Museum Pahlawan Nasional Dr. AK. Gani
Museum Pahlawan Nasional Dr. A.K. Gani adolah sabuah museum di Palembang, Sumatera Selatan nan dibuek untuak mangana jaso jo pangabdian Dr. A.K Gani kapado bangsa jo negara. Museum ko didirian dek kaluarga Dr. A.K. Gani malalui Yayasan H.J.R.A. Masturah A.K. Gani. Museum ko barisi barang-barang basajarah nan bakaitan jo kaidupan Dr. A.K Gani.[1]
Koleksi suntiang
Koleksi nan ado di Museum Dr. A.K. Gani ko antaro lain adolah Bintang Jaso, Piagam, Surek-surek kaputusan, foto-foto pajuangan, pakakeh rumah tango, alaik-alaik kantua, buku-buku referensi pribadi, jo oto Jeep.
Wakatu Kunjuang jo Biaya suntiang
Wakatu kunjuang museum ko adolah satiok hari Senin hinggo Sabtu pukua 09.00 hinggo 17.00 WIB, Hari Minggu tutuik. Untuak harago tiket masuak, indak ditantuan dek pihak museum, pangunjuang bias mambayia sacaro sukarela.
Fasilitas suntiang
Barikuik adolah fasilitas-fasilitas nan disadionan dek museum ko:
- Ruang Ramer Tatap
- Ruang Parpustakaan
- Ruang Panyimpanan Koleksi
- Ruang Administrasi
- Ruang Audio Visual
Alamaik suntiang
Museum ko baralamaik di: Jl. Mp. Mangkunegara No. 1 Sukamaju Sako, Palembang 30168, Provinsi Sumatra Selatan, (0711) 824046
Rujuakan suntiang
- ↑ Marijan, Kacung (2012-12) (dalam bahaso en). Album budaya : direktori museum Indonesia. Jakarta: Direktorat Jenderal Kebudayaan. http://pustaka.kebudayaan.kemdikbud.go.id/index.php?p=show_detail&id=13512&keywords=dIREKTORI+MUSEUM+INDONESIA.
