Sitti Nurbaya suntiang

 
Jambatan Sitti Nurbaya, Padang, Sumatera Barat

Sitti Nurbaya iolah tokoh dari roman Indonesia Sitti Nurbaya: Kasih Tak Sampai nan ditulih oleh Marah Rusli jo diterbitkan oleh Balai Pustaka pado tahun 1922. Roman Sitti Nurbaya adolah roman kaduo nan diterbitkan setelah roman Azab dan Sengsara, nan manandoan awal pakambangan sastra moderen Indonesia. Marah Rusli tarinspirasi oleh pangaruh budayo Minangkabau jo budayo Eropa nan sawaktu tu Indonesia dijajah oleh Kolonial Belanda. Juga dari pangalaman hiduik Marah Rusli sandiri.[1]

Tokoh suntiang

  • Sitti Nurbaya iolah tokoh protagonis utamo nan cantik jo baik hati. Nurbaya nio manjadi istri Datuk Maringgih untuk manolong abaknyo nan barutang ka Datuk Maringgih. Walaupun sabananyo mancintai Samsul.
  • Samsul Bahri iolah tokoh protagonis utamo nan tampan. Samsu mancintai Sitti segenap jiwa.
  • Datuk Maringgih iolah tokoh utamo antagonis. Saurang datuk nan sifatnyo pairi jo serakah. Walaupun datuk indak disukoi oleh urang, datuk mambela masyarakat dengan malawan penjajah Belanda.
  • Sulaiman iolah tokoh pambantu, Abaknyo Nurbaya nan dihormati oleh urang, karena kesantunannyo.
  • Sutan Mahmud iolah tokoh pambantu, Abaknyo Samsul Bahri. Sutan Mahmud iolah saurang panghul nan dihormati jo disanjung oleh kaumnyo.

Sinopsis suntiang

Nurbaya jo Samsu saling mengenal sadari ketek, karano urangtuo ereka iolah sahabat. Saat remaja, Nurbaya jo Samsu saling mancintai, itu diungkapkan saat Samsu pai ka Batavia untuk malanjuikan studinyo.

Sulaiman nan sadang naik usahanyo dibuek bangkrut oleh Datuk Maringgih nan pairi jo takuik tasaing kakayaannyo. Sulaiman pun nan alah bangkrut akhirnyo tapaso mangutang ka Datuk Maringgih. Namun Sulaiman indak mampu mambayia. Lalu datuk maminta Nurbaya manjadi istri mudonyo untuk manabuih utang abaknyo. Nurbaya pun tapaso manjadi istri mudonyo.

Nurbaya mangirim surek ka Samsu untuk mambari tahu bahwa mereka indak bisa basamo lai. Samsu pun pulang kampung saat libur sekolah. Mereka baduo pun bertemu, lalu katahuan sadang bacumbu oleh Datuk Maringgih. Datuk pun marah karano istrinyo bacumbu jo pria lain. Akhirnyo Samsu diaduan ka Abak Samsu. Abak Samsu nan malu mangusir Samsu dari rumah jo indak dianggap manjadi anaknyo lai. Amak Samsu pun tak tarimo anaknyo diusir, akhirnyo jatuh sakik.

Lamo-kalamoan Nurbaya muak jo perangai datuk nan kasar. Nurbaya pun kabur dari rumahnyo unuk manyusul Samsu di Batavia, satalah Suaiman maningga akibek jatuh dari tangga. Datuk nan mangatahui Nurbaya kabur, manuduh Nurbaya mambaok kabur haratonyo ka Batavia. Nurbaya tapaso baliak Padang untuk manyalasaian masalah.

Satalah Nurbaya baliak ka Padang, dengan tega Datuk baniek jahat ka Nurbaya, yaitu maracuninyo. Itu dilakuan karano datuk sakik hati jo Nurbaya. Nurbaya pun maningga bersamaan dengan Amak Samsu nan maningga juo karano sakik.

Samsu mandarito sebab kaduo wanita nan dicintainyo, yaitu Nurbaya jo amaknyo alah maningga. Ia pun mancubo mambunuh diri dengan pistol, namun tetap hidup. Kamudian Samsu menjadi prajurit kolonial jo mangganti namonyo dengan Mas –kebalikan dari Sam- tujuannyo supayo ia bisa terbunuh di medan perang. Namun ia selalu selamat jo manjadi prajurit kebanggaan. Samsus pun diangkek manjadi letnan.

Suatu hari, Samsu ditugaskan ke Padang untuk menumpas perlawanan nan diketuai Datuk Maringgih. Perlawanan itu memprotes pemerintah Belanda nan manaikan pajak rakyat. Dalam peperangan Samsu bertemu datuk. Ia pun bertarung dengan datuk. Akhirnyo datuk mati jo Samsu terluka karena senjata datuk.

Setelah peperangan, Samsu bertemu dengan abaknyo untuk maminta maaf atas kesalahannyo. Abaknyo pun memaafkan jo menyesal. Lalu Samsu pun maningga. Kamudian manyusul abaknyo maningga.[2]

Adaptasi suntiang

Roman Sitti Nurbaya kamudian terkenal oleh masyarakat Indonesia. Kamudian beberapa stasiun televisi mengadaptasi roman ini manjadi sinetron, yaitu pada tahun 1991 jo 2004.

Pemerintah koto Padang manjadian namo Sitti Nurbaya sebagai namo jambatan.[3] Dikaranokan Marah Rusli mangambil beberapa tampek di Padang sabagai latar carito.

Rancananyo roman Sitti Nurbaya akan diadaptasi manjadi film jo mangambil Padang manjadi lokasi syuting. Pemerintah koto Padang rancananyo akan mambuek Kampung Sitti Nurbaya di Gunung Padang nan disitu ado rumah Sitti Nurbaya, rumah Datuk Maringgih, rumah Samsul Bahri, jo fasilitas lainnyo. Kalau perlu akan dibuek museum Sitti Nurbaya.[4]

Rujuakan suntiang

  1. Negara, Fadjrin Kurnia@Kementerian Badan Usaha Milik. "Kementerian BUMN". http://bumn.go.id/ (dalam bahasa Inggris). Diakses tanggal 2019-11-05.  Hapus pranala luar di parameter |website= (bantuan)
  2. Rusli, M. (Marah), 1898-1968. (1992). Sitti Nurbaya : kasih tak sampai (edisi ke-Cet. 21). Jakarta: Balai Pustaka. ISBN 9794071676. OCLC 30848999. https://www.worldcat.org/oclc/30848999. 
  3. Kaya, Indonesia. "Sang Surya Tenggelam di Jembatan Siti Nurbaya - Situs Budaya Indonesia". IndonesiaKaya (dalam bahasa Indonesia). Diakses tanggal 2019-11-13. 
  4. antaranews.com (2019-07-02). "Padang jadi lokasi syuting film "Sitti Nurbaya"". Antara News. Diakses tanggal 2019-11-13.