Konfrontasi Indonesia–Malaysia

Konfrontasi Indonesia–Malaysia atau nan labiah dikana sabagai Konfrontasi sajo adolah sabauh parang manganai maso depan Malaya, Brunei, Sabah jo Sarawak nan tajadi antaro Federasi Malaysia jo Indonesia pado taun 1962 hinggo 1966.

Parang ko bamulo dari kainginan Federasi Malaya atau Pasakutuan Tanah Malayu pado taun 1961 untuak manggabuangkan Brunei, Sabah jo Sarawak ka dalam Federasi Malaysia nan indak sasuai jo Persetujuan Manila.

Karano itu kainginan tasabuik ditantang dek Presiden Sukarno nan manganggap pambantuakan Federasi Malaysia nan kini disabuik Malaysia sabagai "boneka Inggris" marupokan kolonialisme jo imperialisme dalam bantuak baru sarato dukuangan tahadok babagai gangguan kaamanan dalam nagari jo pambarontakan di Indonesia.

Lata balakang

Persetujuan Manila antaro Filipina, Federasi Malaya dan Indonesia

Pado 1961, Kalimantan dibagi manjadi ampek administrasi. Kalimantan, provinsi di Indonesia, talatak di selatan Kalimantan. Di utara adolah Karajaan Brunei jo duo koloni Inggris; Sarawak jo Borneo Utara, kamudian dinamokan Sabah. Sabagai bagian dari panarikannyo dari koloninyo di Asia Tenggara, Inggris mancoba manggabuangkan koloninyo di Kalimantan jo Samananjuang Malaya, Federasi Malaya jo mambantuak Federasi Malaysia.

Rancana iko ditantang dek Pamarintahan Indonesia; Presiden Sukarno bapandapek bahasonyo Malaysia hanyo sabuah boneka Inggris, dan konsolidasi Malaysia hanyo akan manambah kontrol Inggris di kawasan iko, sahinggo mangancam kamerdekaan Indonesia. Filipina juo mambuek pangakuan ateh Sabah, jo alasan daerah tasabuik mamiliki hubuangan sajarah jo Filipina malalui Kesultanan Sulu.