Wikipedia

Pulau Doom

Pulau Doom marupoan pulau nan lataknyo baadokan lansuang jo Kota Sorong, Papua Barat. Dari pelabuhan Kota Sorong, ado tigo pulaun nan taliek jaleh, salah satunyo Pulau Doom ko. Pulau Doom indak talampau laweh, lawehnyo hanyo sakitar 5 kilometer persegi jo dapek dikaliliangi dalam wakatu 45 minik sajo.[1] Samantaro itu, jikok manyubarang manggunoan perahu masin dari Kota Sorong hanyo butuh wakatu 10 minik sajo.[2]

Pulau Doom pada 1955
Pulau Doom (tengah) di antara pulau-pulau sekitar Sorong
Lua error in Modul:Location_map at line 539: Tidak dapat menemukan definisi peta lokasi yang ditentukan. Baik "Modul:Location map/data/Indonesia Maluku and Western New Guinea" maupun "Templat:Location map Indonesia Maluku and Western New Guinea" tidak ada.
Geografi
Koordinat0°53′13″S 131°14′10″E / 0.88694°S 131.23611°E / -0.88694; 131.23611Koordinat: 0°53′13″S 131°14′10″E / 0.88694°S 131.23611°E / -0.88694; 131.23611
Dibatasi dekSamudra Pasifik
Garih pantai4,5 km
Pamarintahan
NagaraIndonesia
ProvinsiPapua Barat
KotaSorong
KecamatanSorong Kepulauan
Demografi
Panduduak9,143 jiwa (2016)
Info lainnyo
Zona wakatu

Pulau Doom, atau yang biaso disabuik juo jo Pulau Dum. Dek masyarakaiak asli (Suku Malamoi) disabuik dum karano di situ banyak tumbuah pohon nan babuah. Dek co itu, baralan karano banyak tumbuah buah-buahan di pulau iko, buah sukun salah satu buah nan paliang mandominasi. Sukun ditamuan ampia di satiok rumah warga, sukun banyak diolah sabagai makanan tambahan.[3]Pulau Doom juo disabuik jo Pulau Mutiara jo Pulau Bintang.[2]

Pulau Doom dapek dikatoan salah satu pulau bebas polusi karano indak banyak kandaraan bamotor. Alaik transportasi utamo nan digunoan yaitu becak.[4] Jiko nio manikmati kaindahan pamandangan Pulau Doom, bisa dicaliak dari puncak bukik labiah tapeknyo di Gereja Jemaat Bethel Doom.[4] Samantaro itu, untuak aia minum panduduak Pulau Doom mangolah aia lauik manjadi aia minum.[5] Talatak di kapuluan, satu-satunyo sumber aia yaitu lauik. Pamarintah mambangun instalasi aia sajak tahun 2015.[2]

Sijarah

suntiang

Pado maso pendudukan Belanda di Indonesia, Pulau Doom dijadian pusat pamarintahan Kota Sorong nan disabuik jo Onderafdeling sakitar tahun 1935. Pado maso itu sado kagiatan tapusek di Pulau Doom. Dek karano Pulau Doom sabagai ibu kota pamarintahan, listrik, insfrastuktur, jo faslitasny lainnyo labiah dulu ado di Pulau Doom dari pado Sorong daratan.[1]

Pambangunan infrastruktur di Pulau Doom indak main-main, Pamarintah Belanda bahkan alah mambangun pembangkit listrik tanago diesel untuak penerangan kota. Pado maso itu Pulau Doom acok disabuik jo sering pulau bintang karano tarang bandarang dibandiangan jo wilayah Papua lainnyo.[5]

Pakambangan suatu kota pasti indak bisa lapeh dari panduduaknyo, partamo sakali soal mobilitas panduduak. Pulau Doom sabagai pusek kagiatan Pamarintahan Hindia Belanda manjadi musabab banyaknyo migrasi masuak ka pulau ko. Panduduak nan datang barasa dari wilayah Papua lainnyo, Sulawesi, Maluku, inggo Jawa untuak bakarajo di perusahaan minyak Bataafsche Petroleum Maatschappij. Dek iko manjadi Kota Sorong atau Pulau Doom khususnyo manjadi kota nan majemuk, jo kato urang asli, “semua suku Indonesia ada di Sorong! Kami bhineka tunggal ika”.[5]


Inggo ari ko pangaruh Belanda masih sangaik taraso di pulau ko, di salah satu suduik pulau ditamuan rumah jo mural bagambar Zwarte Piet atau Black Pete, yang marupoan pambantu Santa nan bakulik itam nan anyo ado di dalam dongeng Natal di Belanda jo babarapo negara Eropa.

Samantaro itu, pado maso pandudukan Jepang, Pulau Doom punyo paran pantiang pulo sabagai basis patahanan Hollandia. Tantara Japang mambuek gua nan saliang bahubungan jo banyak bunker patahanan ala strategi parang Japang maso itu.[1]

Suku asli

suntiang

Suku malamoi atau moi marupuan suku asli nan tingga di Pulau Doom. Wilayaik adaik Moi, sangaik laweh indak anyo tabantang di tigo wilayah administrasi Sorong daratan (Kota Sorong dan Kabupaten Sorong dan Sorong Selatan), masuak pulo Raja Ampat jo daerah-daerah lain.

Moi mampunyoi 10 sub suku jo batehnyo masiang-masiang. Sub suku iko dibagi manjadi ini 100-an marga besar jo marga kecil disabuik gelet. Di antaro sub suku Moi iko yaitu, Moi Kalasa, Moi Kalagedi, Moi Malamsimsa, Moi Amber, Moi Malayik, Moi Seget, Moi Kelim, Moi Walala, Moi Abun, Moi Malaibin. Anyo babarapo sub Suku Moi tanamo, khusus di Kabupaten Sorong.[6]

Geografi dan administrasi

suntiang

Sacaro administratif, Pulau Doom marupoan bagian dari Kota Sorong, Kecamatan atau Distrik Sorong Kepulauan. Talatak di kapulauan mambuek warga di Pulau Doom kini ko tarisolasi, sabab ndak ado kapa nan rutin balabuah. Mobilitas warga bagantuang pado kapa nan indak ado jadwal pastinyo. Kasaharinyo warga bagantuang pado parahu atau Laboet milik warga lain nan bilo basanda di darmaga pulau. Kadang pamiliak Laboet anggan talalu banyak pai ka pulau Dooo, dek karano jaraknyo jauah. Dek itu pulo warga di Pulau Doom ko indak punyo jadwal berpergian nan jaleh.[7] Salain itu warga manggunoan Lomboat atau taksi laut nan digunoan warga indak tajamin kaamananyo, sabab acok indak pakai palampuang.[7]

Badan Pusat Statitik (BPS) 2019, Pulau Doom mampunyoi duo kalurahan, yaitu kalurahan Doom Barat terdiri dari 45,10 KM jo kalurahan Doom Timur terdiri dari 50,50 KM. Walau co itu, duo kalurahan ko indak hanyo Pulau Doom sajo, tapi juo pulau ketek di sakitarnyo.[8]

Luwehnyo nan anyo 5 kilometer persegi, Distrik Sorong Kapulauan nan tamasuak 2 kalurahan di Pulau Doom diuni dek 11.666 nyawo, terdiri dari 6.035 panduduak laki-laki jo 5.631 panduduak padusi. Dari 3 pulau nan masuak ka dalam Distrik Sorong Kapulauan, Pulau Doom tamasuak nan paliang padek. Pulau ko diuni dek pendatang dari Jawa, Buton, Bugis, jo Toraja.

Pulau Doom memiliki fasilitas pendidikan berupa satu SMP Negeri, dua SMP swasta, dan satu SMA Negeri. Gedung SMA tu bamulo dari kompleks Lembaga Permasyarakatan nan dibuek dek Belanda.

Topografi

suntiang

Kondisi topografi di Pulau Doom Kota Sorong marupoan dataran randah jo wilayah bukik nan randah. Namun kaadaantopografi nan paliang mandominasi marupoan dataran randah, sainggo pakambangan pamukiman di Pulau Doom taruih bakambang satiok tahun. Dek karano kondisi parmukaan buni nan sabagian gadangnyo dataran randah jo pabukitan, pamukiman di Pulau Doom labiah banyak di daerah pasisia pantai di Kalurahan Doom Barat condong ka arah lauik bagian barat dibandiangan ka arah lauik.[9]

Panyabab lainnyo yaitu panduduak Pulau Doom umumnyo mampunyoi mato pencaharian sabagai nelayan, jadi dek labiah mudah manjangkau akses ke pakarajo sahari-hari, sainggo masyarakaik labiah condong mandirian rumah atau tampek tingga di topografi dataran di wilayah kalurahan Doom Barat.

Hasil analisis peta overlay pado tahn 2007-2015 di Pulau Doom Kota Sorong, dapek diketahui laweh lahan kawasan pambangunan ±11,79 Ha, laweh lahan kawasan tabangun awal ±32,59 Ha jo laweh kawasan indak tabangun ±8,27 Ha.[9]

Kependudukan

suntiang

Jumlah panduduak nan tingga di Pulau Doom Kota Sorong yaitu sabanyak ±8.859 jiwa. Manuruik asia panalitian pakambangan panduduk di Pulau Doom taruih maningkek yaitu jumlah perkemabangan kepadatan panduduak yaitu 2531,14jiwa/km² (tahun 2015). Dek bakambang panduduak di Pulau Doom dapek mambuek pambangunan pamukiman manjadi gadang. Hal iko musabab dari Pulau Doom labiah dulu bakambang daripado Kota Sorong, salain itu masyarakaik nan barasa dari Kota Sorong jo bakarajo di Pulau Doom mamiliah untuak tinggal di Pulau Doom, dek dakek akses jo tampek karajo.[9]

Rujuakan

suntiang
  1. ↑ a b c Paul.
  2. ↑ a b c {{{1}}}.
  3. ↑ Media.
  4. ↑ a b Pemerintah.
  5. ↑ a b c LIPI.
  6. ↑ 2014-11-30.
  7. ↑ a b 0001-11-30.
  8. ↑ "BPS Kota Sorong". sorongkota.bps.go.id. Diakses tanggal 2019-12-17. 
  9. ↑ a b c Johansz 2017.

Daftar pustaka

suntiang
Diambiak dari "https://min.wikipedia.org/w/index.php?title=Pulau_Doom&oldid=2464756"