolah sabuah pulau nan barado di wilayah administrasi Provinsi Nusa Tenggara Timur, Indonesia. Kato Flores diambiak dari bahaso Portugis yaitunyo “cabo de flores “ nan bararti “Tanjuang bungo”. Namo tasabuik samulo di agia dek S.M. Cabot untuak manyabuik wilayah timur dari pulau Flores. Namo iko akhianyo dipakai sacaro resmi samanjak tahun 1636 dek Gubernur Jenderal Hindia Belanda Hendrik Brouwer. Sabuah studi oleh Orinbao (1969) mangungkapkan bahwasanyo namo asli pulau Flores adolah Nusa Nipa, nan bararti pulau ula. Dari suduik antropologi, istilah iko labiah bamanfaaik karano manganduang babagai makna filosofis, kultural, sarato jo tradisi masyarakaik Flores.

Pulau Flores

Topografi Flores
Geografi
Lokasi	Asia Tenggara
Koordinat	8°40′29″S 121°23′04″E
Kapulauan	Kepulauan Sunda Kecil
Area	13,540 km2 (5.228 sq mi)
Paringkek laweh wilayah	60th
Panjang	354 km (220 mi)
Leba	66 km (41 mi)
Elevasi tatinggi	2,370 m (7.780 ft)
Nagara
Indonesia
Demografi
Populasi	1.831.000
Kapadatan	135 /km2 (350 /sq mi)

Flores tamasuak dalam gugusan Gugusan pulau Nusa tenggara basamao Bali jo Nusa Tenggara Barat, dengan luweh wilayah sakitar 14.300 km². Panduduak di Flores, pado tahun 2007, mancapai 1,6 juta jiwa. Puncak tatinggi adolah Gunuang Ranaka (2350m) nan marupaoan gunuang tatinggi kaduo di Nusa Tenggara Timur, sasudah Gunuang Mutis, 2427m di Timor Barat.

Pulau Flores basamo Pulau Timor, Pulau Sumba jo Pulau Alor marupoan ampek pulau gadang di provinsi Nusa Tenggara Timur. NTT marupoan salah satu provinsi kepulauan di Indonesia dengan 566 pulau. Flores, dengan luweh, jumlah panduduak jo sumber daya baiak alam maupun manusia nan dinilai cukuik memadai, kini tangah mampasiapkan diri manjadi sabuah provinsi pamekaran di NTT.

Di ujuang barat jo timur Pulau Flores ado babarapa gugusan pulau ketek. Di sabalah timur ado gugusan Pulau Lembata, Adonara jo Solor, sadangkan di sabalah barat ado gugusan Pulau Komodo jo Rinca.

Di sabalah barat pulau Flores, sasudah gugusan pulau-pulau ketek tasabuik, tadapek pulau Sumbawa (NTB). Sadangkan di sabalah timur sasudah gugusan pulau-pulau ketek tasabuik, tadapek kapulauan Alor. Di sabalah tenggara tadapek pulau Timor. Di sabalah barat daya tadapek pulau Sumba, di sabalah selatan terdapek Laut Sawu, sabalah utara, di sabarang Laut Flores tadapek Sulawesi.

Suku, bahaso, sistem kapicayoan jo budayanyo

Suku

Suku bangso Flores adolah pacampuran etnis antaro Melayu, Melanesia, jo Portugis. Akibaik panjajahan Portugis, mako interaksi jo kabudayaan Portugis sangaik taraso dalam kabudayaan Flores, baiak malalui genetik, agamo, jo budaya. Ado babarapo suku-suku nan tadapek di Pulau Flores, antaro lain:

1. Suku Lio
2. Riung
3. Ngada
4. Nage-Keo
5. Suku Ende
6. Suku Manggarai
7. Suku Sikka
8. Suku Lamaholot (Larantuka)
9. Lembata

Pabedaan kabudayaan antaro sub-suku-bangsa Riung, Nage-Keo, Ende, Lio jo Sikka indak talampau signifikan. Sadangkan pabedaan antaro kalompok sub-suku-bangso tasabuik jo urang Manggarai dan Bajawa cukuik signifikan. Sarupo halnyo dari segi bantuak fisik, ado ciek pabedaan nan mancolok. Panduduak Flores mulai dari urang-urang Riung makin ka Timur manunjuakan labiah banyak ciri-ciri Melanesia, sarupo panduduak Papua, sadangkan urang Manggarai jo Bajawa (Ngada) labiah banyak manunjuakan ciri-ciri Mongoloid-Melayu. Adopun sub-suku-bangsa Larantuka babeda dari nan lain. Hal iko dikaranokan mereka labiah tacampua sarato mandapek pangaruah unsua-unsua kabudayaan dari lain-lain suku-bangso Indonesia nan datang jo bacampua di kota Larantuka.

Bahaso

Manuruik hasia pahituangan leksikostatistik didapek babarapo unsua bahaso daerah di Flores nan didasarkan pado pabedaan tiok-tiok suku. Masiang-masiang suku iko mampnyoi babagai macam bahaso jo caro-caro palafalannyo. Sacaro umum bahaso tasabuik barasa dari bahaso Melayu nan turuik bakambang manyasuaikan daerah-daerah nan dihuni dek suku-suku tasabuik. Sarupo daerah lain di NTT, Manggarai mandapek pangaruah pangembaraan dari urang-urang nagari sabarang, sarupo Cina, Jawa, Bugis, Makasar, Balando dan sabagainyo. Mako indak heran apobilo bahaso Manggarai mampunyoi bahaso nan labiah khas talapeh dari ciri-ciri fisiknyo nan babeda dari urang-urang suku lain nan barado di Flores. Walaupun tiok wilayah tatantu mamiliki ragam dialektika babeda tatapi sacaro umum urang Flores mampunyoi saindaknyo 5 bahaso daerah yaitunyo:

1. Bahaso Lamaholot: umumnyo dilafalkan dek urang Flores Timur nan tadiri dari bagian Flores daratan, pulau Adonara, pulau Solor jo pulau Lembata.
2. Bahaso Sikka: Sacaro umum digunoan dek urang Flores pado wilayah kabupaten Sikka.
3. Bahaso Ende/Lio: Digunoan dek urang Flores dari suku Ende jo Lio
4. Bahaso Ngada: Pamakaian bahaso iko maliputi masyarakaik kabupaten Ngada jo Pamekarannnyo yaitu wilayah kabupaten Nagekeo.
5. Bahaso Manggarai: Panutuanyo umumnyo urang nan mandiami kabupaten Manggarai tamasuak pamekarnyo wilayahnya yaitu Manggarai Timur jo Manggarai Barat.

Dikatoan umumnyo atau sacaro umum, karano pado wilayah-wilayah pabatasan tatantu sacaro geografis jo sacaro kultur sosial babeda dan saliang bapangaruah sahinggo bahaso daerah pado wilayah tasabuik ikuik pulo tapangaruah. Misalnyo pado pabatasan kabupaten Flores Timur jo Kabupeten Sikka, pado bagian barat kabupaten Flores Timur ado babarapo wilayah tatantu nan masyarakaiknyo babahaso Sikka, baaitu pulo nan tajadi di babarapo wilayah lain sarupo pabatasan wilayah kabupaten Ende jo Maumere.

Disampiang 5 bahasa tasabuik, urang Flores manggunoan pulo bahaso Melayu sabagai bahaso ibu, panutuanyo umumnyo urang nan tingga di kota Larantuka dan babarapo daerah lain sarupo Hokeng di wilayah Kecamatan Wulanggitang di kabupaten Flores Timur.

Sistem Kapicayoan

Masyarakaik Flores alah manganuik agamo sarupo Katolik, Islam, Kristen dan lain sabagainyo. Namun masih tadapek tradisi atau kapicayoan leluhua nan dipatahankan, salah satunyo adolah tradisi megalitik di babarapo sub etnis Flores. Misalnyo, tradisi mandirian jo mamaliharo bangunan-bangunan pamujaan untuak arwah leluhua sabagai wujuik panghormatan (kultus) tahadok para leluhua jo arwahnyo barawal sajak sakitar 2500 - 3000 tahun lalu dan sabagian diantaronyo masih balangsuang sampai kiniko.

Dampak pandirian monumen-monumen tradisi megalitik tasabuik bagitu lueh mancakuik aspek simbolisme, pandangan tahadok kosmos (jagat raya), asa mulo kajadian manusia, binatang da sabagainyo. Upacara doa jo mantra, sarato babagai media untuak maekspresikan simbol-simbol sacaro fisik dalam kabasamoan. Tradisi megalitik nan bakambang di Pulau Flores awa pamuncualannyo, tampak pado siso-siso peninggalan sarupo rancang rumah adaik jo monumen-monumen pamujaan tahadok arwah leluhua, tamasuak seni ragam hiasnyo.

Salain itu, tampak pulo pado upacara pamujaan tamasuak prosesi doa mantra, pakaian, palaku seni, seni suaro jo tari sarato palengkapan-palengkapan upacara (ubarampe) dan sabagainyo.Tradisi megalitik pun tampak pado tata ruang, fungsi, konstruksi sarato struktur bangunan. Indak lupo pado upacara siklus hiduik mulai dari lahia, inisiasi, pakawinan dan pola manatap sasudah perkawinan jo kamatian, panguburan sarato perkabungan. Alah tantu hal tasabuik bakaitan jo upacara untuak mancari mato pancarian, sarupo pambukaan lahan, panebaran baniah, panen, baburu, pangolahan logam dan sabagainyo, sarato pambuatan benda-bendagerabah, tenun jo sanjato.

Rujuakan

• L, Klemen (1999–2000). "Forgotten Campaign: The Dutch East Indies Campaign 1941-1942". Diarsipkan dari versi asli tanggal 26 July 2011.