Komisioner Lingkuangan Eropa
Komisioner Lingkuangan (bahaso Inggirih: European Commissioner for the Environment) adolah surang pajabaik tinggi Komisi Eropa nan manangani kabijakan lingkuangan iduik Uni Eropa.
| Komisioner Lingkuangan Uni Eropa | |
|---|---|
 | |
| Direktorat Jenderal Lingkuangan Uni Eropa | |
| Bagian dari | Komisi Eropa |
| Kantua | Brussels, Belgia |
| Nominator | Dewan Eropa |
| Panunjuak | Presiden Komisi Eropa |
| Maso jabatan | 5 tahun (maso jabatan Komisi) |
| Dibantuak pado | 1990 |
| Pajabaik patamo | Carlo Ripa di Meana |
| Wakia | Mantari-mantari lingkungan nagara anggota |
.jpg)
Komisioner nan manjabaik kini adolah Virginijus Sinkevičius, mantan Menteri Ekonomi Lituania; inyo manjabaik sajak 1 Desember 2019.
Tugas jo wewenang
suntiangKomisioner Lingkuangan pado Komisi Eropa batugas untuak mampasiapan paraturan tantang palinduangan lingkuangan iduik di Uni Eropa. Salain itu, komisioner juo mampunyoi kawenangan untuak mamastian nagara-nagara anggota manarapan paraturan lingkuangan iduik nan sasuai jo standar Uni Eropa. Bidang kawenangan komisioner antaro lain adolah di bidang udaro, aia, kabaragaman hayati, pangalolaan limbah, jo pambangunan bakalanjutan.[1]
Komisioner Lingkuangan mangarahan pambuatan kabijakan jo parumusan paraturan di lingkungan Komisi Eropa. Dalam palaksanaannyo, inyo dibantu dek surang Direktur Jenderal Lingkuangan, nan mangapaloi Direktorat Jenderal nan baparan subagai sabuah departemen birokrasi permanen. Direktur Jenderal Lingkuangan pado kini ko dijabaik dek Daniel Calleja Crespo.[2] Direktorat jenderal ko tabagi manjadi anam direktorat utamo nan masiang-masiang dipimpin dek surang direktur, bakaduduakan di Brussels:
- Direktorat Sumber Daya Alam;
- Direktorat Kualitas Hiduik Masyarakat;
- Direktorat Pambangunan Bakalanjutan Global;
- Direktorat Ekonomi Sirkular jo Pangambangan Hijau;
- Direktorat Kabijakan, Pangarahan, Pamarintahan, jo Sumber Daya;
- Direktorat Palaksanaan jo Dukuangan untuak Nagara-nagara Anggota.[3]
Pajabaik
suntiangCarlo Ripa di Meana (1990-92)
suntiangAnggota Parlemen Eropa dari Italia Carlo Ripa di Meana manjadi pajabaik partamo di Komisi Delors. Walaupun baitu, inyo basitagang jo Presiden Komisi Delors nan indak suko jo gayo politik di Meana, nan digantian dek Karel Van Miert sasudah tu.[4]
Stavros Dimas (2004-10)
suntiangPolitisi Yunani Stavros Dimas tapiliah manjadi Komisioner Lingkuangan pado Komisi Barroso salapeh manjabaik subagai Komisioner Buruah. Salah satu prakarsanyo adolah mambahas target pangurangan emisi nan labiah komprehensif salapeh baakhianyo Protokol Kyoto; usao ko ditantang kareh dek wakil Amerika Sarikat pado Konferensi Parubahan Iklim PBB 2004 di Buenos Aires.[5]
Pado tahun 2007, Komisioner Stavros mangumuman rancano untuak maubah standar efisiensi bahan baka pado oto nan bajalan di wilayah nagara Uni Eropa supayo indak labiah dari 130g per km. Rancano ko ditulak dek banyak parusahaan otomotif Eropa.[6]
Karmenu Vella (2014-19)
suntiangPolitisi Malta Karmenu Vella manjadi Komisioner pado Komisi Juncker. Dalam sidang danga pandapek konfirmasinyo di Parlemen Eropa, Vella managehan pangambangan hijau, palinduangan kapital alam, jo malinduangi kapantiangan warga Uni Eropa dari resiko jo bancano lingkuangan sabagai prioritasnyo salamo manjabaik komisioner.[7][8]
Vella bakunjuang ka Indonesia pado tahun 2017 untuak mambahas pakaro karajo samo lingkuangan iduik basamo Menteri Pekerjaan Umum dan Perumahan Rakyat Basuki Hadimuljono, Menteri Koordinator Bidang Kemaritiman Luhut Panjaitan, Menteri Lingkungan Hidup dan Kehutanan Siti Nurbaya Bakar, jo Menteri Kelautan dan Perikanan Susi Pudjiastuti.[9][10] Sabalunnyo, Susi batamu jo Vella di Brussels pado bulan April 2017.[11]
Virginijus Sinkevičius (2019-kini)
suntiangMantan Menteri Ekonomi jo Inovasi Lituania Virginijus Sinkevičius ditunjuak manjadi Komisioner Lingkuangan pado Komisi von der Leyen dek Ketua Komisi Eropa Ursula von der Leyen pado bulan Desember 2019.[12] Salain mandapek portofolio lingkuangan, Sinkevičius juo batanggungjawab untuak bidang kalautan jo parikanan.
Salah satu prioritas utamo Komisioner Sinkevičius pado maso jabatannyo adolah untuak mangawasi prioritas program lingkuangan iduik, kalautan, jo parikanan subagai bagian dari European Green Deal; mampasiapan Strategi Kabaragaman Hayati (Biodiversity Strategy) manjalang tahun 2030; jo mamarangi panangkapan ikan nan ilegal di parairan Uni Eropa.[13]
Daftar komisioner
suntiang| Namo | Nagara asal | Maso jabatan | Komisi | |
|---|---|---|---|---|
| 1 | Carlo Ripa di Meana |  Italy
|
1990–1992 | Komisi Delors |
| 2 | Karel Van Miert |  Belgium
|
1992–1993 | Komisi Delors |
| 3 | Ioannis Paleokrassas |  Greece
|
1993–1995 | Komisi Delors |
| 4 | Ritt Bjerregaard |  Denmark
|
1995–1999 | Komisi Santer |
| 5 | Margot Wallström |  Sweden
|
1999–2004 | Komisi Prodi |
| 6 | Stavros Dimas | Greece
|
2004–2010 | Komisi Barroso |
| 7 | Janez Potočnik |  Slovenia
|
2010–2014 | Komisi Barroso |
| 8 | Karmenu Vella |  Malta
|
2014–2019 | Komisi Juncker |
| 9 | Virginijus Sinkevičius |  Lithuania
|
2019- | Komisi Von der Leyen |
Rujuakan
suntiang- ↑ "Welcome". ec.europa.eu. Komisioner Lingkuangan Uni Eropa. Diakses tanggal 12 Mai 2020.
- ↑ "Directorate-General for Environment". ec.europa.eu. Komisioner Lingkuangan Eropa. Diakses tanggal 12 Mai 2020.
- ↑ "Organizational Chart of DG Environment" (PDF). ec.europa.eu. Komisioner Lingkuangan Eropa. 16 April 2020. Diakses tanggal 12 Mai 2020.
- ↑ Cini, M. (2003). "Actors and Institutions in Environmental Governance", in A. Weale et al. Environmental Governance in Europe, OUP, Oxford. p88.
- ↑ "High level spats in Buenos Aires over future global climate policies". Euractiv. 17 Desember 2004. Diakses tanggal 15 Mai 2020.
- ↑ "Commissioner risks row over car". news.bbc.co.uk. BBC News UK. 1 Februari 2007. Diakses tanggal 15 Mai 2020.
- ↑ "Hearing: Karmenu Vella". European Parliament. Diarsipkan dari versi asli tanggal 2015-05-04. Diakses tanggal 1 Juni 2020.
- ↑ "Introductory Statement Of Commissioner Designate" (PDF). European Parliament. 29 September 2014. Diakses tanggal 1 Juni 2020.
- ↑ "Komisioner Uni Eropa Karmenu Vella kunjungi Indonesia untuk memperkuat kerjasama lingkungan hidup, perubahan iklim dan ekonomi kelautan berkelanjutan". eeas.europa.eu. European Union External Action. 21 Februari 2017. Diakses tanggal 15 Mai 2020.
- ↑ "Atasi Sampah, PUPR Jalin Kerjasama dengan Uni Eropa". fin.co.id. Fajar Indonesia. 29 Oktober 2018. Diarsipkan dari versi asli tanggal 2019-12-06. Diakses tanggal 15 Mai 2020.
- ↑ Hardoko, Ervan (25 April 2017). "Menteri Susi Kunjungi Belgia, WNI Antusias Bertemu". kompas.com. Kompas. Diakses tanggal 15 Mai 2020.
- ↑ Jakučionis, Saulius (22 Agustus 2019). "Lithuanian parliament approves nomination of Economy Minister Sinkevičius to European Commission". LRT English. Diakses tanggal 12 Mai 2020.
- ↑ "Commissioner (2019-2024) - Virginijus Sinkevičius - Environment, Oceans and Fisheries". European Commission. Diakses tanggal 12 Mai 2020.