Musajik Sultan Omar Ali Saifuddin
Musajik Omar Ali Saifuddien (Jawi: مسجد عمر علي سيف الدين) adolah sabuah musajik nan talatak di Bandar Seri Begawan, ibu kota dari negara Brunei. Musajik iko marupoan ciak dari dua musajik negara atau musajik nasional (ciek lai adolah Musajik Jame' Asr Hassanil Bolkiah), sarato manjadi simbol negara. Musajik iko marupoan salah satu musajik paliang gadang jo usianyo paliang tuo di Brunei. Namonyo diambiak dari Omar Ali Saifuddien III, nan marupoan Sultan Brunei ka-28 jo ayah dari pamimpin monarki kini, Sultan Hassanal Bolkiah. Masjid ini manjadi lambang dari umaik Islam di Brunei.
| {{{building_name}}} | |
Pamandangan musajik pado malam hari | |
| Latak | Bandar Seri Begawan, Brunei |
| Afiliasi agamo | Sunni Islam |
| Deskripsi arsitektur | |
|---|---|
| Jinih arsitektur | Masjid |
| Gaya arsitektur | Arsitektur Islam |
| Pambukoan tanah | 4 Februari 1954 |
| Tahun salasai | 26 September 1958 |
| Biayo pambangunan | USD 7,7 juta sampai 9,2 juta |
| Spesifikasi | |
| Gobah | 1 kubah gadang dikaliliangi jo babarapo kubah ketek. |
| Minaro | 1 |
| Tinggi minaro | 52 meter (171 kaki) |
Konstruksi
suntiangPembangunan musajik iko bajalan ampiang salamo limo tahun dan mamakan biaya labiah dari £1 juta.[1]
Firma arsitektur nan ikutik sato dalam pangarajoan konstruksi musajik adolah Booty Edwards & Partners nan bakantua pusek di Malaysia, sadangkan parusahaan konsultannyo bakantua pusek di Singapura, yakni Steen, Sehested jo Partners.[2]
Tahap konstruksi dimulai pado 4 Februari 1954.[3] Pambangunannyo manggunoan sakitar 1.500 ton beton jo 700 ton baja.[2] Kadalaman tiang pondasi di antaro angko 80–120 kaki (24–37 m).[2]
Musajik iko diresmikan pamakaiannyo pado 26 September 1958, nan basamoan jo alek ulang tahun ka-42 Sultan Omar Ali Saifuddien III.[2][1]
Aristektur
suntiang.jpg)
Gaya bangunan musajik iko dipangaruhi dek arsitektur Mughal.[3] Manuruk katerangan resmi, desain musajik iko patamo kali dikonsep dek Sultan Omar Ali Saifuddien III dan kudian digambar dek arsitek nan ditugaskan, yakni Rudolfo Nolli, saurang pamatuang Italia jo kontraktor batu dekoratif.[3]
Musajik iko mamiliki denah dasar 225 by 86 kaki (69 by 26 m) dan dapek manampuang sabanyak 3.000 jamaah.[3] Tinggi puncak bangunan dari parmukaan tanah adolah 52 meters (171 ft).[3] Kubahnyo dilapisi jo ameh. Lantai jo kolomnyo tabuek dari marmer nan didatangan dari Italia dengan biaya S$200.000.[2] Ruangan salatnyo dihiasi dek lampu chandelier dengan diameter 15 kaki (4.6 m) dan bareknyo labih dari tiga ton; tadiri dari 62 lampu pendar. Salain lampu chandelier, panarangannyo juo ditambah labih dari 480 lampu pendar.[2] Lantainyo ditutuik jo karpet Axminster, nan dibuek di Belgium jo Saudi Arabia.[2][3]
Musajik iko manempati area dengan laweh 5-ekar (2.0 ha) dan ampiang sacaro kasaluruhan dikelilingi dek laguna buatan. Di tangah laguna nan tun, ado Mahligai, replika kapa tongkang nan desainnyo dibuek untuak manyarupoi kapa Sultan Bolkiah, Sultan Brunei nan mamrintah pado abaik ka-16.[3] Magligai iko diresmikan pado 19 Desember 1967 batepatan jo parayaan Nuzul Al-Quran,[4] hari libur dalam kalender Islam untuak mamparingati turunnyo ayaik patamo Al-Qur'an. Dibangun dengan biaya B$500.000 pado sangkek itu, replika kapa tongang iko dibuek untuak manjadi area bagi babagai acara kaagamaan Islam nasional.[4]
Rujuakan
suntiang- ↑ a b "MINGGU PERAYA'AN DI-BANDAR BRUNEI, PEMBESAR2 LUAR NEGERI BERSARAM BERGEMBERA" (PDF). Pelita Brunei (dalam bahasa Melayu) (3 #16). Jabatan Penerangan. 1 October 1958. hlm. 2,4. Diakses tanggal 11 October 2021.
- ↑ a b c d e f g Fish, William (27 September 1958). "6,000 roar their thanks as Sultan of Brunei opens mosque". The Straits Times. hlm. 1. Diakses tanggal 6 May 2020 – via NewspaperSG.
- ↑ a b c d e f g Rozan Yunos (5 May 2007). "The Mosque in the Capital". The Brunei Times. Diarsipkan dari versi asli tanggal 5 March 2016. Diakses tanggal 28 August 2014.
- ↑ a b "Pembenaan Mahligai menelan belanja $500,000.00" (PDF). Pelita Brunei (dalam bahasa Melayu) (12 #50). Jabatan Penyiaran dan Penerangan Kerajaan Brunei. 13 December 1967. hlm. 2. Diakses tanggal 15 October 2021.
Pautan lua
suntiang| Wikimedia Commons mampunyoi media nan bahubuangan jo Musajik Sultan Omar Ali Saifuddin |