Musajik Rayo Bayur

Musajik Rayo Bayur talatak di Nagari Bayur, Kecamatan Tanjung Rayo , Kabupaten Agam, Sumatra Barat, Indonesia. Latak musajik ko indak bagitu jauh dari jalan rayo nan manghubungan Lubuk Basung (Ibu kota kabupaten Agam) jo Kota Bukittinggi.

Masjid Raya Bayur
Latak	Nagari Bayur, Tanjung Raya, Kabupaten Agam, Sumatra Barat, Indonesia
Afiliasi agamo	Islam
Deskripsi arsitektur
Arsitek	Hendri Tanjung
Pambukoan tanah	1905
Dibuko	8 September 2004
Spesifikasi
Kapasitas	1.000 orang
Minaro	4

Sijarah

Musajik ko didirian sakita tahun 1905 ateh prakarsa Syekh Muhammad Salim al-Khalidi Bayur basamo sajumlah tokoh masyarakaik saroman Dt. Batuah, Abdulwahid, H. Abdurrahman, jo Labai Nan Saliah. Palatakan batu patamanyo dilakukan pado tangga 19 Dzulhijjah 1322 H.

Syekh Salim adolah saurang ulama satamekt nan mandirian Madrasah Tarbiyah Islamiyah (MTI) Bayur. Ia juo mangasuah pangajian di Surau Payuang nan barado di sabalah musajik. Syekh Salim wafat pado 1938 jo dimakamkan di muko musajik rayo Bayur.

Renovasi

Mancaliak kondisi bangunan jo lingkungan musajik nan kian indak tatata sacaro elok, pado awa tahun 2000 masyarakaik satampek barupayo marenovasi musajik rayo Bayur sacaro manyaluruah. Gagasan-gagasan tasabuik timbua dari Datuak Hakim Tantawi, saurang pangusaho di Jakarta (sumando orang Bayur) jo didukuang dek Bachtiar Chamsyah salaku perantau Bayur di Jakarta nan saik tu manjabaik sabagai Menteri Sosial RI. Salain Bachtiar, para parantau nan barasa dari Nagari Bayur juo ikuik mangiriman bantuan. Renovasi musajik salasai jo dirasmian pado 8 September 2004.

Renovasi nan dilakukan maliputi pabaikan bangunan musajik jo panataan lingkungan musajik, saroman panataan ruang tabukak, area parkir, jo taman musajik. Untuak manyuksesan renovasi tasabuik, masyarakaik tapaso mambongka duo buah bangunan permanen, yaitu gedung balerong (kantor pemerintahan Nagari Bayur) jo gedung sekolah dasar, nan kamudian dipindahan ka tampek lain.

Bangunan

Selasar musajik rayo Bayur

Pad ruang dalam musajik tapampang sajumlah ornamen. Pado bagian dindiang musajik, misalnyo dilapisi jo papan barukia nan dicaik jo komposisi warna banuanso gelap. Bagitu juo jo tiang-tiang panyangga musajik. Tiang-tiang nan tabuek dari tembok tasabuik dihiasi jo warna lambuik nan sarasi jo dindiang musajik.

Pado bagian muko musajik, tadapek ruang tabukak nan dilengkapi jo aia mancua. Samantaro pado bagian balakang ruangan musajik tadapek kolam ikan, jo di sampiang kiri jo kanan kolam ikan tasabuik tadapek tampek wudu.

Musajik ko dilengkapi babarapo fasilitas pandukuang, saroman tampek panitipan sandal jo sepatu, tampek wudu laki-laki jo perempuan, sarato area parkir. Bagi jamaah padusi nan ingin manunaian ibadah salat, namun indak mambaok kalengkapannyo, di dalam musajik alah tasadio babarapo saruang jo mukena.

Wisata

Daya tarik dari musajik nan ciek ko, tampek dari arsitektur bangunannyo nan unik. Gaya bangunannyo mamaduan bantuak Pagoda khas Thailand jo atok gonjong nan biasonyo ado pado rumah adaik Minangkabau. Papaduan tasabuik dapek Sobat Turisian liek pado sabuah manaro ketek nan talatak di ampek suduik atok bangunan utama Musajik Rayo Bayur. Samantaro struktur rancangan atoknyo mangikuti pola bangunan rumah pangguang jo atoknyo basusun tigo.

Bagitu Sobat Turisian masuak ka ruang dalam musajik, akan mancaliak sajumlah ornamen. Pado bagian dindiang musajik, misalnyo, ado lapisan papan barukia jo komposisi warna caik banuanso kalam. Tamasuak jo tiang-tiang panyangga musajik. Tiang-tiang nan tabuek dari tembok tasabuik, ado hiasan warna lembut nan sarasi jo dindiang musajik. Kamudian pado bagian depan Musajik Rayo Bayur, tadapek ruang tabukak barupo taman lengkap jo aia mancua jo tanaman nan manambah asri. Samantaro di bagian balakang ruangan musajik, kalian akan manamuan kolam ikan. Di sampiang kiri jo kanan kolam ikan tasabuik tadapek tampek wudu.