Lukisan guo
Lukisan guo atau lukisan ngalau adolah corengan, lukisan, atau cap nan ado pado dindiang guo atau tabiang nan dibuek urang-urang purba sabagai medium untuak manyampaian pasan atau catatan-catatan paristiwa. Bantuak visual nan tadapek di dindiang-dindiang guo marupoan alaik komunikasi antar manusia pado zaman dahulu.[1]
Sijarah
suntiangGambaran-gambaran guo nan dianggok cukuik lamo sabagai nan tatuo ditamuan di Guo El Castillo Cantabria, Spanyol. Namun paetongan nan dilakuan kapado cap-cap tangan di guo-guo kawasan karst Leang Leang, Bantimurung, Maros, alah diumuman taun 2014, maagiah umua nan samo, pado kisaran 40.000 taun.[2] Lukisan figur tatuo adolah lukisan kandiak di Guo Timpuseng, kawasan Karst Leang Leang pulo (35.000 taun), saketek labiah tuo daripado lukisan di Guo Chauvet (Parancih) jo di Guo Coliboaia (Rumania) nan barusia 30.000 inggo 32.000 taun.[3]
Makna pado lukisan-lukisan di guo dari Jaman Batu Tuo (Paleotikum) Iko alun dikatahui. Patunjuak tasabuik manunjuakan basonyo fungsinyo indak sakadar dekorasi tampek tingga, karano guo tasabuik indak punyo tando-tando sabagai tampek tingga tetap. Salain itu, guonyo barado di daerah nan indak murah diakses. Ado teori nan manyatoan lukisan guo iko marupoan caro bakomunikasi manusia purba jo manusia purba lainnyo. Teori lain manyatoan lukisan tasabuik marupoan sarana pamujaan atau upacara tatantu. Tema atau gambaran nan paliang umum dalam lukisan guo tasabuik iolah binatang-binatang lia gadang, sarupo bison, kudo, aurochs (muyang lia dari jawi eropa), jo ruso, sarato jiplakan (cap) tangan manusia nan baieh pola-pola abstrak, nan disabuik galua-salju jari. Spesies binatang-binatang tasabuik cocok untuak paburuan dek manusia, tapi alun tantu ditamuan sabagai deposit tulang. Misalnyo palukih-palukih dari Guo Lascaux maninggaan siso-siso tulang ruso, tapi spesies iko indak nampak samo sakali dalam lukisa guo di sinan, malahan kudo adolah nan paliang umum digambaran. Gamba manusia pado umumnyo langka dan biasonyo labiah skematik daripado gambar nan labiah rinci jo naturalistik dari gambar binatang. Ciek panjalehan untuak iko mungkin kironyo lukisan relaistis bantuak manusia.[4]
Rujuakan
suntiang- ↑ "Lukisan Cap Tangan pada Dinding-dinding Gua di Sulawesi Selatan". Lukisan Cap Tangan pada Dinding-dinding Gua di Sulawesi Selatan ~ Budaya. Diakses tanggal 2024-08-28.
- ↑ Ghosh, Pallab. "Cave paintings change ideas about the origin of art". BBC News. BBC News. Diakses tanggal 8 October 2014.
- ↑ Zorich, Zach (January–February 2012). "From the Trenches – Drawing Paleolithic Romania". Archaeology. 65 (1). Diakses tanggal 7 March 2013.
- ↑ Schiller, Ronald.1972. Reader's Digest: Marvels and Mysteries of The World Around Us. The Reader's Digest Association