Paspor biometrik

Paspor biometrik atau salalu disabuk juo e-paspor adolah jinih paspor nan punyo data biometrik sabagai ciek unsua pangaman paspor tasabuik. Data biometrik iko disimpan dalam bantuak chip nan tatanam pado paspor tasabuik. Paspor jinih iko alah digunoan di babarapo nagara, antaro lain Malaysia, Singapura, Brunei Darussalam, Amerika Serikat, Australia, Inggris, Jepang, Selandia Baru, Swedia, dan nagara-nagara lainnyo. Data biometrik nan tasimpan pado chip iko bavariasi antar nagara, tapi manuruik standardisasi nan dikaluarkan dek ICAO, data biometrik nan digunoan iyolah data biometrik dari wajah pamacik paspor.

Manuruik standar nan dikaluarkan dek International Civil Aviation Organisation, data biometrik nan dianjurkan untuak digunoan iyolah biometrik wajah pamacik paspor jo biometrik sidik jari sabagai pandukuangnyo. Namun hinggo kini standardisasi nan dikaluakan dek ICAO iko alun dapek disupakati dek dunia internasional dek babagai macam hal.

Kini Indonesia alah manggunoan data biometrik pemohon paspor sabagai ciek dari unsur pangaman dalam panabitan paspor Republik Indonesia. Dek tu untuak samantaro iko hanyo dapek diajukan di babarapo kantua Imigrasi kelas 1 di Jakarta, Soekarno-Hatta, Tanjung Priok, Surabaya dan Batam. Proses pangajuan Paspor biometrik memerlukan wakatu 15 Hari di sadonyo Kantua imigrasi tasabuik.