Pangguno:Kharisma Syahidayanti/bak kasiak

Surau jo masjid marupokan salah satu tampek pelaksanaan peran alim ulama.

Suluah Bendang dalam Nagari adolah istilah nan dipakai untuak manggambarkan peran alim ulama di Minangkabau. Alim ulama nan masuak dalam jajaran Tungku Tigo Sajarangan dianggap baperan sabagai panarang dalam nagari. Alim ulama nan mangaji hukum-hukum agamo, nan ka manjadi pegangan di dalam syarak mangato adaik mamakaikan,tantang sah jo batal, halal jo haram, dan mengarati tantang nahu jo sharaf. Istilah "suluah bendang" mampakuaik tugas alim ulama dalam nagari untuak mambimbiang jo mandorong masyarakat supayo manjalankan ajaran agamo Islam dan maninggakan hal nan talarang. Suluah pado zaman daulunyo digunokan sabagai panarang, baitu pulo alim ulama sabagai panunjuak jalan nan elok, pambari panarangan jo ilmu agamo dalam satiok masalah. Sarupo falsafah adat Minangkabau "Adat basandi syarak, syarak basandi kitabullah" bahwasanyo pakaro adat ndak bisa lapeh dari agamo, agamo ndak bisa lapeh dari alim ulama. Sabagaimano sifat suluah adolah sabagai panarang di nan kalam mako kurang labiah tugasnyo sabagai panarang kampuang jo halaman, panarang masarakaik, panarang  adat jo pusako, panarang surau jo musajik, panarang adaik jo syarak. Sabagaimano bunyi pantun lamo

anak urang di payokumbuah,

nak lalu ka banda dalam,

kok iyo ulamo jadi suluah,

jan jatuah urang di nan kalam

Peran alim ulama dapek dicaliak dari raminyo surau jo musajik, sarato tagaknyo syariat islam dalam nagari. Suaru jo musajik adolah tampek pangajaran agamo islam sajak dulunyo, walaupun kini alah banyak tampek baraja agamo di lua surau jo musajik, namun dalam masyarakat banagari tatap sajo surau jo musajik dalam kampuang nan manjadi pusat syiar agamo islam. Jikok ado masyarakat nan malangga aturan adat jo agama, mako indak hanyo alim ulama nan manyalasaikan, tapi kasado pamangku adat sarupo panghulu atau niniak mamak, cadiak pandai, dan alim ulama.