Persatuan Guru Agama Islam

Persatuan Guru Agama Islam (PGAI) adaloh sabuah limbago nan tagak taun 1919. Limbago ko mandapek pangasahan dari pamarintah Hindia Balando pado taun 1920. Adopun tujuan dari limbago iko iolah untuak manjago martabaik, mampaelokan nasib, mambarian bantuan kapado guru-guru agamo Islam, mamajuan jo mampaelokan pangajaran agamo Islam, managakan sikolah Islam sarato mausahoan kabebasan dalam pangambangan agamo Islam.[1]

Salah satu usaho PGAI dalam rangko mawujudan tujuannyo iyolah jo managakan Sakolah Normal Islam nan disabuik jo Kulliatul Mua’allimi Islamiah pado taun 1931. Sakolah iko dikhususan untuak nan alah manamaikan pandidikannyo di Sumatra Thawalib, Diniyah, jo Tarbiyah. Sasudah itu pado taun 1940, PGAI mambukak baliak sakolah tinggi nan punyo duo fakultas iyolah Fakultas Syariah (Agamo) jo Fakultas Pandidikan jo Bahaso Arab. PGAI bajalan indak hanyo dalam janjang pandidikan sajo, tapi dalam lapangan pambinaan anak yatim iyo pulo nan alah bajalan sajak taun 1931.

Referensi suntiang

  1. Asnan, Gusti (2003). Kamus Sejarah Minangkabau. Padang: Pusat Pengkajian Islam dan Minangkabau. pp. 267. ISBN 979-97407-0-3.