SutanAlhafid

Pangguno iko adolah paserta Wiki Masuk Kampus  di Universitas Andalas kelas Filologi A.

Filosofi Carano dan isinyo di Minangkabau

Carano adolah sabuah alaik untuak  tampek malatakan siriah, pinang, gambia, kapua, dan timbakau. Semuanya dilatakan di dalam carano yang biasonyo di tapinyo dilingkari arai (arai marupokan putiak pinang saparti untaian padi bawarna putih kakuniangan). Biasanyo carano tabuek dari loyang (logam kuniangan) yang babantuak cambuang yang mamiliki tangkai. Carano biasonyo mamiliki tadah atau aleh dari pinggan atau piriang dibawah carano dan mamiliki tutuik yang banamo aleh delamak.

           Abu Naim (2006) mangatokan bahwa biasonyo carano diisi jo sirih pinang langkok yang di susun ( bulat atau  yang alah dicincang, gambia, kapua siriah, dan rokok, atau timbakau dan daun), sebagai memilki arti tando baadat bapusako.

Pado umumnyo carano digunoan sabagai alaik pado upacara adaik saparti upacara pinang maminang, pernikahan, malewakan gala atau batagak gadang dan upacara adaik lainyo. Carano juga digunoan sabagai alaik untuak manyalasaikan kaributan saparti di rumah tanggo atau di galanggang silek. Sabelum mamulai pambicaroan atau parundingan tamu yang datang disuguahi siriah pinang dalam carano.

Carano sabagai alaik yang pantiang bahkan sangaik pantiang dalam upacara adaik di masyarakat minangkabau. Biasonyo kalau nio barundiang khususnya di hadopan angku niniak mamak, haruslah mamakai carano jo isi salangkoknyo kalau indak ado atau isianyo indak langkoj maka akan didawa atau didando. Pado umumnyo carano marupokan penghormatan dari pangka (tuan rumah) kapado tamu yang datang.

Carano di minangkabau biasonyo diumpamokan sabagai kahadiran atau kadudukan dan kamuliaan pado angku niniak mamak dan  jajaranyo di dalam rumah gadang atau di rumah kaum. Menurut Yunus (2002) manyatakan carano simbol kamuliaan bagi panghulu dan rajo serta orang nan-4 fungsi keluarga adaik yakni (1) urang sumando, (2) mamak rumah, (3) mandeh bapak dan (4) anak daro (mempelai wanita).

Bantuak carano yang seperti pohon beringin dilambangkan sabagai panghulu atau mamak di Minangkabau. Sabagaimano mamak bartugas mambimbing atau manasehati kamenakannyo dan bamanfaat bagi dunsanak atau kaumnya. Jadi carano juga malambangkan kaarifan dan tugas mamak di minangkabau.

Manurut Navis (1984) sabagai pamimpin kaumnyo, panghulu dikatokan mampunyai “utang”, yakni tangguang jawab dan kawajiban yang harus diingatkan sapanjang waktu. Mamangan mangatokan bahwa panghulu ibaraik: kayu gadang di tangah padang, ureknyo tampek baselo, dahannyo tampek bagantuang, daunnyo tampek balinduang, batangnyo tampek basanda. Maksudnyo, sabagai seorang pamimpin, harus mamiliharo kaselamatan dan kasejahteraan warganyo sasuai jo hukum sarato kalaziman.

Didalam carano memiliki isian barupo alaik untuak manyiriah yaitu siriah,  pinang, timbakau, kapua dan gambia marupakan isian yang harus ado di dalam carano. Semua isian dalam carano juga diSabuik siriah pinang langkok. Menurut Zubaidah (2001), siriah pinang  langkok juga mamiliki mangandung makna sosial, bafungsi sabagai media komunikasi. Siriah pinang langkok marupokan media komunikasi rahasio, digunokan untuak manyampaikan babagai kainginan-kainginan yang indak mungkin disampaikan secaro tarang-tarangan. Oleh karena itu, untuk manyampaikan kainginan tersebut digunakan sirih langkok sabagai alaik komunikasi.

Isi di dalam carano yang barupo siriah pinang langkok marupokan barang wajib yang harus ado pado panikahan adaik minang. Siriah bilo dikunyah akan manimbuakan duao raso dilidah yaitu pahit dan manih. Dengan menyuguahkan siriah di awa partamuan saat upacara adaik misal pado upacara maminang, mangko diharokkan sagalo sasuatu yang jangkal indak akan manjadi gunjingan. Katiko mamparsambahkan siriah biasonyo disaratoi pantun atau pidato pasambahan yang kurang lebiah artinyo, jiko siriah alah dimakan yang manih malakek diujuang lidah, yang pahik loloih ke karongkongan. Maksudnyo adolah jangan mangingat sagala hal buruk, hanyo yang manih sajo yang melakek. Iko marupokan simbol kearifan manusia yang sadar akan kakuranganyo.

Menurut Bekti (2011) carano yang digunokan sabagai wadah, mamiliki makna yang kompleks dalam budayo masyarakat minangkabau. Salain manganduang babagai makna yang bakaitan Arek jo falsafah adaik yang barsandikan syariat islam, dalam pakawinan, carano mancerminkan kamuliaan kaum wanita, sarato lambang kakerabatan di Minangkabau.

Jadi pado pambahasan tantang filosofi carano dan isiannyo di minangkabau, mangamukokan bahwa sangaik pantiangnyo carano dan  isianyo pado upacara adaik di minangkabau.  Carano dan isiannya yang mamiliki filosofi dan makna yang pantiang bagi masyarakat Minangkabau. Maskipun damikian masih adi lai alauk upacara adaik di Minangkabau.