Komite Olimpiade Internasional

Komite Olimpiade Internasional (bahaso Inggirih: International Olympic Committee/IOC) adolah sabuah organisasi nan babasis di Lausanne, Swiss, nan didirikan dek Pierre de Coubertin pado 1894 untuak mangadokan baliak Olimpiade Kuno nan diadokan di Yunani, dan malansuangan ajang olahraga iko satiok ampek tahunnyo.

Logo rasmi Komite Olimpiade Internasional

IOC manarimo dana pangoperasiannyo malalui pariklanan dan memorabilia Olimpiadenyo, sarato malalui panjualan hak liputan kapado media massa pado saaik Olimpiade.

Sijarah jo fungsiSuntiang

Pado 23 Juni 1894 Olimpiade diciptakan baliak dek Pierre de Coubertin salapeh baranti salamo 1500 tahun. Sang baron baharok dapek manjalin komunikasi internasional jo padamaian malalui pakan Olimpiade. IOC adolah organisasi puncak nan diharokan untuak malokalisasi administrasi jo otoritas untuak Olimpiade, sakaligus manyadiokan parusahoan nan punyo hak cipta, jo kapamiliakan lainnyo nan takait jo Olimpiade.

Presiden IOC batangguang jawek untuak mawakili IOC sacaro kasaluruahan, dan ado anggota IOC nan mawakili IOC di nagaranyo masing-masing.

Panawaran manjadi tuan rumahSuntiang

Nagara-nagara nan ingin manjadi tuan rumah Olimpiade musti manawarkan panyalanggaroannyo jo IOC, nan mampunyoi kakuasoan panuah untuak mamutuihan di mano Olimpiade akan diadokan. Para anggota IOC akan mamiliah untuak mamutuihan hal tasabuik. Sacaro hukum, sadoalah anggota IOC harus pensiun pado usia 81 tahun. Anggota dari nagara panawar indak buliah ikuik mamiliah hinggo nagara mareka kalua dari proses panawaran.

DelegasiSuntiang

IOC dikontrol dek para delegasi dari satiok nagara nan dipiliah dek IOC surang.

PresidenSuntiang

Sajak 1894, IOC alah punyo 8 presiden:

Namo Nagara Masa manjabaik
Demetrius Vikelas Yunani 1894-1896
Pierre de Coubertin Parancih 1896-1925
Henri de Baillet-Latour Belgia 1925-1942
Sigfrid Edström Swedia 1946-1952
Avery Brundage Amerika Serikat 1952-1972
Lord Killanin Irlandia 1972-1980
Juan Antonio Samaranch Spanyol 1980-2001
Jacques Rogge Belgia 2001-2013
Thomas Bach Jerman 2013-

Caliak puloSuntiang

Pautan LuaSuntiang