Liliavivi

BATIK KALUAK PAKU

                                                                                               

Kaluak paku adolah ciek dari sakian banyak motif ukiran batik dalam Minangkabau. Barasal dari motif guluangan ( kaluak) pado ujung tanaman paku yang masih mudo. Indak hanyo kaluak paku ado macam-macam motif batik yang ado di Minangkabau. Dari bamacam-macam jenis motif tasabuik mampunyoi makna yang babeda-beda,  Makna yang ado dalam jenis motif batik mampunyoi makna yang diambik dari keadaan atau situasi lingkungan yang diliek dan dari alam. Mangko dari situlah pangrajin batik mendapekan sumber inspirasi dalam membuek macam-macam jenis batik. Makna yang ado dalam motif kaluak paku yaitu pado guluangan atau kaluak paku yang mampunyoi keindahan sarupo penuh semangaik dan tanago sehinggo capek bagerak serto masesuaian diri samo keadaan. Salain itu ado pulo arti tasiraik dari batik kaluak paku yaitu manggambarkan sifaik kodrat manusia.

Pucuk paku pado mulonyo tumbuah malingkar kadalam, yang kamudian akhirnyo tumbuh malingkar kaarah lua. Bagitu pulo manusia, yang pado mulonyo mangenal dirinyo talabiah dahulu sabalum malakuan sosialisasi dan interaksi samo lingkungannyo. Ado pulo  tarsiraik makna paralunyo intropeksi diri sarupo barguluang kadalam talabih dahulu, kamudian barulah baguluang kaarah lua. Mokasuiknyo iolah serancaknyo kita mangoreksi kasalahan awak talabih dahulu baru kamudian mangkoreksi kasalahan urang lain.

Sarupo mamangan adaik mangatoan :

Kalauak paku kacang balimbiang

Tampuruang lenggang lenggokan

Baok manurun ka saruaso

Tanam sirih jo ureknyo          

Anak dipangku kamanakan dibimbiang

Urang kampuang dipatenggangkan

Tenggang nagari jan binaso

Tenggang sarato jo adatnyo

Mokasuiknyo iolah kaluak paku malambangkan tanggung jawek dari laki-laki minang yang mampunyoi duo fungsi yaitu  sabagai ayah bagi anak-anaknyo  dan sabagai mamak bagi kamanakannyo. Inyo harus mambimbiang dan mandidik anak dan kamanakanny sahinggo menjadi urang yang bagun dan batanggung jawek samo keluarga kaum dan nagari. Sefrina, Sari Indri.dkk.2018. Strategi Inovasi Produk Pada Usaha Batik Tanah Liek Bundo Kanduang. Jurnal Mahasiswa Pendidikan Ekonomi, Vol.1,No.3,hlm.5.

Motif Batik Kaluak paku indak hanyo ado pado motif pakaian ataupun dikhususan pado pembuatan motif pado kain sajo, tapi motif kaluak paku bisa dijadian sabagai sabuah ukiran atau hiasan yang ado pado dindiang-dindiang rumah adaik Minangkabau. Samo halnyo  membatik, mambuek  ukiran pado rumah gadang bisa dibuek karano dari ukiran itu ado keindahan dan makna-makna yang dapek manggambaran sarupo apo sikap dan prilaku urang minangkabau.

Rujuakan

Pangguno iko adolah paserta Wiki Masuk Kampus  di Universitas Andalas Padang kelas Filologi A.