Pandemi

(Dialiahkan dari Pandemik)

Pandemi (dari bahaso Yunani πᾶν pan nan aratinyo kasaluruahan jo δήμος demos nan aratinyo urang) adolah epidemi panyakik nan manyaba di kawasan wilayah nan lueh, misalnyo manyeba ka babarapo benua, atau di saluruah dunia.[1] Panyakik endemik nan malueh jo jumlah urang nan tainfeksi nan stabil bukan marupoan pandemi. Kajadian pandemi flu pado umumnyo mangacualikan kasus flu musiman. Sapanjang sijarah, sajumlah pandemi panyakik alah tajadi, sarupo cacar (variola) jo tuberkulosis. Sala ciek pandemi nan paling manghancuakan adolah maut hitam, nan manewaskan sakitar 75–200 juta urang pado abaik ka-14.[2]

Pandemi flu Spanyol 1918–20 nan mangakibaikan kamatian lueh di saluruah dunia.

Arati jo fase suntiang

 
Fase kawaspadaan pandemi influenza dari Organisasi Kesehatan Dunia (WHO); WHO indak lai manggunoan sistem 6 fase nan lamo

Pandemi adolah epidemi nan tajadi pado skala nan malintasi bateh internasional, biasonyo mampangaruahi sajumlah atau banyak urang.[3] Suatu panyakik atau kondisi bukanlah pandemi hanyo karano taseba lueh atau mambunuah banyak urang; panyakik atau kondisi tasabuik harus pulo dikatoan dapek manular. Misalnyo, kanker batangguang jawab ateh banyak kematian tatapi indak dianggap sabagai pandemi karano panyakik iko indak dapek manular.[4] Manuruik Organisasi Kasihatan Dunia (World Health Organization, WHO), pandemi tajadi jikok alah mamanuahi tigo kondisi:[5]

  • Muncuanyo panyakik baru pado panduduak
  • Manginfeksi manusia, manyababan panyakik babahayo
  • Panyakik dapek manyebar dengan mudah jo bakalanjutan di antaro manusia.

WHO sabalumnyo mamakai klasifikasi anam tahap nan manjalehan proses papindahan virus influenza baru, mulai dari babarapo infeksi partamo pado manusia hinggo tajadi pandemi. Tahapan iko dimulai dengan virus nan sabagian gadang manginfeksi binatang, kamudian muncua babarapo kasus katiko binatang manginfeksi urang, virus kamudian mulai manyeba langsuang antara manusia, dan barakhia dengan pandemi katiko infeksi virus baru tasabuik alah manyeba ka saluruah dunia. Pado bulan Februari 2020, WHO mangklarifikasi bahwasanyo, "indak ado kategori resmi (untuak pandemi) ... Sabagai klarifikasi, WHO indak manggunoan sistem lamo 6 fase — nan dimulai dari fase 1 (indak ado laporan tentang influenza pado binatang nan manyebabkan infeksi pado manusia) hinggo fase 6 (pandemi) — nan mungkin dikatahui dek babarapo urang akibaik virus H1N1 pado tahun 2009."[6]

Pandemi dalam sijarah suntiang

Pandemi pado maso kini adolah HIV/AIDS jo Pandemi koronavirus 2019–2020 (COVID-19).[7][8] Pandemi nan paliang tanamo lainnyo di antaronyo iolah pandemi influenza 1918 (flu Spanyol) jo pandemi flu 2009 atau "H1N1" atau virus flu burung .

Caliak pula suntiang

Rujuakan suntiang

  1. COVID-19, Website Resmi Penanganan. "Tanya Jawab". covid19.go.id. Diakses tanggal 2021-03-18. 
  2. Liputan6.com (2020-06-02). "Kisah Berakhirnya 5 Pandemi Virus dan Bakteri Terparah dalam Sejarah Dunia". liputan6.com (dalam bahasa Indonesia). Diakses tanggal 2021-03-18. 
  3. Miquel Porta (2008). Miquel Porta. ed. Dictionary of Epidemiology. Oxford University Press. p. 179. ISBN 978-0-19-531449-6. https://books.google.com/books?id=3Dr8dyuzvTkC&pg=PA179. Diakses pado 18 Maret 2021. 
  4. A. M., Dumar (2009). Swine Flu: What You Need to Know. Wildside Press LLC. p. 7. ISBN 9781434458322. 
  5. "Avian influenza frequently asked questions" (dalam bahasa Inggris). World Health Organization. December 5, 2005. Diakses tanggal 2009-02-13. A pandemic can start when three conditions have been met: a new influenza virus subtype emerges; it infects humans, causing serious illness; and it spreads easily and sustainably among humans. 
  6. "WHO says it no longer uses 'pandemic' category, but virus still emergency". Reuters (dalam bahasa Inggris). 24 February 2020. Diakses tanggal 29 February 2020. 
  7. "Coronavirus confirmed as pandemic". BBC News (dalam bahasa Inggris). 2020-03-11. Diakses tanggal 2020-03-11. 
  8. "Coronavirus live updates: WHO says Covid-19 is pandemic. Covid-19 is expected to kill 100 million people". The Guardian (dalam bahasa Inggris). 2020-03-11. Diakses tanggal 2021-03-18. 

Pranala luar suntiang