Persatuan Tarbiyah Islamiyah
Persatuan Tarbiyah Islamiyah (Jawi: ڤرستوان تربيه اسلاميه; bahaso Arab: اتحاد التربية الإسلامية Ittiḥād at-Tarbiyah al-Islāmīyah) atau PERTI adolah organisasi massa Islam di Indonesia. Persatuan Tarbiyah Islamiyah marupoan organisasi Ahlussunah wal Jamaah nan bamazhab Syafi'i, akidahnyo Asy'ari, jo batarekat. Cikal bakal organisasi iko bamulo dari Persatuan Madrasah Tarbiyah Islamiyah nan ditagakan dek Syekh Sulaiman ar-Rasuli pado 5 Mei 1928 di Canduang jo dalam pakambangannyo sempat manjadi partai politik banamo Partai Islam PERTI.
 Lambang Persatuan Tarbiyah Islamiyah sasudah Muktamar Islah pado 2016 | |
| Singkatan | PERTI |
|---|---|
| Pambantuakan | 5 Mei 1928 |
| Jinih | Organisasi massa Islam |
| Tujuan | Pendidikan, dakwah, jo sosial |
| Ketua Umum | Drs. H. M. Syarfi Hutauruk, MM |
| Sekretaris Jenderal | Drs. Zulhendri Chaniago, MM |
| Laman web | tarbiyahislamiyah.id |
Perti ikuik bajuang di dunia politik jo bagabuang ka dalam GAPI dalam aksi Indonesia Beparlemen, sarato turuik maagiah konsepsi kanagaraan kapado Komisi Visman pado taun 1939. Mamasuki taun 1944, pamimpin-pamimpin Perti malakukan gebrakan jo bagabuang ka Majilih Islam Tinggi (MIT) di Bukittinggi, suatu organisasi Islam untuak saluruah Sumatera nan dikapaloi dek Syekh Muhammad Djamil Djambek, surang ulama modernis nan pado maso lalu panah basitagang jo ulama tuo Perti.
MIT marupokan tampek untuak marujuak pasoalan-pasoalan agamo, tapi salamo Parang Pasifik, organisasi ko kurang dapek bafungsi sacaro elok. Pado bulan Desember 1945, MIT barubah manjadi Masyumi cabang Sumatera saubuangan jo edaran pamarintah sabalunnyo supayo rakyaik mandirian partai politik sabagai camin palaksanaan demokrasi.
Pado periode nan samo pulo Perti mamutuihan untuak manjadikan organisasinyo suatu partai politik surang. Kaputusan tasabuik diambiak pado tangga 22 November 1945, dan dipakuek dek kongres di Bukittinggi tanggal 22-24 Desember 1945.
Dalam Pemilihan Umum 1955, Perti mandapekan ampek kursi DPR RI jo tujuah kursi Konstituante. Salapeh Konstituante jo DPR hasia Pemilu dibubaran dek Presiden Soekarno, Perti mandapek duo kursi di DPR-GR. Duo tokoh kunci Perti juo panah dipicayo manjabaik mantari nagara pado maso pamarintahan Soekarno. Kaduo ulama tasabuik adolah Sirajuddin Abbas sabagai Mantari Kasalamatan Nagara RI jo Rusli Abdul Wahid sabagai Mantari Nagara Urusan Umum jo Irian Barat.
Pado maso Orde Baru Perti bagabuang jo Partai Persatuan Pembangunan.
Sijarah
suntiangMaso awal
suntiang
Persatuan Tarbiyah Islamiyah bamulo dari tagaknyo Madrasah Tarbiyah Islamiyah (MTI) di Candaung, Agam, Sumatera Barat pado 5 Mei 1928. MTI Canduang ditagakkan dek Syekh Sulaiman ar-Rasuli gala Inyiak Canduang sabagai upayo modernisasi limbago pandidikan Kaum Tuo (tradisionalis). Upayo tasabuik sabalunnyo alah dimulai dek Syekh Abbas dengan managakan Arabiyah School di Ladang Lawas pado 1918 dan Islamiyah School di Aur Tajungkang, Bukittinggi pado 1924 untuak manandingi darehnyo garakan pangambangan limbago pandidikan miliak Kaum Mudo (modernis) di Sumatera Barat. Pandirian MTI Candung mandorong pandirian MTI-MTI di tampek lainnyo, takah MTI Jaho dipimpin dek Syekh Muhammad Jamil Jaho, disusul MTI Tabek Gadang dek Syekh Abdul Wahid Saleh, jo MTI Batu Hampar milik Syekh Arifin.[1]
Sasudah kamunculan MTI-MTI di Sumatera Barat, Inyiak Canduang managakan Persatuan Madrasah Tarbiyah Islamiyah (PMTI) pado 1928 untuak mangubuangan madrasah-madrasah tasabuik. Sabalunnyo, ulama-ulama Kaum Tuo di Minangkabau alah bahimpun di dalam organisasi banamo Ittihad Ulama Sumatera nan ditagakan dek Syekh Muhammad Saad Mungka pado 1921.[2] Pado 19–20 Mei 1930, Syekh Sulaiman Ar-Rasuli mangumpuaan ulama Kaum Tuo untuak mambahas maso depan MTI pado muktamar di Surau Tangah, Canduang. Di antaro nan hadir dalam muktamar itu tamasuak Syekh Abbas Qadhi Ladang Laweh, Syekh Muhammad Jamil Jaho, Syekh Arifin Batuhampar, Syekh Abdul Majid Koto Nan Gadang, Syekh Abdul Wahid as-Shalihi Tabek Gadang, Syekh Jalaluddin Sicincin, Syekh Muhammad Yunus Tuanku Sasak, Tuanku Alwi Koto Nan Ampek, dan Syekh Muhammad Said Bonjol.[3]
Hasil muktamar di Bukittinggi manyepakati untuak maubah PMTI manjadi organisasi Persatuan Tarbiyah Islamiyah disingkek PTI. Dalam struktur pangurus, Sulthani Abdullah manjadi ketua patamo dan Ghazali P. Tanjung sabagai sekretaris. PTI wakatu itu bakantua pusek di Bukittinggi. Pado 1931, dalam rapat di Batuhampar, dilakuan pangalihan jabatan ketua dari Sulthani kapado Syekh Abdul Madjid Koto Nan Gadang dan jabatan sekretaris dari Gazali kapado Syahruddin Marajo Dunia. Pado tahun barikuiknyo, balansuang kongres di Koto Nan Ampek nan malahiaan kaputusan untuak manuka namo organisasi manjadi Persatuan Islam Indonesia. Hasil kongres iko ditolak dek ulama-ulama tuo Persatuan Tarbiyah Islamiyah nan manyampiangan hasil kongres tasabuik. Peristiwa iko sempat manimbulkan fiksi di tubuah Persatuan Tarbiyah Islamiyah nan manyebaban stagnasi organisasi hinggo tahun 1934.[3]
Padao11–16 Februari 1935 di Bukittinggi, Buya Sirajuddin Abbas tapiliah sabagai Ketua Umum Persatuan Tarbiyah Islamiyah. Pado hari tasabuik, dirumusan juo anggaran dasar dan anggaran rumah tangga (AD/ART) Persatuan Tarbiyah Islamiyah. Di dalam anggaran dasar dijalehan parubahan singkatan organisasi dari PTI manjadi PERTI. Salanjuiknyo, ditabikan pulo majalah Soearti (Soeara Tarbijah Islamijah) sabagai kalanjutan dari majalah Al-Mizan.[4]
| No. | Namo | Tampek tabik | Tahun tabik |
|---|---|---|---|
| 1 | Majalah al-Mizan | Bukittinggi | 1930 |
| 2 | Majalah Soearti (Soeara Tarbijah Islamijah) | Bukittinggi | 1938 |
| 3 | Majalah Inshaaf | Suliki | 1939 |
| 4 | Majalah Super (Suara PERTI) | Jakarta | 1951 |
| 5 | Majalah Dewan Puteri | Bengkawas, Bukittinggi | 1952 |
| 6 | Majalah al-Imam | Jakarta | 1955 |
| 7 | Surat kabar Nyiur Melambai | Rengat, Riau | 1955 |
| 8 | Surat kabar Harian Fajar | Jakarta | 1959 |
| 9 | Surat kabar Harian Jihad | Jakarta dan Palembang | 1966 |
| 10 | Majalah Sinar Tarbiyah (Majalah PB Tarbiyah) | Jakarta | 1970 |
| 11 | Majalah Risalah Tarbiyah (Majalah DPP PERTI) | Jakarta | 1970 |
| 12 | Majalah B.O (Berita Organisasi) Tarbiyah (Kelanjutan Majalah Sinar Tarbiyah) | Jakarta | 1985 |
Perkembangan sabagai partai politik
suntiang
Persatuan Tarbiyah Islamiyah awalnyo ikuik bajuang di kancah politik dengan bagabuang dalam Gabungan Politik Indonesia (GAPI) sarato turuik maagih konsepsi kenegaraan kapado Komisi Visman pado tahun 1939. Mamasuki tahun 1944, para pamimpin Persatuan Tarbiyah Islamiyah malakuan gebrakan dengan bagabuang ka Majelis Islam Tinggi (MIT) di Bukittinggi, suatu organisasi Islam untuak sadoalah Sumatera nan diketuai dek Syekh Muhammad Djamil Djambek, saurang ulama modernis nan pado masa saisuak sempat basitagang jo ulama tuo Persatuan Tarbiyah Islamiyah. MIT marupoan tampek untuak marujuak parsoalan-parsoalan agamo, tapi salamo Perang Pasifik, organisasi iko kurang dapek bafungsi dengan baik.[lower-alpha 1]
Dalam konferensi PERTI pado 22 November 1945, diputuihan Persatuan Tarbiyah Islamiyah akan mamasuki area politik. Organisasi itu batransformasi manjadi Partai Islam PERTI, persatuan dalam akronim Perti barubah manjadi pergerakan. Parubahan iko disetujui pado kongres Partai Islam PERTI di Bukittinggi tanggal 22-24 Desember 1945.[5] Pado 1950, Partai Islam PERTI mangklaim mamiliki labiah dari sajuta anggota.[6][7]
Dalam Pemilihan Umum 1955, Partai Islam PERTI mandapek ampek kursi DPR-RI jo tujuah kursi Konstituante. Sasudah Konstituante jo DPR hasil Pemilu dibubarkan dek Presiden Soekarno, Persatuan Tarbiyah Islamiyah mandapek duo kursi di DPR-GR. Duo tokoh pamimpin PERTI juo pernah dipicayo manjabaik menteri negara pado maso pamarentahan Soekarno. Kaduo ulama tasabuik adolah Sirajuddin Abbas sabagai Menteri Keselamatan Negara RI dan Rusli Abdul Wahid sabagai Menteri Negara Urusan Umum dan Irian Barat.[5]
| Pamilihan umum | Total kursi nan didapek | Parolehan suaro | Persentase suaro |
|---|---|---|---|
| 1955 (Legislatif) | 4 / 257
|
483,014 | 1.28%[8] |
| 1955 (Konstituante) | 7 / 514
|
465,359 | 1.23%[9] |
| 1971 (Legislatif) | 2 / 360
|
381,309 | 0.69%[10] |
Manjalang barakhianya Orde Lama, tajadi sangketo di dalam Partai Islam PERTI antaro kubu Rusli Abdul Wahid jo kubu Sirajuddin Abbas. Perseteruan iko mandorong Syekh Sulaiman ar-Rasuli untuak mamakluman baliak Khittah 1928, yakni Persatuan Tarbiyah Islamiyah sabagai organisasi pendidikan jo dakwah Islam nan indak bapolitik. Walaupun seruan tasabuik alah disampaikan, parpecahan tetap indak tailakan pado maso Orde Baru, katiko kubu Siradjuddin Abbas nan dikenal sabagai Tarbiyah mamilih bapolitik malalui Golkar, sadangkan kubu Rusli Abdul Wahid nan dikenal sabagai PERTI mamilih berfusi ka Partai Persatuan Pembangunan (PPP).[4]
Kaadaan maso kini
suntiangIslah antaro kubu PERTI jo kubu Tarbiyah baru tacapai malalui muktamar jo musyawarah nasional basamo di Jakarta pado 21-23 Oktober 2016. Berdasarkan hasil muktamar, Buya Basri Bermanda salaku Ketua Umum PB Tarbiyah tapiliah manjadi Ketua Umum Persatuan Tarbiyah Islamiyah, sadangkan Teungku Mohammad Faisal Amin salaku Ketua Umum DPP PERTI manjadi Wakil Ketua Umum Persatuan Tarbiyah Islamiyah. [4] Islah tingkek nasional iko marupoan lanjutan dari upaya islah nan alah dimulai di Provinsi Sumatera Barat pado tahun 2016 dek Buya Boy Lestari dari PD Tarbiyah jo Buya Duski Samad dari DPD PERTI. Labih dulu lai, islah juo dimulai di Kabupaten Aceh Barat Daya pado tahun 2003 dek Abuya Syaikh Teungku Muhammad Syam Marfaly dari PERTI jo Teungku Teuku Burhanuddin Sampe dari Tarbiyah [11][12]
Pandidikan
suntiangPanyangga utamo PERTI sabagai limbago pandidikan Islam talatak pado adonyo Madrasah Tarbiyah Islamiyah (MTI) nan bakambang sajak tagaknyo MTI Canduang. Pado 1939, indak kurang dari 400 MTI tagak di saluruah Hindia Balando dengan jangkauan paliang jauah sampai ka Lamakera, Nusa Tenggara Timur. Pado maso reformasi, MTI masih manarimo banyak murid walau jumlah MTI di sadoalah Indonesia mangalami panurunan.[13]
Pado 26 Januari 1969, Persatuan Tarbiyah Islamiyah managakan Universitas Ahlussunnah (UNAS) di Bukittinggi dengan rektor patamonyo adolah Buya Ma'ana Hasnutiy, Lc, MA. Wakatu itu, UNAS hanyo mampunyoi ciek fakultas, yaitu Fakultas Tarbiyah. Kini kalanjutan perguruan tinggi tasabuik dikenal sabagai Sekolah Tinggi Ilmu Tarbiyah Ahlussunnah Bukittinggi. Pado 10 April 1997, ditagakan pulo Sekolah Tinggi Agama Islam Yayasan Tarbiyah Islamiyah (STAI YASTIS) Padang[3]
Organisasi
suntiang
Struktur organisasi
suntiangStruktur organisasi Persatuan Tarbiyah Islamiyah manuruik anggaran dasar dan anggaran rumah tangga nan disempurnakan pado Muktamar Islah pado 2016 adolah sabagai barikuik.[14]
- Pimpinan Pusat (PP) untuak tingkek nasional.
- Pimpinan Daerah (PD) untuak tingkek provinsi.
- Pimpinan Cabang (PC) untuak tingkek kabupaten atau kota.
- Pengurus Anak Cabang (PAC) tingkek kecamatan.
- Pengurus Ranting (PR) untuak tingkek desa, kelurahan, nagari, mukim, atau sabagainyo.
Tiok kapangurusan diganti satiok lima tahun malalui muktamar atau musyawarah. Satiok tingkatan salain PR punyo susunan sabagai barikuik.[14]
- Majelis Pembina
- Majelis Mustasyar
- Majelis Ifta'
- Majelis Pakar
- Pengurus Harian
PP Tarbiyah-Perti mamiliki 17 departemen jo bidang-bidang barikuik.[14]
- Departemen Organisasi, Kaderisasi, dan Keanggotaan
- Departemen Tasawuf dan Tarekat
- Departemen Dakwah dan Penerangan
- Departemen Hukum dan HAM
- Departemen Informasi, Komunikasi, dan Penerbitan
- Departemen Kerja Sama Luar Negeri
- Departemen Pendidikan dan Pengembangan SDM
- Departemen Pengkajian, Penelitian, dan Pengembangan
- Departemen Wanita dan Kesejahteraan Keluarga
- Departemen Sosial dan Pengabdian Masyarakat
- Departemen Ekonomi dan Koperasi
- Departemen Seni dan Budaya
- Departemen Lingkungan Hidup dan Perkebunan
- Departemen Pertanian dan Kelautan
- Departemen Tanggap Darurat
- Departemen Kesehatan
- Departemen Sumber Daya Manusia
Organisasi sarumpun
suntiangSasudah Muktamar Islah pado 2016, babarapo onderbouw Tarbiyah-Perti nan masih tacarai-barai manuruik afiliasi lamonyo mulai digabuangan malalui babarapo rapek karajo nasional.[15] Sasudah Muktamar Tahun 2022, organisasi-organisasi sarumpun PERTI mancakup:[16]
- PERWATI (Persatuan Wanita Tarbiyah Islamiyah)
- PPTI (Persatuan Pemuda Tarbiyah Islamiyah)
- KMTI (Kesatuan Mahasiswa Tarbiyah Islamiyah)
- OSTI-OPI (Organisasi Siswa Tarbiyah Islamiyah & Organisasi Pelajar Islam)
Pado zaman revolusi kamerdekaan Indonesia, Persatuan Tarbiyah Islamiyah mamiliki babarapo onderbouw lain takah Lasykar Muslimin Indonesia (Lasymi), Lasykar Muslimat, Gerakan Buruh Muslimin Indonesia (Gerbumi), Gerakan Tani Muslimin Indonesia (Gertami), Lembaga Kebudayaan dan Seni Islam (Leksi), jo Kepanduan al-Anshar. Salain itu, Persatuan Tarbiyah Islamiyah juo panah mambantuak Persatuan Murid Tarbiyah Islamiyah (PMTI) jo Ikatan Sarjana Tarbiyah Islamiyah (ISTI)[4][17]
Tokoh
suntiangBarikuik iko babarapo tokoh Persatuan Tarbiyah Islamiyah.
Sumatra Barat
- Syekh Sulaiman ar-Rasuli Canduang
- Syekh Khatib Muhammad Ali Padang
- Syekh Muhammad Jamil Jaho
- Syekh Abdul Wahid Saleh Tabek Gadang
- Syekh Muhammad Arifin Arsyad Batu Hampar
- Syekh Abbas Qadhi Ladang Laweh
- Syekh Abdul Majid Koto Nan Gadang
- Syekh Alwi Koto Nan Ampek
- Syekh Jalaluddin Sicincin
- Syekh Muhammad Yunus Tnk. Sasak
- Syekh Muhammad Said Bonjol
- Syekh Salim Bayur
- Syekh Ahmad Tahir Batu Tagak
- Syekh Zakaria Labai Sati Malalo
- Syekh Muhammad Kanis Tnk. Tuah
- Syekh Husain Amin Pasia
- Syekh Arifin Jamil Tnk. Solok
- Syekh Yunus Yahya Magek
- Syekh Abdullah Mahmud Tarantang
- Syekh Ali Imran Hasan Ringan-Ringan
- Syekh Abdul Qadim Balubuih
- Syekh Imam Maulana Batang Kabung
- Buya Sirajuddin Abbas
- Buya Rusli Abdul Wahid
- Buya Sulthani Abdullah Dt. Rajo Dubalang
- Buya Umar Bakri
- Buya Joesoef Sou’yb
- Buya Mansur Dt. Nagari Basa
- Buya Idrus Hakimy Dt. Rajo Panghulu
- Buya Duski Samad
- Buya Baharuddin ar-Rasuli
- Buya Ma'ana Hasnutiy
- Buya Azwar Anas Dt. Rajo Sulaiman
- Buya Boy Lestari Dt. Palindih
- Buya Basri Bermanda
- Buya Pasni Rusli
- Buya Zamzami Yunus
- Buya Awiskarni Husen
- Buya Zulhamdi Tnk. Karajaan Nan Saliah
- Buya Marzuki Tnk. Nan Basa
- Buya Amilizar Amir Kt. Sampono
- Buya Amran Shamad
- Buya Syamsul Bahri Khatib
- Buya Sufyarma Marsidin
- Buya Dalimi Abdullah Dt. Indo Kayo
- Buya Makmur Syarif
- Buya Salmadanis
- Buya Syahril Lutan Tnk. Kuniang
- Buya Sidi Nazar Bakry
- Buya Amhar Zen ar-Rasuli
- Buya Jamaris Amir Tnk. Sutan
- Buya Syukri Iska
- Buya Zainuddin Tanjung
- Ummi Syamsiyah Abbas
- Ummi Nilmayetti Yusri
Aceh
- Syekh Muhammad Waly Labuhan Haji
- Syekh Muhammad Hasan Krueng Kale
- Teungku Nyak Diwan
- Teungku Muhammad Saleh Aron
- Teungku Chik Muhibuddin Waly
- Teungku Jamaluddin Waly
- Teungku Mawardi Waly
- Teungku Muhammad Nasir Waly
- Teungku Muhammad bin Zamzami Lam Ateuk
- Teungku Abdul Aziz Samalanga
- Teungku Ibrahim bin Ishaq Lamno
- Teungku Abdullah Hanafi Tanoh Mirah
- Teungku Muhammad Amin Mahmud Blang Blahdeh
- Teungku Mustafa Ahmad Paloh Gadeng
- Teungku Muhammad Daud Zamzami
- Teungku Mohammad Faisal Amin
- Teungku Nashiruddin Daud
- Teungku Muhammad Syam Marfaly
- Teungku Muhammad Hasyim Daud
- Teungku Muhammad Faisal Sanusi
Riau
- Syekh Abdul Gani Batu Basurek
- Syekh Ja'far Pulau Gadang
- Buya Ma'rifat Marjani
- Buya Mansur Abdul Jabbar
- Buya Aidarus Abdul Gani
- Buya Ilyas Husti
- Buya Mawardi Muhammad Saleh
- Buya Zulhendri Rais
- Buya Aminullah Rahmat
- Buya Alaidin Koto
- Buya Musthafa Umar
- Tuan Guru Abdul Somad
Bengkulu
- Ki Zaidin Burhany
- Buya Abdul Muthalib
- Buya Adnan Ilyas
- Buya Awwaluddin
Jambi
- Buya Mukhtar Latif
- Buya Fachrori Umar
Sulawesi Selatan
- Gurutta Hamka Haq
Caliak pulo
suntiangCatatan kaki
suntiangKatarangan
suntiang- ↑ Pada bulan Desember 1945, MIT bertransformasi menjadi Masyumi cabang Sumatra sehubungan dengan edaran pemerintah sebelumnya agar rakyat mendirikan partai politik sebagai cermin pelaksanaan demokrasi.
Rujuakan
suntiang- ↑ "Sulaiman ar-Rasuli Tokoh Pendidikan Islam Bercorak Kultural (Bagian 1)". Tarbiyah Islamiyah. 1 September 2015. Diakses tanggal 19 November 2021.
- ↑ Rivauzi, Ahmad (2019). "Pertumbuhan dan Pembaharuan Pendidikan Islam di Minangkabau". Turats: Jurnal Penelitian dan Pengabdian. 7 (1): 109–126.
- ↑ a b c d Koto, Alaidin (2012) (dalam bahaso id). Persatuan Tarbiyah Islamiyah: Sejarah, Paham Keagamaan, dan Pemikiran Politik 1945-1970. Jakarta: Rajawali Pers. https://books.google.co.id/books?id=ovMbEAAAQBAJ.
- ↑ a b c d Nawawi, Rozal Nawafil bin (2021-02-24). "Pasang-Surut PERTI di Pusaran Situasi Sosial-Politik". Tarbiyah Islamiyah (dalam bahasa Indonesia). Diarsipkan dari versi asli tanggal 2022-04-22. Diakses tanggal 2022-03-24.
- ↑ a b "Persatuan Tarbiyah Islamiyah (Perti)". wawasansejarah.com. Diakses tanggal 24 Desember 2016.
- ↑ Kementerian Penerangan RI 1951, hlm. 72-73.
- ↑ Cribb & Kahin 2004, hlm. 340.
- ↑ Sekretariat Jenderal KPU 2010, hlm. 35.
- ↑ Sekretariat Jenderal KPU 2010, hlm. 36.
- ↑ Sekretariat Jenderal KPU 2010, hlm. 37.
- ↑ "Tarbiyah Perti Menyelesaikan Munas dan Muktamar Islah". SINDONews. 24 Oktober 2016. Diakses tanggal 25 Oktober 2021.
- ↑ "Warga Tarbiah Islamiah Sumbar, Desak Perti dan Persatuan Tarbiyah Islamiyah Islah Secara Nasional". GoRiau. 14 Mei 2016. Diakses tanggal 10 November 2021.
- ↑ Kosim, Muhammad (2013). "Tradisi Madrasah Tarbiyah Islamiyah di Sumatra Barat". at-Tarbiyah: Jurnal Pendidikan Islam UIN Imam Bonjol. 4 (1): 21–45.
- ↑ a b c Persatuan Tarbiyah Islamiyah (2016) (dalam bahaso id). Anggaran Dasar dan Anggaran Rumah Tangga Persatuan Tarbiyah Islamiyah. https://www.scribd.com/document/523816308/HASIL-HASIL-MUNAS-MUKTAMAR-AD-ART-TARBIYAH-PERTI.
- ↑ "Rakernas II Persatuan Tarbiyah Islamiyah (Tarbiyah-Perti) dan Deklarasi Penggabungan/Penyatuan IMTI dan KMI, IPTI dan PI". Tarbiyah Islamiyah. 22 Juni 2021. Diakses tanggal 26 Oktober 2021.
- ↑ "Bersatu Majukan Ummat, Tarbiyah-Perti Gelar Rakernas ke II". Nukilan.id. 20 Juni 2021. Diakses tanggal 26 Oktober 2021.
- ↑ Trin, Desip; a (2015-06-18). "Strategi Kaum Tuo dan Gejolak Kaum Mudo". Tarbiyah Islamiyah (dalam bahasa Indonesia). Diakses tanggal 2022-03-24.
Daftar pustaka
suntiang- Cribb, Robert; Kahin, Audrey (2004). Historical Dictionary of Indonesia. Scarecrow Press Inc. ISBN 978-0-8108-4935-8.
- Kementerian Penerangan Republik Indonesia (1951). Kepartaian di Indonesia. Jakarta: Dewan Perwakilan Rakyat Republik Indonesia. http://repositori.dpr.go.id/41/1/KEPARTAIAN%20DI%20INDONESIA.pdf. Diakses pado 29 April 2022.
- Pringgodigdo (1977). Ensiklopedia Umum. Penerbit Kanisius.
- Partai-Partai Politik Indonesia 1999-2019: Konsentrasi dan Dekonsentrasi Kuasa. PT Kompas Media Nusantara. 23 Oktober 2016. ISBN 978-602-412-005-4.
- Cribb, Robert; Kahin, Audrey (2004). Historical Dictionary of Indonesia. Scarecrow Press Inc. ISBN 978-0-8108-4935-8.
- Feith, Herbert (2008). The Decline of Constitutional Democracy in Indonesia. Singapore: Equininox Publishing (Asia) Pte Ltd. ISBN 979-3780-45-2.
- Feith, Herbert (1971). The Indonesian Elections of 1955. Ithaca: Cornell University. https://babel.hathitrust.org/cgi/pt?id=coo.31924051295420&view=1up&seq=1.
- Kementerian Penerangan Republik Indonesia (1951). Kepartaian di Indonesia. Jakarta: Dewan Perwakilan Rakyat Republik Indonesia. http://repositori.dpr.go.id/41/1/KEPARTAIAN%20DI%20INDONESIA.pdf. Diakses pado 29 April 2022.
- Parlaungan (1956). Hasil Rakjat Memilih Toko-Tokoh Parlemen. Jakarta: CV Gita. http://repositori.dpr.go.id/100/. Diakses pado 29 April 2022.
- Sekretariat Jenderal KPU (2010). Pemuilu untuk Pemula: Modul 1. Komisi Pemilihan Umum. https://www.kpu.go.id/dmdocuments/modul_1d.pdf. Diakses pado 29 April 2022.
Pautan lua
suntiang- (Indonesia) Situs Web Tarbiyah Islamiyah