Lambah Bada

Lambah Bada adolah lambah nan talatak di Kecamatan Lore Selatan, Poso Kabupaten Poso, Sulawesi Tengah. Lambah iko adolah bagian dari Taman Nasional Lore Lindu.

Patung megalitik di Lambah Bada

Di lambah iko tadapek puluhan patuang megalitik nan dipakiroan didirian pado abad ka-14. alun diketahui tujuan patuang iko.

Sijarah

Dua nyonya Belanda berdiri di sebelah salah satu patung di Lambah Bada pada tahun 1930-an

Puluhan patuang purbakala iko alah ado sajak abad ka-14. Megalit di Lambah Bada ditamuan patamo kali pado 1908. Walaupun panamuan iko alah balansuang labiah dari 100 tahun, tatapi hanyo saketek hal nan diketahui tentang objek itu, salah satunyo tentang bilo patung batu itu dibuek. Beberapa urang mangiro bahwa batu-batu tersebut dipahat sakitar 5.000 tahun lalu, sadangkan nan lainnyo mangiro megalit itu dibuek sakitar 1.000 tahun silam.

Samantaro itu, beberapa urang lainnyo mangiro bahwa batu tersebut masih ado hubungan jo budaya megalitik di Laos, Kamboja, jo beberapa wilayah di Indonesia pado 2.000 tahun lalu.

Manuruik Ancient Origins, hinggo kini ko indak diketahui sia nan mambuek patuang megalit di Lambah Bada. Maskipun tadapek dugaan bahwa batu itu dibuej dek budaya nan mambuek megalit di tampek lain di Asia Tenggara, tatapi megalit di Lambah Bada tergolong unik.

Namun dalam catatan A.C. Kruyt, pandiri Kota Poso, sabalun kadatangan Balando tahun 1908 di Lore, masih ado urang mambuek kubua dari batu. Jo masih ado tampek pambuatan Kalamba untuak kuburan. Jadi pemuatan benda-benda iko barasa dari babagai masa, nan di antaronyo ado nan barasa dari masa ratusan tahun atau megalit muda.

Geografi

Berkas:Napu, Jalan Menuju Lembah Bada.jpg

Jalan menuju Lambah Bada di Napu

Lambah Bada talatak di daerah nan relatif data, nan dikaliliangi bukik-bukik, sahinggo awan nan tatahan di puncak bukik nan mangaliliangi lambah. Katiko hujan turun nampak salah satu bagian lambah. Sedangkan bagian lainnyo matoari maandoakan cahayonyo dari baliak awan.

Ditangah Lambah Bada mangalia Sungai Lariang, manyatu jo Sungai Malei, sahinggo aliran Sungai Lariang manjadi labiah dareh. Karano inikolah Sungai Lariang dulu pernah dipakai sabagai tampek olahraga pengarungan sungai. Di tangah Lambah Bada surang arus Sungai Lariang cukuik tanang karano alur nan dilalui relatif data.

Kearifan lokal

Tujuan dibueknyo megalit itu juo alun diketahui pasti. Masyarakaik satampek picayo bahwa batu itu dulunyo digunoan untuak malakukan pamujaan taadok leluhur. Indak hanyo itu, panduduaknyo juo mampunyoi kisah tentang asal-usul tabantuaknyo megalit tu. Sabuah carito mangatoan bahwa tadapek megalit banamo Tokala'ea nan dulunyo marupoan pemerkosa, akhirnyo dikutuak manjadi batu.

Samantaro itu, tadapek carito manganoi megalit lain banamo Tadulako. Masyarakat mengatoan bahwa dulunyo Tadulako dikana sabagai panjago kampuang, tatapi satalah mancilok bareh inyo dikutuak manjadi batu. Carito lain mangaitkan megalitik jo pangorbanan manusia. Babarapo urang juo picayo bahwa batu itu dimaksudkan untuak manangkal roh jaek, samantaro nan lain mangklaim bahwa benda tersebut mamiliki kakuatan supranatural jo bisa mailang atau bapindah tampek.

Palindo, Torompana, Tarae Roe, jo Loga adolah saderet namo pambarian panduduak lokal untuak patuang-patuang kuno tersebut. Kisah unik pun turuik manyarotai satiok patuang nan ado di Lambah Bada, salah satunyo Palindo. Dulunyo, masyarakat Lambah Bada picayo bahwa Palindo tagak surang.

Di Taman Nasional Lore Lindu iko juo masih kental jo adat istiadat suku Lore. Salain pamandangan bebatuan jo sawah hijau, disunan juo ditamui rumah adat suku Lore nan bajajar. Rumah kayu iko baatok ijuak jo badindiang batuang acok dijadian tampek bamalam, apobilo baru sampai disinan.

Para tetua di Desa Sepe picayo bahwa patuang Palindo nan bararti sang pahibur dalam bahaso satampek adolah representasi dari panduduak pandahulu mereka, yoitu suku Tosaloge. Sasuai legenda, Raja Luwuk mamarintahan 1800 patuang dari Sepe ke Palopo untuak manandoi kakuasaannyo di Bada. Patuang iko mustinyo maadok ka selatan, tatapi misi iko gagal, karano panduduak Bada malatakkannyo jo maadok ka barat. Katiko sang rajo maminta untuak maubah posisinyo, patuang-patuang iko manimpok pasukan rajo sarato mambunuah sakitar 200 urang. Masyarakat Bada di masa lalu maagiah sesajen ka patuang iko sabalun malakukan pekerjaan gadang, saparti mambukak lahan baru untuak pertanian.

Patuang megalit

Karakteristik

Patuang Megalitik di Lambah Bada marupoan wajah manusia nan alah distilasi, nan alis jo iduang digambarkan manjadi satu, sadangkan bagian muluik dihilangan. Patuang di Lambah Bada umumnyo mamiliki tando gender nan jaleh. Di patuang Palindo jo Meturu taukia gamba pakakeh kelamin laki-laki. Sadangkan pado patuang Langke Bulawa digambaan alat kelamin wanita. Perbedaan gender juo digambaan pado rauik muko, dimano pado patuang wanita, wajahnyo digambaan saparti dahi nan tatutuik poni.

Pahatan pado megalit tersebut juo dideskripsikan minimalis. Tokoh tersebut biasonyo digambarkan mamiliki kapalo gdang jo badan tanpa lekukan sarato indak bakaki. Pado bagian muko, biasonyo digambaan jo mato nan bulek jo garih tunggal nan manggambaan alis, pipi, jo dagu. Sabagian gadang patuang tampak tagak surang, tatapi ado beberapa nan ditampekan sacara bakalompok. Batuan-batuan megalitik iko tasebar di saluruah daerah lambah. Dari nan babantuak ukiran manusia, hewan, Kalamba jo masih banyak lai.

Patuang-patuang manusia lainnyo baukuran tinggi sakitar 1,5 meter jo diameter sakitar 50 cm. Salain patuang manusia dewasa tadapek patuang Oba nan baukuran tinggi 70 cm jo rauik jenaka, sarato tando kelamin nan alun jaleh. Warga manyabuiknyo sabagai bantuak baruak, tatapi juo bisa diartian sabagai gamaran saparati anak-anak.