Kumpeni Balando
Parusaoan Hindia Timur Balando (bahaso Balando: Vereenigde Oostindische Compagnie, disingkek VOC), nan acok disabuik juo Kumpeni Balando, adolah parusaoan dagang Balando nan didirian pado taun 1602, satalah mandapekan ijin monopoli salamo 21 taun dari Dewan Nagara Balando untuak badagang di banua Asia. Parusaoan ko acok dipandang sabagai parusaoan multinasional patamo di dunia[1] dan nan patamo pulo nan manabikan saham.[2] Parusaoan ko sabana bakuaso jo batindak samacam semi-pamarentahan, iyolah dibuliahan untuak baparang, manangkok jo maukum mati tahanan,[3] marundiangan pajanjian dagang, mancetak pitiah, sarato mandirian koloni.[4]
.jpg)
Kumpeni Balando sacaro statistik lah jauah malampaui sadonyo saiangan dagangnyo di Asia. Antaro taun 1602 inggo 1796, parusaoan ko lah mangirim sajuta banso Eropa untuak bakarajo dalam padangangan di Asia jo 4.785 kapa, sarato mandapek kauntuangan barasiah labaih dari 2,5 juta ton, nan babantuak barang-barang dagangan Asia. Sabaliaknyo, gabuangan kasaluruahan Eropa laiannyo anyo mangirim 882.412 urang antaro taun 1500 inggo 1795, dan armada kapa dari Parusaoan Hindia Timua Inggirih nan marupoan saiangan tadakeknyo anyo maanta jo 2.690 kapa sajo dan mambao anyo saparlimo dari barek barang nan diangkuik dek Kumpeni Balando. Kauntuangan gadang Kumpen Balanda didapeknyo dari mamonopoli padagangan rampah-rampah salamo abaik ka-15.[5]
Walaupun lah didirian sajak taun 1602 untuak maambiak untuang dari padagangan rampah-rampah Maluku, baru taun 1619 parusaon ko mandirian markas utamonyo di kota palabuahan Jayakarta, nan diubahnyo jadi banamo Batavia (kini ko Jakarta). Labiah dari duo abaik, Kumpeni Balando taruih manambah juo palabuahan-palabuahan nan dijadiannyo pusek-pusek padagangannyo, dan maamanan kapantiangannyo jo caro manguasai daerah-daerah sakuliliangnyo.[6] Usao dagang ko maju bakataruihan dan taruih sajo mambaia dividen 18% tiok taunnyo, salamo ampia 200 taun.[7]
Sejarah suntiang
Datangnyo urang Eropa malalui jalur lauik diawali odek Vasco da Gama, nan pado tahun 1497-1498 berhasil balayia dari Eropa ka India malalui Tanjung Harapan (Cape of Good Hope) di ujuang selatan Afrika.[8] Sahinggo mereka indak paralu lai basaiang jo pedagang-pedagang Timur Tengah untuak mamparoleh akses ke Asia Timur, nan salamo iko ditampuah malalui jalur darat nan sangaik babahayo. Pado awanyo, tujuan utamo bangso-bangso Eropa ke Asia Timur dan Tenggara tamasuak ka Nusantara adolah untuak perdagangan, demikian pulo jo bangsa Belanda.[9] Misi dagang nan kamudian dilanjuikkan jo politik permukiman (kolonisasi) dilakukan dek Belanda dengan karajaan-karajaan di Jawa, Sumatra dan Maluku, sadangkan di Suriname jo Curaçao, tujuan Belanda sajak awa adolah murni kolonisasi (permukiman). Dengan latar belakang perdagangan ikolah awal kolonialisasi bangsa Indonesia (Hindia Belanda) bamulo.[10]
Rujuakan suntiang
- ↑ http://www.kb.nl/dossiers/voc/voc.html Archived 2011-11-20 di Wayback Machine. VOC di Papustakaan Nasional Balando (bahaso Balando)
- ↑ Mondo Visione web site: Chambers, Clem. "Who needs stock exchanges?" Exchanges Handbook. – retrieved 21 August 2011.
- ↑ "Slave Ship Mutiny: Program Transcript". Secrets of the Dead. PBS. 11 November 2010. Diakses tanggal 12 November 2010.
- ↑ Ames, Glenn J. (2008). The Globe Encompassed: The Age of European Discovery, 1500–1700. pp. 102–103.
- ↑ Van Boven, M. W. "Towards A New Age of Partnership (TANAP): An Ambitious World Heritage Project (UNESCO Memory of the World – reg.form, 2002)". VOC Archives Appendix 2, p.14.
- ↑ Vickers (2005), p. 10
- ↑ Ricklefs, M.C. (1991). A History of Modern Indonesia Since c.1300, 2nd Edition. London: MacMillan. p. 110. ISBN 0-333-57689-6.
- ↑ Ames 2009, hlm. 1.
- ↑ Parthesius 2010, hlm. 33.
- ↑ Herdiansyah, Wildan (2011). VOC Kongsi Dagang atau Sebuah Negara. Jakarta Timur: CV. Ghina Walafafa. pp. 20-21. ISBN 602-8520-55-1.