Nagari Ophir
Nagari Ophir (/ˈoʊ.fɜr/;[1] bahaso Ibrani: אוֹפִיר, Modern Ofir Tiberias ʼÔp̄îr) atau biaso juo ditulih Ofir adolah suatu nagari atau wilayah nan kayo ameh, nan disabuik sabagai nagari asa dari ameh nan ditarimo Nabi Sulaiman dari Hiram, surang Rajo Tirus. Dalam kitab Yahudi, Melakim (Raja-raja), fasal 9, ditarangan baso Rajo Solomon (Nabi Sulaiman), rajo bangso Israil manarimo 420 talenta ameh dari Hiram, rajo Tirus, nan adolah rajo bawahannyo. Dicaritoan baso ameh upeti tu didapek-an dari nagari Ofir (Ophir), suatu nagari nan dibarkati Tuhan jo kakayaan ameh sarato kasuburan tanahnyo.
Al-Qur’an, Surat Al- Anbiya' 81, manarangkan pulo baso kapa-kapa Nabi Sulaiman A.S. balaia ka “tanah nan Kami barkati atehnyo” (al-ardha l-lati barak-Na fiha). Di ma latak nagari Ophir nan dibarkati Allah tu masih alun dapek dipastian dek banyak ahli sajarah. Ado ahli nan bapandapek baso nagari Ophir talatak di Sumatera, tapi ado pulo nan bapandapek babedo.
Di Sumatera Barat tadapek sabuah gunuang nan banamo Gunuang Talamau nan sabalunnyo banamo Gunuang Ophir. Manganai dari ma asa namo Ophir nan dilakek-an ka gunuang tu alun pulo didapek data sajarah nan pasti. Samantaro pulau Sumatera pado zaman purba disabuik pulau Swarnadwipa, nan baarati pulau ameh.
Rujuak-an suntiang
Buku suntiang
- Edward Lipiński (2004). Itineraria Phoenicia Studia Phoenicia 18. Peeters Publishers. ISBN 978-90-429-1344-8. http://books.google.com/?id=SLSzNfdcqfoC&pg=PA200.
Catatan kaki suntiang
- ↑ LDS.org: "Book of Mormon Pronunciation Guide" (retrieved 2012-02-25), dari «ō´fer»
Pautan lua suntiang
- Onshore explorations at Sopara and Kalyan, India Archived 2006-09-28 di Wayback Machine.
- Resensi Buku: Misteri Besar Indonesia Archived 2013-07-16 di Wayback Machine. Eramuslim Digest.
- Pulau Indonesia Yang Kaya Sejak Dulu![pranala nonaktif permanen] Forum.kompas.com.
- Dari mana asal nama Ophir (Pasaman)? RantauNet.
