Buka menu utama

Ngalau Indah marupokan salah satu objek wisata alam barupo ngalau (gua) jo kompleks hutan nan ado di Kota Payakumbuh, Sumatera Barat, Indonesia. Ado baragam aktivitas nan dapek dilakukan di Ngalau Indah. Salain ngalau, objek jo fasilitas nan ado antaro lain taman, tampek bamain, kolam ranang, dan juo tampek olahraga.

Ngalau Indah manjadi salah satu tampek favorit dek pacinto alam. Di dalam ngalau ado tumpukan batu-batu stalaktit jo stalagmit. Batu-batu tasabuik tabantuak dari pangendapan kapua salamo ratusan tahun. Katiko mamasuki ngalau, awo udaro sajuak, segar, dan saketek basah dapek dirasoan. Didalam gua ado ribuan kaluang nan tingga.

Salain wisata ngalau, ado taman nan dipakai sabagai tampek basantai bagi para pangunjuang. Nan unik dari taman ko iolah lataknyo nan ditangah-tangah sainggo nampak sadoalah aktivitas nan ado disakitar taman. Di sabalah suok taman, ado sabuah bangunan batingkek jo di sabalah kida ado kolam ranang. Sabalun mamasuaki taman, ado wahana bamain bagi anak-anak.

Tiket untuak masuak ka kompleks ngalau indah ko bakisar antaro Rp 5000 inggo Rp.10.000.[1]

RujuakanSuntiang

  1. yunita, feby (25-5-2016). "ngalau indah". http://repository.politanipyk.ac.id/486/1/jurnal%20ecopedon_feby%20junita.pdf.