Perguruan Thawalib Padang Panjang
Perguruan Thawalib Padang Panjang adolah perguruan ado di Padang Panjang, Sumatra Barat, Indonesia. Perguruan ko talatak di Jalan Abdul Hamid Hakim nomor 12 Padang Panjang.[1][2] Perguruan ini dulunyo marupoan bagian dari jaringan Sumatera Thawalib.[3]
| Perguruan Thawalib Padang Panjang | |
|---|---|
| Informasi | |
| Didirikan | 1911 |
| Kurikulum | Kurikulum 2013 |
| Status | Diakui |
| Alamat | |
| Lokasi | Jalan Abdul Hamid Hakim nomor 12 Padang Panjang, Kota Padang Panjang, Sumatra Barat, Indonesia |
| Situs web | https://www.thawalibpadangpanjang.sch.id/ |
Sijarah
suntiangSabalum taun 1900 alah ado pangajian di Surau Jambatan Basi di Padang Panjang nan dibawah kapamimpinan Syekh Abdullah. Pangajian itu marupoan ciek dari banyak pangajian nan ado di Minangkabau pado maso itu. Pado taun 1907 pangajian itu dipimpin dek Syekh Daud Rasjidi karano Syekh Abdullah pindah ka Padang.[1]
Kamudian pado taun 1911, kapamimpinan digantikan dek DR. H. Abdul Karim Amarullah. Baliau adolah ulama gadang nan baru pulang baraja dari Makkah nan tanamo jo sabutan Inyiak Rasul (ayah Alm. Buya HAMKA). Inyo mangubah sistem abraja dari halaqah manjadi klasikal. Pado taun 1926 di bawah pimpinan Tuanku Mudo Abdul Hamid Hakim, dibangun lokal baraja di Jalan Lubuk Mata Kucing (Kampus Thawalib Putra sekarang).
Pado taun 1946 didirikan Yayasan Thawalib Padang Panjang nan dikatuai dek guru gadang Tuangku Mudo Abdul Hamid Hakim, sarato saluruah milik jo kakuasaan Thawalib Padang Panjang jatuhlah manjadi hak milik jo kekuasaan Yayasan tu jo Akte Notaris. Kamudian pado taun 1963 bakarajo samo jo babarapo urang untuak mandirikan pangurus Yayasan nan tadiri dari H. Mansur Daud Datuk Palimo Kayo, Adam Sutan Tjaniago, Mawardi Muhammad, H. Kamili, H. Datuk Tumamad, jo babarapo urang lainnyo.[1]
Kamudian sajak 1959, Perguruan Thawalib dipimpin dek H. Mawardy Muhammad. Pado 1974, mambukak Perguruan Tinggi Fakultas Dakwah jo Publisistik, Fakultas Syari’ah wal Qanun bsamo-samo jo Prof. DR. KH. Zainal Abidin Ahmad (Alumni Thawalib, mantan Ketua Parlemen RI, Wartawan, jo Pengarang). Sasudah itu, Perguruan Thawalib dipimpin dek murid-murid H. Mawardy Muhammad, yakni Drs. H. Abbas Arief, H. Djawarnis, Lc., Prof. DR. Sirajuddin Zar (mantan Rektor IAIN Imam Bonjol), Prof. DR. H. Tamrin Kamal, MS, dan Firdaus Tamin, BA.[4]
Yayasan Thawalib Padang Panjang
suntiangDi dalam Yayasan Thawalib Padang Panjang, ado babarapo unit sakola nan didirikan yaitu mulai dari tingkek Taman Kanak-kanak sampai ka tingkek Sakola Lanjutan Ateh [1][4]
| No | Sakola | Tahun badiri | Kapalo Sakola | Alamaik |
|---|---|---|---|---|
| 01 | PAUD-RA Al-Quran Thawalib (Pandidikan Anak Usia Dini jo Taman Kanak-kanak AlQuran) | 2020 | Ernita, S.Pd.I | Jalan H. Agus Salim, Kelurahan Guguk Melintang, Kota Padang Panjang |
| 02 | Madrasah Ibtidaiyah Swasta Unggul Terpadu (MIUT) Thawalib Padang Panjang | 1999 | Dahyar, S.Pd | Jalan Abu Hanifah, Kampung Jambak, Kelurahan Guguk Melintang, Kota Padang Panjang |
| 03 | MTsS Putra Perguruan Thawalib | Chandra Yuheri, S.Pd.i | Jalan Abdul Hamid Hakim No. 12, Pasar Usang,Kota Padang Panjang | |
| 04 | MTsS Putri Perguruan Thawalib | Putri Dewi, Lc | Jalan H. Agus Salim No. 19, Kampung Jambak, Kelurahan Guguk Malintang,Kota Padang Panjang | |
| 05 | MAS - KUI Putra Perguruan Thawalib | Ermansyah, S. Sos.I., M.Si | Jalan Abdul Hamid Hakim No. 12, Pasar Usang,Kota Padang Panjang | |
| 06 | MAS - KUI Putri Perguruan Thawalib | Artati, BA | Jalan H. Agus Salim No. 19, Kampung Jambak, Kelurahan Guguk Malintang,Kota Padang Panjang |
Panghargaan
suntiangAdo banyak panghargaan nan didapek dek santri-santri Perguruan Thawalib Padang Panjang. Pado tahun 2020 dalam ajang Musabaqah Tilawatil Quran (MTQ) ka 39 tingkat Kota Padang Panjang sabanyak 55 urang santri mandapekan panghargaan. Acara tu disalanggaroan pado tanggal 14-16 Desember 2020 di Padang Panjang. Dari sabanyak 55 urang santru tu tadiri dari 20 santri Kuliyatul Ulum El Islamiyah (KUI) Putra, 15 santriwati KUI Putri, 10 santri Tsanawiyah Thawalib Putra, 3 santriwati Tsanawiyah Thawalib Putri, 4 siswa Raudhatul Athfal Al-Quran (RAA) Thawalib sarato 3 orang siswa Madrasah Ibtidaiyah Unggul Terpadu (MIUT) Thawalib.[5]
Rujuakan
suntiang- ↑ a b c d Thawalib Padang Panjang 2021.
- ↑ Padangkita 2017.
- ↑ Harmonedi 2020.
- ↑ a b Antara News Sumbar 2013.
- ↑ Harian Haluan 2021.
Daptar Pustaka
suntiang- "Beranda". Thawalib Padang Panjang (dalam bahasa Inggris). Diakses tanggal 2021-04-28.
- Harmonedi, Harmonedi (2020-05-30). "PERGURUAN THAWALIB PADANG PANJANG IN THE PERSPECTIVE OF EDUCATIONAL HISTORY 1912 - 1926". JURNAL PENELITIAN SEJARAH DAN BUDAYA (dalam bahasa Inggris). 6 (1): 33–54. doi:10.36424/jpsb.v6i1.154. ISSN 2655-8254. Diarsipkan dari versi asli tanggal 2022-07-27. Diakses tanggal 2021-05-07.
- "Sumatera Thawalib, Sekolah Islam Modern Pertama di Indonesia". Padangkita.com (dalam bahasa Indonesia). 2017-05-02. Diakses tanggal 2021-05-07.
- "55 Orang Santri Perguruan Thawalib Padang Panjang Terima Penghargaan". www.harianhaluan.com (dalam bahasa Indonesia). 2021-01-11. Diakses tanggal 2021-05-07.
- Agency, ANTARA News (2013-02-13). "Konflik di Perguruan Thawalib Padangpanjang Berakhir". Antara News Sumbar. Diakses tanggal 2021-05-07.