Wikipedia

Pandemi Covid-19 di Indonesia

(Dialiahkan dari Pandemi koronavirus 2019 di Indonesia)
!Artikel utamo untuak bagian ko adolah: Pandemi koronavirus 2019–2020
Artikel ko mandokumentasikan pandemi kini ko. Informasi tantang hal itu dapek capek barubah kok informasi labiah lanjuik tasadio; laporan barito jo sumber-sumber primer lainnyo mungkin indak bisa diandalkan. Pambaruan tarakhia untuak artikel ko mungkin indak mancaminkan informasi kiniko tantang pandemi ko untuak sadoalah bidang.

Pandemi koronavirus di Indonesia partamo kali dilaporkan pado 2 Maret 2020.[2] Virus iko dibaok dari Japang.[3]

Pandemi COVID-19 di Indonesia
Peta provinsi di Indonesia jo kasus COVID-19
PanyakikCOVID-19
Virus strainSARS-CoV-2
LokasiIndonesia
Kasus partamoJakarta
Tangga mulo2 Maret 2020
AsaWuhan, Hubei, Cino
Kasus takonfirmasi6,812,127 (3 Juli 2023)[1]
Cegak6,642,003 (3 Juli 2023)[1]
Maningga
161,879 (3 Juli 2023)[1]
Situs resmi

covid19.go.id
covid19.bnpb.go.id
covid19.kemkes.go.id

Sumatera Barat
corona.sumbarprov.go.id

Salangkoknyo...

Kasus kamatian COVID-19 di Indonesia talaporkan labiah tinggi daripado nagara-nagara lain di Asia Tenggara. Salain itu, angko kamatiannyo paliang tinggi di dunia. Panaliti dunia banyak nan manyimpulkan dek kurangnyo upayo pamaresoan sainggo banyak kasus nan indak tadeteksi sabalunnyo.[4]

Kasus suntiang

Jinih status suntiang

Kementerian Kesehatan Republik Indonesia mambagi urang-urang nan taduga COVID-19 dalam babarapo tingkatan status.[5]

Status Syaraik
Pasien Dalam Pangawasan (PDP)
  • Urang nan infeksi saluran pernapasan akut (ISPA), gejalanyo ditandoi jo damam (>38 °C) atau riwayaik damam; sarato salah satu dari ciek gejala/tando panyakik angok: batuak, sasak angok, sakik tabuang angok, salemo, atau pneumonia ringan inggo barek jo indak ado panyabab lain manuruik gambaran klinis nan mayakinkan sarato dalam 14 ari tarakhia sabalun muncua gejala mampunyoi riwayaik singgah atau tingga di nagara/wikayah nan malaporkan papindahan panyakik sacaro lokal.
  • Urang nan damam (>38 °C) atau riwayaik damam atau ISPA sarato dalam 14 ari tarakhia sabalun muncua gejala mampunyoi riwayaik kontak jo kasus konfirmasi COVID-19
  • Urang nan ISPA barek atau pneumonia barek nan paralu parawatan rumah sakik jo indak ado panyabab lain manuruik gambaran klinik nan mayakinkan.
Urang dalam pamantauan (ODP)
  • Urang nan sadang damam (>38 °C) atau riwayaik damam; atau gejala gangguan sistem barangok cando salemo, sakik tabuang angok, atau batuak jo indak ado panyabab lain manuruik gambaran klinis nan mayakinkan sarato pado 14 ari tarakhia sabalun muncua gejala mampunyoi riwayaik singgah atau tingga di nagara/wilayah nan malaporkan papindahan panyakik sacaro lokal.
  • Urang nan sadang bagejla gangguan sistem barangok cando salemo, sakik tabuang angok, atau batuak jo dalam 14 ari tarakhia sabalun muncua gejala mampunyoi riwayaik bakontak jo kasus konfirmasi COVID-19.
Urang tanpa gejala (OTG) Urang nan indak bagejala jo mampunyoi risiko tapindah dari urang takonfirmasi COVID-19. Urang tanpa gejala marupokan kontak arek jo kasus konfirmasi COVID-19.
Kasus konfirmasi Pasien nan tainfeksi COVID-19 jo hasia positif malalui pamaresoan PCR.

Garih wakatu suntiang

Kasus WNI nan partamo kali takonfirmasi positif COVID-19 indak tajadi di dalam nagari. WNI tasabuik adolah surang asisten rumah tanggo nan bakarajo di Singapura. Sangkek tu inyo tapindah panyakik dari induak samangnyo pado bulan Januari 2020.[6]

Februari suntiang

Pado mulo 2 Februari, Pamarintah Indonesia maevakuasi 243 WNI dari Wuhan, Cino. Sangkek itu CIno alah mambalakukan karantina wilayah di Kota Wuhan. Sadoalah WNI tasabuik kudian dikarantina di Kapulauan Natuna salamo 14 hari dan dinyatokan negatif dari tajangkik virus.[7]

Sampai bulan Februari, Indonesia masih alun malaporkan ado kasus takonfirmasi positif di wilayah kadulatannyo. Pado 7 Februari, Profesor Marc Lipsitch dari Universitas Harvard bakomentar baso ado kamungkinan alah taseba di Indonesia, tapi indak tadeteksi. Pandapeknyo ko dibantah dek Menteri Kasihatan Terawan Agus Putranto dan dianggap sabagai panyatoan maino.[8]

Pado 24 Februari, ado sambilan WNI nan ado di kapa pesiar Diamond Princess dinyatokan positif takanai virus sainggo dikarantina di fasilitas parawatan di Japang. Kudian Pamarintah Indonesia mamulangkan jo mangarantina 68 anak buah kapa lainnyo, ditambah 188 dari kapa World Dream, di Pulau Sebaru Kaciak nan indak bapauni di Kapulauan Saribu, Jakarta.[9]

Maret suntiang

Duo kasus partamo positif COVID-19 di dalam nagari (Indonesia) diumumkan dek Presiden Joko Widodo pado 2 Maret. Kaduo pasien tingga di Kota Depok dan kudian dirawaik di RSPI Sulianti Saroso, Jakarta Utara. Kaduonyo tapindah dari warga nagara Japang nan dinyatokan positif di Malaysia.[10]

Pado 10 Maret, Pamarintah Indonesia maumumkan total ado 27 kasus.[11] Ado duo kasus, yaitu kasus 6 dan 14, nan alah dinyatokan negatif virus dan baru buliah dipulangan katiko dalam ciek pamaresoan lain hasianyo tatap negatif.[12]

Pado 11 Maret, Pamarintah Indonesia maumukan tujuah kasus baru nan kasadonyo kasus impor.[13] Ado ciek kasus maningga, yaitu kasus 25, dek komplikasi. Pasien kasus 25 adolah warga nagara Britania Raya nan maningga di RSUP Sanglah, Denpasar, Bali. Salain itu, ado pulo kasus taduga COVID-19 nan maningga di Surakarta, Jawa Tangah. Pado 13 Maret baru manunjuakkan hasianyo positif dan dinyatokan subagai kasus 50.[14] Kasus 6 dan 14 alah buliah pulang dek hasia pamaresoan kaduo tatap negatif.

Pado 13 Maret, kasus partamo pado ari iko alah dinyatokan negatif COVID-19. Namun, untuak partamo kalinyo surang tanago medis maningga dunia.[15] Total maningga alah mancapai ampek urang.[16]

Pado 14 Maret, Pamarintah Indonesia malaporkan ado total 96 kasus.[17] Lokasi kasus takonfirmasi positif antaro lain Provinsi DKI Jakarta, Tangerang di Banten, Bandung di Jawa Barat, Surakarta di Jawa Tengah, Yogyakarta di DIY, Pontianak di Kalimantan Barat, Manado di Sulawesi Utara, dan Bali.[18] Pado ari ko total alah ado salapan urang cegak.[19]

Pado 15 Maret, Pamarintah mamulangkan 238 WNI karantina di Natuna ka tampek asanyo masing-masing.[20] Diumumkan pola soal pasien nan alah maningga tanggal 3 Maret baso dari hasia pamaresoannyo positif salapeh sabalunnyo negatif dan alah maindahkan panyakik ka anak jo bininyo.[21][22]

Pado 17 Maret, alah ado 172 kasus positif di Indonesia. Badan Nasional Pananggulangan Bancano (BNPB) pun maumumkan papanjangan status darurat bancano COVID-19 salamo 91 ari inggo 29 Mei 2020.[23]

 
Wisma Atlet Asian Games 2019 dijadian rumah sakik darurat COVID-19

Pado 19 Maret, Patamuan Ijtima Ulama Dunia 2020 nan rencana ka diadokan di Gowa, Sulawesi Selatan, nan ka dihadiri banyak urang dari babagai nagara alah resmi dibubarkan. Kapolisian indak maagiah izin acara dek acara sarupo di Malaysia nan alah mamindahkan virus ka ratusan urang.

Pado 20 Maret, Presiden Jokowi maumumkan baso pamarintah alah mamasan 2 juta ubek avigan (favipravir) jo 3 juta klorokuin untuak diresepkan dotor ka pasien COVID-19. Hal iko mambuek masyarakaik awam barami-rami mambali klorokuin di pasaran. Presiden alahmanyampaikan baso alun ado antivirus nan maubek covid-19, sadangkan kaduo ubek ko alah diklaim barasia maubek dibabagai nagara.[24]

Pado 21 Maret Pamarintah manjadikan Wisma Atlet Kemayoran sabagai rumah sakik darurat COVID-19. Pado 23 Maret, Presiden Jokowi maumukan ka maagiah insentif bulanan untuak tango medis nan manangani pasien COVID-19.[25] Bantuan ubek jo alaik medis dari Cino alah tibo pulo di Lapangan Udaro Halim Perdanakusuma, Jakarta Timur.[26] Di ari nan samo Ikatan Dotor Indonesia (IDI) maumumkan alah ado 6 dotor nan maningga dek manangani pasien COVID-19.[27]

Pado 24 Maret, Presiden Jokowi mamutuihan untuak maapuih Ujian Nasional taun 2020 sabagai langkah maambek papindahan COVID-19.[28] Pado ari ko alah batambah jumlah kasus positif manjadi total 685 kasus.[29][30]

Pado 26 Maret, Gubernur DKI Jakarta Anies Baswedan mangatokan baso alah ado 50 tanago medis nan positif COVID-19 di Jakarta.[31] Pado 31 Maret, jumlah kasus positif COVID-19 alah maningkek mancapai 1.528 kasus.[32]

April suntiang

Pado 4 April 2020, jumlah total kasus positif COVID-19 alah mancapai 2.092 kasus. Jumlah kasus nan maningga ado 191 kasus jo jumlah kasus nan alah cegak mancapai 134 kasus.[33]

Tanggapan suntiang

Pamarintah pusek suntiang

Pamarintah Indonesia alah malarang sadoalah panabangan dari dan ka Cino sajak 5 Februari 2020. Sadoalah izin visa nan alah diagiah ka warga nagara Tiongkok pun alah diantian. Kudian dibalakukan pulo larangan masuak untuak palancong nan tingga atau alah tingga salamo 14 ari di Cino sarato panduduak Indonesia pun indak dianjurkan pai ka Cino.[34]

Pambatasan pajalanan pun dipalaweh ka nagara-nagara jo jumlah tinggi kasus positif COVID-19, yaitu Korea Selatan, Italia, jo Iran. Paralu bukti sertifikat kasihatan nan sah untuak dapek masuak ka Indonesia.[35] Salain itu, pamarintah alah manambah alaik pamindai suhu tubuah di palabuahan udaro jo palabuahan lauik untuak mambatasi palancong nan diduga positif COVID-19.[36][37]

 
Daftar 132 rumah sakik rujuakan nan ditunjuak dek Kementerian Kesehatan Republik Indonesia.[38]

Pamarintah alah manabikkan limo protokol utamo takaik COVID-19, yaitu protokol kasihatan, protokol komunikasi, protokol pangawasan pabatehan, protokol area institusi pandidikan, sarato protokol area publik jo transportasi.[39] Pamarintah pun alah manunjuak 132 rumah sakik rujuakan COVID-19 di sadoalah Indonesia pado 13 Maret.[40] Basamoan jo hal itu, dibantuak pulo Gugus Tugas Percepatan Penanganan COVID-19 nan dipimpin Kapalo Badan Nasional Pananggulangan Bancano (BNPB) untuak mananggulangi pandemi sacaro nasional.[41] Kudian ditatapkan juo pandemi COVID-19 sabagai bancano nasional.[42]

Pamarintah Indonesia manyiapkan babarapo tampek untuak manampuang sarato manangani pandemi COVID-19. Pamarintah manunjuak Balitbangkes Kemenkes sabagai tampek konfirmasi sampel kasus COVID-19. Kudian pamarintah mampasiapkan Pulau Galang, Kepulauan Riau untuak tampek khusus pananganan pandemi. Dulunyo, pulau ko dipakai untuak tampek pangungs dari Vietnam.[43]

Kabijakan lain dari dampak pandemi ko adolah praktik panjagoan jarak fisik (physical distancing). Hal iko dilakukan untuak maambek tapindahnyo virus sacaro labiah laweh. Labiah lanjuik, kabijakan ko dijalankan jo mambuek sikolah sarato kantua manjalankan aktivitasnyo dari rumah. Aktivitas ibadah nan maimpun urang banyak alah indak buliah dilakukan untuak maambek papindahan panyakik. Labiah lanjuik, sagalo acara atau alek nan mamanciang karamian dilarang untuak diadoan dan urang nan malangga dapek takanai hukuman pidana.[44][45][46]

Kabijakan panjagoan jarak fisik kini alah dimasuakan dalam peraturan pamarintah dan tanamo jo istilah PSBB atau Pembatasan Sosial Berskala Besar. Kabijakan itu dibuek manuruik Peraturan Pemerintah No. 21 Tahun 2020 nan ditandotangani presiden pado 31 Maret.[47] Teknisnyo dibuek dek Kemenkes malalui Peraturan Menteri Kesehatan No. 9 Tahun 2020 tantang Pedoman PSBB.[48] Dalam padoman tasabuik diatua 6 kagiatan nan ka dibatasi, di antaronyo:[49]

  1. Mamperaikan sikolah jo kantua
  2. Pambatehan kagiatan agamo
  3. Pambatehan kagiatan di fasilitas umum
  4. Pambatehan kagiatan sosial jo budayo
  5. Pambatehan moda transportasi
  6. Pambatehan kagiatan khusus kaamanan jo patahanan

Padoman PSBB manjalehan juo tantang hubuangan antaro pamarintah daerah jo pamarintha pusek dalam panantuan status PSBB. Pamarintah daerah buliah maajukan status PSBB di wilayahnyo ka Kemenkes jo manyaratokan hasia pamantauan jo panalitiannyo takaik dampak pandemi di wilayahnyo. Katiko sasuai, mangko menteri kesehatan nan maumumkan status PSBB pado wilayah tu. PSBB wujuiknyo babeda jo karantina wilayah (lockdown) nan malarang samo sakali aktivitas warga ka lua rumah.[48]

Pamarintah daerah suntiang

Jakarta suntiang

 
Lokasi kasus COVID-19 nan dilaporkan di Jakarta pado tanggal 12 Maret 2020[50]

Sajak tanggal 13 Maret, Gubernur Jakarta Anies Baswedan maantian tabiknyo izin karamian,[51] tamasuak untuak konser-konser internasional.[52] Pado ari nan samo, tampek-tampek raun di Jakarta sarato museum-museum ditutuik aksesnyo salamo 2 pakan.[53][54] Pado 14 Maret, gubernur mamutuihan untuak manangguahkan sadoalah kagiatan sikolah jo ujian salamo duo pakan untuak maambek panyebaran virus.[55]

Pado 15 Maret, Pamarintah Provinsi DKI Jakarta manyiapan 1.00 tampek lalok untuak pasien dalam pangawasan (PDP) nan ka ditampekkan di fasilitas rawatan COVID-19 nan ditunjuak.[56] Pado 16 Maret, transportasi masal di Jakarta mulai dikurangi jumlah rute, koridor, sarato jadwalnyo.[57][58]

Jawa Barat suntiang

Gubernur Jawa Barat Ridwan Kamil mamutuihan untuak manerapkan kabijakan baraja di rumah untuak anak sikolah dari sagalo janjang pandidikan.[59] Pado 15 Maret, Pamarintah Provinsi Jawa Barat mangaluakan peta distribusi COVID-19 di Jawa Barat ka publik.[60]

Pamarintah Provinsi Jawa Barat malakukan pamaresoan COVID-19 masal malalui metode pamaresoan capek (rapid test).[61] Pamaresoan masal ko alah dimulai sajak pakan tarakhia bulan Maret 2020. Pamaresoan ko batujuan untuak manjariang sarato manantukan daerah nan paralu ditangani capek dari panyebaran virus.[62] Pamaresoan masal dilakukan jo mautamokan daerah nan dakek ka ibukota, baru ka daerah lain di Jawa Barat.[63] Pado 3 April, Gubernur Jawa Barat Ridwan Kamil malaporkan dari 15.000 pamaresoan alah didapek 667 indikasi positif COVID-19.[64]

Sumatera Barat suntiang

 
Rumah Sakik Universitas Andalas

Pamarintah Provinsi Sumatera Barat sajak kasus konfirmasi positif mulai maningkek di daerah lain di Indonesia alah maimbau parantau-parantau Minangkabau untuak manahan diri dari pulang ka kampuang untuak maambek panyebaran ka dalam provinsi.[65][66] Upayo lain nan dilakukan adolah maningkekan pamantauan bakeh palancong nan masuak malalui Palabuahan Udaro Internasional Minangkabau.[67][68][69] Hasilnyo didapek pasien-pasien nan bastatus PDP dari panabangan internasional.[70][71]

Sumatera Barat tamasuak provinsi nan balakangan talaporkan ado kasus konfirmasi COVID-19. Baru pado 26 Maret talaporkan ado kasus positif COVID-19[72] Hal iko disababkan dek alua pamaresoan nan musti mangirim sampel pasien ka Jakarta. Dek ikolah, Pamarintah Provinsi bakarajo samo jo Rumah Sakik Universitas Andalas untuak manjadi tampek pamaresoan sampek COVID-19 supayo mamangkeh wakatu tunggu konfirmasi hasia pamaresoan.[73][74] Baru pado 19 Maret mandapek pasatujuan Kemenkes. Upayo lain adolah pambantehan aktivitas sikolah, kantua, sosial, jo agamo di Sumatera Barat.[75] Pamarintah daerah pun maaliahkan dana nan sabalunnyo dianggarkan untuak Safari Ramadan, nan salamoko manjadi agenda wajib salamo Ramadan, ka pananganan COVID-19.[76]

Kritik suntiang

Indak talok mandeteksi virus suntiang

Ahli-ahli kasihatan dunia alah maingekan Indonesia baso ado kamungkinan gagal dalam identifikasi papindahan virus. Hal iko partamo kali disampaikan dek March Lipsitch,[77] profesor epidemiologi di Universitas Harvad dan didukuang juo dek nagara-nagara barat[78] sarato media masa lokal jo internasional.[79][80] Indak ado kasus di Indonesia labiah dek alun tasadionyo fasilitas untuak mandeteksi virus.[81] Kritik tasabuik sempat pulo direspon Menteri Kesehatan Republik Indonesia subagai bantuak maino.[82][83]

Anggaran untuak influencer media sosial suntiang

Pamarintah bajanji maanggarkan dana Rp 72 miliar untuak mambayia influencer media sosial untuak mambuet urang lua tatap katuju pai raun ka Indonesia. Hal iko mandapek kritikan tajam dari panduduak Indonesia dan dinilai sabagai bantuak kaindakpahaman pamarintah jo kaadaan.[84]


Transparansi bamasalah suntiang

Presiden Indonesia Joko Widodo mamutuihan untuak indak maagiah rincian riwayaik pajalanan pasien nan alah takonfirmasi positif COVID-19. Hal iko dilakukannyo supayo masyarakaik umum indak panik dek pandemi.[85] Walau baitu, upayo tasabuik mandapek kritik tajam dari baragam kalangan, mulai dari kalangan ekonom jo industri,[86] aktivis HAM,[87] inggo partai politik[88][89] nan dinilai sabagai bantuak kurangnyo transparansi pamarintah dalam manangani kasus. Kritik lain juo datang dari Ikatan Dokter Indonesia (IDI) nan mamintak pamarintah untuak mangaluakan peta resmi pasebaran kasus positif dek alah banyak tanago medis nan tajangkik dari pasien-pasien nan dipareso.[90]

Pamaresoan jo ubek suntiang

Kritik lain adolah takaik protokol pamaresoan jo pananganan kasus COVID-19. Protokol tasabuik alun tasosialisasi sacaro baiak ka sadoalah fasilitas kasihatan sainggo banyak laporan pasien-pasien, utamonyo nan di Jabodetabek, kapayahan untuak bisa dipareso atau mandapek ubek. Rumah sakik nan manjadi rujuakan COVID-19 di Indonesia juo masih alun banyak nan mambuek banyak pasien manumpuak untuak dipareso.[91]

Kabijakan suntiang

Nagara-nagara di dunia alah banyak nan manjalankan karantina wilayah atau lockdown untuak wilayah nan bastatus zona merah. Kabijakan ko dinilai paralu dek ilimuwan-ilimuwan di Indonesia supayo kasus positif COVID-19 indak maningkek. Sabagian pamarintah daerah alah mulai manjalankan kabijakan ko untuak mambanduang aruih pulang rayo nan samakin dakek nan mamungkinkan parantau nan bastatus UTG mamindahkan panyakik. Tindakan sabagian pamarintah daerah ditanggapi dek Presiden Jokowi pado 16 Maret dan managehan baso kabijakan karantina wilayah adolah otoritas pamarintah pusek.[92][93] Untuak mangganti karantina wilayah, pamarintah maimbau masyarakaik untuak malakukan panjagoan jarak fisik (physical distancing). Namun, manuruik profesor-profesor kadotoran Indonesia, hal iko alun cukuik untuak mambanduang panyebaran virus.[94][95]

Laboratorium pareso jo rujuakan nasional COVID-19 suntiang

Pado 16 Maret 2020, Menteri Kasihatan Terawan Agus Putranto manandotangani Keputusan Menkes Nomor HK.01.07/MENKES/182/2020 nan manatapkan 1 laboratorium rujuakan nasional COVID-19 jo 12 laboratorium pamaresoan COVID-19. Laboratorium Badan Panalitian jo Pangambangan Kemenkes (Balitbangkes) dtunjuak manjadi laboratorium rujuakan nasional COVID-19. Salabiahnyo, manjadi laboratorium pamaresoan COVID-19 manuruik wilayah karajonyo surang-surang.[96]

Balitbangkes bawenang untuk mangonfirmasi spesimen pasien COVID-19 nan didapek dari 12 laboratorium pamaresoan. Sasudah dipareso, hasianyo ditaruihan kan Ditjen Pencegahan jo Pangandalia Panyakik sarato Ditjen Palayanan Kasihatan.[96][97] Urang nan ka dipareso alah ditangguang dek pamarintah. Walau baitu, ado syaraik-syaraik pareso, di antaronyo:[98]

  • lai ado bakontak sacaro lansuang jo urang nan takonfirmasi positif COVID-19
  • dalam rantang 14 ari sabalunnyo ado bakunjuang atau tingga di daerah nan alah bajangkik
  • maalami damam jo suhu di ateh 38 darajaik Celcius sarato muncua gejala-gejala lain cando batuak, salemo, nyeri otot, sasak angok, inggo pneumonia ringan sampai barek.[99]

Daftar 12 laboratorium pareso COVID-19 yaitu

Salain kaduobaleh laboratorium di ateh, Kemenkes alah manyatujui pulo Laboratorium Biomedik Fakultas Kedokteran Universitas Andalas untuak malakukan pamaresoan COVID-19 dalam Surat Keputusan No. HK.01.07/MENKES/214/2020 pado tanggal 19 Maret 2020. Laboratorium ko alah disatujui pamaresoannyo pado 19 Maret 2020 nan malayani spesimen pasien COVID-19 di Sumatera Barat jo sakaliliangnyo.[100][101][102][103]

Rujuakan suntiang

  1. ↑ a b c "Peta Sebaran". Komite Pananganan COVID-19 jo Pamulihan Ekonomi Nasional. Diakses tanggal 3 Juli 2023. 
  2. ↑ "Kronologi Pasien Positif Corona di Indonesia Bertambah Jadi Enam". tirto.id (dalam bahasa Indonesia). Diarsipkan dari versi asli tanggal 2020-03-19. Diakses tanggal 2020-03-09. 
  3. ↑ "Jokowi Umumkan Dua WNI Positif Corona di Indonesia". CNN Indonesia. Diarsipkan dari versi asli tanggal 2020-03-19. Diakses tanggal 2 Maret 2020. 
  4. ↑ Anne Barker and Hellena Souisa (23 March 2020). "Why is Indonesia Coronavirus Death Rate the Highest in the World". ABC News. Diakses tanggal 1 April 2020. 
  5. ↑ Kemenkes 2020, hlm. 13-14.
  6. ↑ Agence France-Presse (2020-02-04). "Indonesian maid in Singapore tests positive for coronavirus". The Jakarta Post. Diakses tanggal 2020-03-05. 
  7. ↑ Fadli (2020-02-16). "Clear and free: Wuhan evacuees head home from Natuna quarantine". The Jakarta Post. Diakses tanggal 2020-03-05. 
  8. ↑ Media, Kompas Cyber. "Pernyataan Ahli Harvard, WHO hingga Kemenkes soal Indonesia Negatif Virus Corona". KOMPAS.com (dalam bahasa Indonesia). Diakses tanggal 2020-03-25. 
  9. ↑ Marchio Irfan Gorbiano; Budi Sutrisno (2020-02-24). "Number of Indonesians with coronavirus on Diamond Princess rises to nine". The Jakarta Post. Diakses tanggal 2020-03-05. 
  10. ↑ Linda Yulisman (2 March 2020). "Mother and daughter test positive for coronavirus in Indonesia, first confirmed cases in the country". The Straits Times (dalam bahasa Inggris) (Asia). Diakses tanggal 2 March 2020. 
  11. ↑ Kadek Melda Luxiana (2020-03-10). "Jadi 27 Orang, Ini Detail 8 Pasien Baru Virus Corona". Detik.com (dalam bahasa Indonesia). Diakses tanggal 2020-03-10. 
  12. ↑ Kadek Melda Luxiana (2020-03-10). "Kabar Baik! Pasien Kasus 06 dan 14 Sudah Negatif Corona". Detik.com (dalam bahasa Indonesia). Diakses tanggal 2020-03-10. 
  13. ↑ Kanavino Ahmad Rizqo. "Pasien Positif Virus Corona Jadi 34 Orang: 2 Sembuh, 1 Meninggal". Detik.com (dalam bahasa Indonesia). Diakses tanggal 2020-03-11. 
  14. ↑ "Satu Pasien Isolasi yang Meninggal di RSUD Moewardi Solo Positif Corona". KOMPAS.com (dalam bahasa Indonesia). Diakses tanggal 2020-03-18. 
  15. ↑ "Yurianto: Ada Petugas Medis Positif Corona yang Meninggal Dunia". KOMPAS.com (dalam bahasa Indonesia). Diakses tanggal 2020-03-15. 
  16. ↑ Silaban, Martha Warta (2020-03-17). "Meninggal Positif Corona, Warga Pondok Aren Pasien Nomor 35". Tempo (dalam bahasa Inggris). Diakses tanggal 2020-03-18. 
  17. ↑ Rahayu, Lisye Sri. "Ada 27 Kasus Baru, Pasien Positif Corona di Indonesia Jadi 96 Orang". detikHealth (dalam bahasa Indonesia). Diakses tanggal 2020-03-15. 
  18. ↑ "Daerah yang Terdapat Positif Corona: dari Bandung ke Manado"". CNN Indonesia. Diakses tanggal 14 Maret 2020. 
  19. ↑ Media, Kompas Cyber. "UPDATE: Tambah 3, Total 8 Orang Sembuh dari Corona di Indonesia". KOMPAS.com (dalam bahasa Indonesia). Diakses tanggal 2020-03-15. 
  20. ↑ Media, Kompas Cyber. "Besok, 238 WNI dari Wuhan yang Dikarantina di Natuna Akan Dipulangkan". KOMPAS.com (dalam bahasa Indonesia). Diakses tanggal 2020-03-24. 
  21. ↑ "Ridwan Kamil: Karyawan Telkom yang Meninggal di Cianjur Positif Corona". kumparan.com. Diakses tanggal 2020-03-18. 
  22. ↑ Mawardi, Isal. "Istri-Anak Pegawai Telkom yang Meninggal di Cianjur Juga Kena Corona". detiknews (dalam bahasa Indonesia). Diakses tanggal 2020-03-18. 
  23. ↑ Koesmawardhani, Nograhany Widhi. "Pemerintah Tetapkan Masa Darurat Bencana Corona hingga 29 Mei 2020". detiknews (dalam bahasa Indonesia). Diakses tanggal 2020-03-18. 
  24. ↑ detikcom, Matius Alfons, Tim. "Jokowi Pesan 2 Juta Obat Avigan-3 Juta Klorokuin untuk Kesembuhan Pasien Corona". detiknews (dalam bahasa Indonesia). Diakses tanggal 2020-03-23. 
  25. ↑ Detikcom, Tim. "Jokowi Beri Insentif untuk Dokter-Tenaga Medis, Ini Daftar Besarannya". detiknews (dalam bahasa Indonesia). Diakses tanggal 2020-03-23. 
  26. ↑ detikcom, Tim. "Bantuan Alat Kesehatan dari China Tiba di Halim, Diterima Menhan Prabowo". detiknews (dalam bahasa Indonesia). Diakses tanggal 2020-03-23. 
  27. ↑ Media, Kompas Cyber. "IDI Umumkan 6 Dokter yang Menangani Wabah Corona Meninggal Dunia". KOMPAS.com (dalam bahasa Indonesia). Diakses tanggal 2020-03-24. 
  28. ↑ Media, Kompas Cyber. "Jokowi Putuskan Ujian Nasional 2020 Ditiadakan". KOMPAS.com (dalam bahasa Indonesia). Diakses tanggal 2020-03-24. 
  29. ↑ "Update Corona 24 Maret: 686 Kasus, 55 Meninggal, 30 Sembuh". nasional (dalam bahasa Indonesia). Diakses tanggal 2020-03-25. 
  30. ↑ Erwanti, Marlinda Oktavia (25 Maret 2020). "Per 25 Maret, Kasus Positif Corona di Indonesia Bertambah Jadi 790". Detik. Diakses tanggal 25 Maret 2020. 
  31. ↑ Erwanti, Marlinda Oktavia. "Anies: Ada 50 Tenaga Medis di Jakarta Terpapar Corona, 2 Meninggal". detiknews (dalam bahasa Indonesia). Diakses tanggal 2020-03-26. 
  32. ↑ Rahma, Andita (31 Maret 2020). Persada, Syailendra, ed. "Update Corona 31 Maret: 1.528 Positif, 81 Sembuh, 136 Meninggal". Tempo. Diakses tanggal 31 Maret 2020. [pranala nonaktif permanen]
  33. ↑ "Update Corona 4 April: 2.092 Kasus, 191 Meninggal, 150 Sembuh". nasional (dalam bahasa Indonesia). Diakses tanggal 2020-04-04. 
  34. ↑ Da Costa, Agustinus Beo; Suroyo, Gayatri; Davies, Ed; Cushing, Christopher; Kerry, Frances (2 February 2020). "Indonesia bars entry to visitors from China amid evacuation protest". Reuters. Diarsipkan dari versi asli tanggal 16 February 2020. Diakses tanggal 2 February 2020. 
  35. ↑ Post, The Jakarta. "COVID-19: Indonesia still allows flights to and from South Korea amid travel ban". The Jakarta Post (dalam bahasa Inggris). Diakses tanggal 2020-03-07. 
  36. ↑ Bhwana, Petir Garda (2020-03-04). "Coronavirus Update; MRT Begins Checking Passengers' Temperature". Tempo (dalam bahasa Inggris). Diakses tanggal 2020-03-07. 
  37. ↑ "2 Indonesians found infected with COVID-19 domestically: president – Xinhua | English.news.cn". www.xinhuanet.com. Diarsipkan dari versi asli tanggal 2020-03-23. Diakses tanggal 2020-03-15. 
  38. ↑ Nasir, Post Author: Muchtar (2020-03-11). "Menteri Kesehatan Tetapkan 132 Rumah Sakit Rujukan COVID-19". Info Infeksi Emerging Kementerian Kesehatan RI (dalam bahasa Inggris). Diakses tanggal 2020-03-12. 
  39. ↑ "Lima Protokol Penanganan Jadi Pedoman Utama Cegah dan Kendalikan COVID-19". Info Infeksi Emerging Kementerian Kesehatan RI. 2020-03-08. Diarsipkan dari versi asli tanggal 2020-03-20. Diakses tanggal 2020-03-16. 
  40. ↑ Nasir, Post Author: Muchtar (2020-03-11). "Menteri Kesehatan Tetapkan 132 Rumah Sakit Rujukan COVID-19 » Info Infeksi Emerging Kementerian Kesehatan RI". Info Infeksi Emerging Kementerian Kesehatan RI (dalam bahasa Inggris). Diarsipkan dari versi asli tanggal 2020-07-14. Diakses tanggal 2020-03-12. 
  41. ↑ Sidik, Farih Maulana. "Ini Susunan Gugus Tugas Percepatan Penanganan Corona yang Dipimpin Kepala BNPB". detiknews (dalam bahasa Indonesia). Diakses tanggal 2020-03-15. 
  42. ↑ Chaterine, Rahel Narda. "Kemenkes: Corona Bencana Nasional, Bukan Darurat Nasional". detiknews (dalam bahasa Indonesia). Diakses tanggal 2020-03-16. 
  43. ↑ Fadli (2020-03-04). "Indonesia to turn former Vietnamese refugee camp into hospital for COVID-19 patients". The Jakarta Post. Diakses tanggal 2020-03-05. 
  44. ↑ "Jokowi calls for 'social distancing' to stem virus spread". The Jakarta Post (dalam bahasa Inggris). Diakses tanggal 2020-03-16. 
  45. ↑ Chandra, Ardan Adhi. "Pegawai Kementerian BUMN Usia 50 Tahun Kerja dari Rumah Mulai Senin". detikfinance (dalam bahasa Indonesia). Diakses tanggal 2020-03-15. 
  46. ↑ "ASN Boleh Kerja dari Rumah hingga 31 Maret 2020". Kompas (dalam bahasa Indonesia). Diakses tanggal 2020-03-16. 
  47. ↑ Media, Kompas Cyber. "KSP: Pembatasan Sosial Skala Besar Sudah Dijalankan Sejumlah Pemda". KOMPAS.com (dalam bahasa Indonesia). Diakses tanggal 2020-04-05. 
  48. ↑ a b Sugiharto, Jobpie (2020-04-05). "Terawan Teken Permenkes PSBB Covid-19, Berikut 3 Poin Pentingnya". Tempo (dalam bahasa Inggris). Diakses tanggal 2020-04-05. 
  49. ↑ Sugiharto, Jobpie (2020-04-05). "PSBB Corona, Simak 7 Aktivitas yang Boleh dan Dilarang". Tempo (dalam bahasa Inggris). Diakses tanggal 2020-04-05. 
  50. ↑ Ikhsanudin, Arief. "Anies Ungkap Peta Sebaran Corona di Jakarta, Ini Penampakannya". detiknews (dalam bahasa Indonesia). Diakses tanggal 2020-03-13. 
  51. ↑ Ikhsanudin, Arief. "Ada Positif Corona, Anies Tak Keluarkan Izin Keramaian Baru". detiknews (dalam bahasa Indonesia). Diakses tanggal 2020-03-15. 
  52. ↑ Sari, Nursita (3 March 2020). "Dampak Virus Corona, Pemprov DKI Tangguhkan Izin 3 Konser Ini". Kompas.com (dalam bahasa Indonesia). Diarsipkan dari versi asli tanggal 3 March 2020. Diakses tanggal 3 March 2020. 
  53. ↑ Ikhsanudin, Arief. "Anies Tutup Monas, Ragunan hingga Ancol 2 Pekan untuk Cegah Corona". detiknews (dalam bahasa Indonesia). Diakses tanggal 2020-03-15. 
  54. ↑ Diah, Femi. "Bukan Hanya Monas-Ancol, Anies Juga Tutup 15 Tempat Wisata Lain". detikTravel (dalam bahasa Indonesia). Diakses tanggal 2020-03-15. 
  55. ↑ Post, The Jakarta. "COVID-19: Jakarta suspends schools, exams for two weeks". The Jakarta Post (dalam bahasa Inggris). Diakses tanggal 2020-03-15. 
  56. ↑ Azzahra, Tiara Aliya. "Pemprov DKI Siapkan 500-1.000 Tempat Tidur di RS Rujukan untuk PDP Corona". detiknews (dalam bahasa Indonesia). Diakses tanggal 2020-03-16. 
  57. ↑ Iqbal, Muhammad. "Anies Pangkas Rute & Jam Operasi TJ, MRT, dan LRT Jakarta". news (dalam bahasa Indonesia). Diakses tanggal 2020-03-16. 
  58. ↑ Iqbal, Muhammad. "TransJakarta Hanya Operasi 13 Rute Mulai Besok, Ini Daftarnya". news (dalam bahasa Indonesia). Diakses tanggal 2020-03-16. 
  59. ↑ "Imbas Corona, Ridwan Kamil Terapkan Bersekolah di Rumah untuk Jawa Barat". KOMPAS.tv (dalam bahasa Indonesia). Diakses tanggal 2020-03-15. 
  60. ↑ Putri, Zunita. "Ridwan Kamil Ungkap Peta Persebaran Corona di Jabar". detiknews (dalam bahasa Indonesia). Diakses tanggal 2020-03-16. 
  61. ↑ Ramadhan, Dony Indra. "Rapid Test Massal Corona di Jabar Dimulai Pekan Depan". detiknews (dalam bahasa Indonesia). Diakses tanggal 2020-04-05. 
  62. ↑ Putri, Cantika Adinda. "Ridwan Kamil Kebut 20 Ribu Rapid Test Covid-19 ke Warga Jabar". news (dalam bahasa Indonesia). Diakses tanggal 2020-04-05. 
  63. ↑ News, Tagar (2017-12-23). "10.597 Warga Jawa Barat Ikut Rapid Test Covid-19". TAGAR (dalam bahasa Indonesia). Diakses tanggal 2020-04-05. 
  64. ↑ "Ridwan Kamil: Hasil Rapid Test Jabar, 667 Indikasi Positif Corona". KOMPAS.tv (dalam bahasa Indonesia). Diakses tanggal 2020-04-05. 
  65. ↑ Media, Kompas Cyber. "Perantau dari Sumatera Barat Diminta Tidak Pulang Kampung". KOMPAS.com (dalam bahasa Indonesia). Diakses tanggal 2020-04-05. 
  66. ↑ "Gubernur Sumbar Imbau Perantau Tak Mudik, Ini Tanggapan Warga Minang di Batam". www.harianhaluan.com. Diakses tanggal 2020-04-05. 
  67. ↑ "Sesak Napas, Penumpang AirAsia Dibawa ke RSUP M Djamil Padang". 
  68. ↑ "Satu Penumpang dari Malaysia Dirujuk ke RSUP Dr M Djamil Padang". 16 March 2020. 
  69. ↑ "RSUP M Djamil Padang masih periksa penumpang pesawat asal Malaysia". 16 March 2020. 
  70. ↑ "Penumpang Pesawat dari Malaysia Dilaporkan Meninggal di RSUP M Djamil". 16 March 2020. 
  71. ↑ "Satu Pasien Suspect Corona Meninggal Dunia di RSUP M Djamil Padang". 
  72. ↑ "Kasus Pertama, Lima Warga Sumbar Positif Covid-19". Bebas Akses (dalam bahasa Inggris). 2020-03-26. Diakses tanggal 2020-04-05. 
  73. ↑ Nusantara, Solusi Sistem. "Beda Data Corona, Hasil Laboratorium Unand Dipastikan Valid | Kesehatan". www.gatra.com (dalam bahasa Inggris). Diakses tanggal 2020-04-05. 
  74. ↑ News, Tagar (2017-12-23). "Sumbar Bakal Punya Laboratorium Covid-19". TAGAR (dalam bahasa Indonesia). Diakses tanggal 2020-04-05. 
  75. ↑ "Pemprov dan DPRD Sumbar Bahas Memutus Mata Rantai Covid-19 dari Hulu". Langgam.id (dalam bahasa Indonesia). 2020-03-28. Diakses tanggal 2020-04-05. 
  76. ↑ SumbarFokus. "Pemprov Sumbar Meniadakan Safari Ramadan dan Akan Pindahkan Anggaran untuk Penanganan COVID-19". SumbarFokus (dalam bahasa Indonesia). Diakses tanggal 2020-04-05. [pranala nonaktif permanen]
  77. ↑ McVeigh, Karen; Graham-Harrison, Emma (2020-02-14). "Academic stands by research querying Indonesia's claim to be coronavirus-free". The Guardian (dalam bahasa Inggris). ISSN 0261-3077. Diakses tanggal 2020-03-15. 
  78. ↑ "Kekhawatiran AS dan Negara Barat Soal Penanganan Corona di Indonesia". merdeka.com (dalam bahasa Inggris). Diakses tanggal 2020-03-15. 
  79. ↑ "We Don't Cover Things Up, Indonesia Says Amid Doubts Over Its Covid-19 Handling". Jakarta Globe. Diakses tanggal 2020-03-15. 
  80. ↑ "Why are there no reported cases of coronavirus in Indonesia?". www.aljazeera.com. Diakses tanggal 2020-03-15. 
  81. ↑ "Experts Fear Coronavirus Going Undetected in Southeast Asia". Time (dalam bahasa Inggris). Diakses tanggal 2020-03-15. 
  82. ↑ "Let's not kid ourselves. Indonesia is unlikely to be COVID-19-free. And that's not our biggest problem". The Jakarta Post (dalam bahasa Inggris). Diakses tanggal 2020-03-15. 
  83. ↑ Da Costa, Agustinus Beo (27 February 2020). "Indonesia says lack of COVID-19 cases a blessing from God". Reuters. Diakses tanggal 29 February 2020. 
  84. ↑ "'Rp 72 Miliar Untuk Influencer': Cara Indonesia Merespon Virus Corona" ['Rp 72 Billion for Influencers': How Indonesia Responds to the Coronavirus]. Tempo (dalam bahasa Indonesia). 28 February 2020. Diakses tanggal 4 March 2020. 
  85. ↑ "Jokowi Akui Pemerintah Rahasiakan Sejumlah Informasi soal Corona". KOMPAS.com (dalam bahasa Indonesia). Diakses tanggal 2020-03-15. 
  86. ↑ "Cegah Kepanikan, Pengusaha Minta Pemerintah Jujur Soal Virus Corona – Katadata.co.id". katadata.co.id (dalam bahasa Indonesia). 2020-03-03. Diakses tanggal 2020-03-15. 
  87. ↑ Persada, Syailendra (2020-03-13). "Komnas HAM Minta Pemerintah Terbuka Soal Virus Corona". Tempo (dalam bahasa Inggris). Diakses tanggal 2020-03-15. 
  88. ↑ "PKS Minta Pemerintah Lebih Terbuka soal Corona". nasional (dalam bahasa Indonesia). Diakses tanggal 2020-03-15. 
  89. ↑ Zhacky, Mochamad. "Daerah Sumber Corona Harus Diungkap, Golkar Dorong Pemerintah Transparan". detiknews (dalam bahasa Indonesia). Diakses tanggal 2020-03-15. 
  90. ↑ "IDI: Dokter Gelisah Pemerintah Tak Transparan soal Data Corona". kumparan (dalam bahasa Indonesia). Diakses tanggal 2020-03-29. 
  91. ↑ Post, The Jakarta. "'It was too crowded': Patients find it hard to get COVID-19 tests, treatment". The Jakarta Post (dalam bahasa Inggris). Diakses tanggal 2020-03-18. 
  92. ↑ "jokowi-to-close-cities". 
  93. ↑ Media, Kompas Cyber. "Jokowi Larang Pemerintah Daerah Lakukan Lockdown Terkait Covid-19". Kompas.com (dalam bahasa Indonesia). Diakses tanggal 2020-03-18. 
  94. ↑ Post, The Jakarta. "Indonesia to issue lockdown regulation as COVID-19 cases continue to soar". The Jakarta Post (dalam bahasa Inggris). Diakses tanggal 2020-03-28. 
  95. ↑ Post, The Jakarta. "Top Indonesian doctors call for lockdown, say physical distancing not enough". The Jakarta Post (dalam bahasa Inggris). Diakses tanggal 2020-03-28. 
  96. ↑ a b c "Ditetapkan Menkes, Ini Daftar 12 Laboratorium Pemeriksa COVID-19". detik.com (dalam bahasa Indonesia). 2020-03-17. Diakses tanggal 2020-03-17. 
  97. ↑ a b Putri, Cantika Adinda (2020-03-17). "Tak Cuma Balitbangkes, Ini 12 Laboratorium Pemeriksa Covid-19". cnbc.com (dalam bahasa Indonesia). Diakses tanggal 2020-03-17. 
  98. ↑ a b Maharani, Tsarina (2020-03-17). "Pemerintah Tetapkan 12 Jejaring Laboratorium Pemeriksaan Covid-19". KOMPAS.com (dalam bahasa Indonesia). Diakses tanggal 2020-03-17. 
  99. ↑ Ferdian, Habib Allbi (2020-03-17). "Ini Cara Cek Virus Corona COVID-19 di Rumah Sakit Indonesia". kumparan.com (dalam bahasa Indonesia). Diakses tanggal 2020-03-17. 
  100. ↑ Media, Kompas Cyber. "Disetujui Kemenkes, Sumbar Kini Punya Laboratorium Pemeriksaan Corona di RS Unand". KOMPAS.com (dalam bahasa Indonesia). Diakses tanggal 2020-04-05. 
  101. ↑ KlikPositif. "Kemenkes Setujui RS Unand Jadi Jejaring Laboratorium Pemeriksaan COVID-19 | KlikPositif.com – Media Generasi Positif". Kemenkes Setujui RS Unand Jadi Jejaring Laboratorium Pemeriksaan COVID-19 | KlikPositif.com – Media Generasi Positif (dalam bahasa Indonesia). Diakses tanggal 2020-04-05. [pranala nonaktif permanen]
  102. ↑ "Fakultas Kedokteran Unand Resmi Jadi Tempat Uji Sampel Covid-19". kumparan (dalam bahasa Indonesia). Diakses tanggal 2020-04-05. 
  103. ↑ "Universitas Andalas Nyatakan Bisa Jadi Tempat Tes Covid-19". nasional (dalam bahasa Indonesia). Diakses tanggal 2020-04-05. 

Pautan lua suntiang

Situs web resmi pamarintah pusek

Situs web resmi pamarintah daerah

Regional Sumatera
Regional Jao
Regional Kalimantan
Regional Sulawesi
Regional Bali dan Nusa Tenggara
Regional Maluku
Regional Papua

Peta rumah sakik rujuakan COVID-19

Situs web lainnyo

Diambiak dari "https://min.wikipedia.org/w/index.php?title=Pandemi_Covid-19_di_Indonesia&oldid=3151036"