Bachtiar Chamsyah
H. Bachtiar Chamsyah, S.E. (lahia di Kota Sigli, Pidie, Aceh, 31 Desember 1945; umua 78 taun) adolah saurang politikus Indonesia dari Partai Persatuan Pembangunan (PPP). Inyo pernah manjabat sabagai Mantari Sosial Indonesia periode 2001-20 Oktober 2009 dan sabalumnyo sabagai Anggota DPR-RI dari PPP.[1]
Bachtiar Chamsyah S.E. | |
|---|---|
 Potret resmi Bachtiar Chamsyah sebagai Menteri Sosial Indonesia di Kabinet Indonesia Bersatu | |
| Lahia | 31 Desember 1945 |
| Alma mater | Universitas Medan Area |
| Karojo | Politisi |
| Kantua | Menteri Sosial Indonesia |
| Pandahulu | Justika Baharsjah |
| Panaruih | Salim Segaf Al-Jufri |
| Partai politik | PPP |
| Pasangan | Roshidah Hanum (almh.) Indah Hayati |
| Anak | Roshi Ika Putri Muhammad Iqbal Rini Irawati |
Riwayaik
suntiangKahidupan pribadi
suntiangBachtiar Chamsyah lahia pado tanggal 31 Desember 1945 di Sigli, Pidie, Aceh, anak dari pasangan Minangkabau nan barasa dari Bayua, Maninjau, Agam, Sumatera Barat nan marantau ka Aceh.[2]
Inyo babini jo saurang padusi banamo Roshidah Hanum. Dari panikahannyo, kaduonyo punyo tigo urang anak, yaitu Roshi Ika Putri, Muhammad Iqbal, jo Rini Irawati.[3]
Bini Bachtiar maningga akibaik kanker pado taun 2009. Satalah manduda salamo sakitar tigo taun, inyo manikah baliak pado tanggal 10 Juni 2012 jo Indah Hayati, mantan sekretarisnyo samaso manjadi Anggota DPR-RI jo Menteri Sosial.[4]
Pandidikan jo karier
suntiangInyo manyalasaian pandidikan sarjana di Fakultas Ekonomi, Universitas Medan Area pado taun 1997. Salamo manjadi mahasiswa inyo aktif di organisasi Pelajar Islam Indonesia (PII). Kagiatannyo dalam baorganisasi mambueknyo ditunjuak sabagai Katua Majelis Pertimbangan Pusat Partai Persatuan Pembangunan.[1][5]
Korupsi
suntiangSasudah indak duduak di kabinet, tim investigasi Komisi Pemberantasan Korupsi (KPK) manetapkannyo sabagai tersangka dugaan korupsi pangadoan masin jaik jo impor jawi di Departemen Sosial (kini Kementerian Sosial). Panatapan statusnyo sabagai tersangka dikaluan KPK pado patangahan Januari 2010. Dari hasil panyidikan, inyo didakwa jo pasal berlapis, yakni pasal 2 (1), pasal 3, dan pasal 11 Undang-undang No 31/1999 tentang Pemberantasan Tindak Pidana Korupsi.[6]
Kasus iko dimulai dari proyek pangadoan sakitar 6.000 unit masin jaik pado wakatu inyo manjadi menteri pado taun 2004. Program iko takaik jo program pangentasan kamiskinan sanilai Rp 51 miliar. Dalam pangadoan masin jaik, Departemen Sosial bakarajo samo jo PT Ladang Sutera Indonesia (Lasindo). Dari hasil pamareksaan dek Badan Pemeriksa Keuangan, tabukti baso urang nan mandapek bantuan indak tapek sasaran. Panarimo bantuan antaro lain pamilik usaho konveksi di Jawa Timur jo Sumatera Utara.[7]
Sasudah proyek masin jaik, Depsos mambukak baliak proyek pangadoan impor sapi pado taun 2006. Tim panyidik manamuan indikasi adonyo karugian nagara sanilai Rp 3,6 miliar dari total nilai proyek nan sanilai Rp 19 miliar. Manuruik juru bicaro KPK, Johan Budi SP, proyek pangadoan masin jaik jo impor jawi malibatkan sajumlah rakanan malalui panunjuakan langsuang. Dek karano itu, Bachtiar diduga talibaik dalam kasus korupsi panjualan jawi impor dari Australia jo masin jaik dalam program Pangentasan Fakir Miskin Departemen Sosial periode 2004-2006, nan karugian finansial nagara mancapai RP 28,1 M.[8]
Pado tanggal 22 Maret 2011, majelis hakim Pengadilan Tindak Pidana Korupsi mamutuihan baso Bachtiar Chamsyah basalah sarato dihukum sataun salapan bulan panjara jo dando Rp 50 juta subsider tigo bulan panjaro.[9]
Rujuakan
suntiang- ↑ a b Chamsyah, Bachtiar (2008). Pak Natsir yang Saya Kenal, dalam 100 Tahun M. Natsir. Republika, Jakarta. Halaman 9.
- ↑ "Bachtiar: Harus Bangga Jadi Orang Minang". harianhaluan.com. 22 Agustus 2016. Diakses tanggal 20 Januari 2024.
- ↑ "Presiden Melayat Istri Bachtiar Chamsyah". antaranews.com. 28 November 2009. Diakses tanggal 20 Januari 2024.
- ↑ "Mantan Mensos Bachtiar Chamsyah Menikah Lagi". detik.com. 10 Juni 2012. Diakses tanggal 20 Januari 2024.
- ↑ "Sosok Bachtiar Chamsyah, Politisi Aceh yang Pernah Menjabat Sebagai Menteri Sosial Dua Kabinet". tribunnews.com. 21 September 2022. Diakses tanggal 20 Januari 2024.
- ↑ "Bachtiar Chamsyah Jadi Tersangka Kasus Sapi Impor dan Mesin Jahit". kompas.com. 1 Februari 2010. Diakses tanggal 20 Januari 2024.
- ↑ "Bachtiar Chamsyah Divonis 20 bulan Penjara". antaranews.com. 22 Maret 2011. Diakses tanggal 20 Januari 2024.
- ↑ "Bachtiar Chamsyah Ditahan". tempo.co. 6 Agustus 2010. Diakses tanggal 20 Januari 2024.
- ↑ "Bachtiar Chamsyah Divonis 1,8 Tahun". kompas.com. 22 Maret 2011. Diakses tanggal 20 Januari 2024.
| Didaului jo: Justika Sjarifuddin Baharsjah |
Menteri Sosial Indonesia 2001–2009 |
Digantian dek: Salim Assegaf Al Jufri |