Wikipedia

Kobe Bryant

Kobe Bean Bryant (/ˈkoʊbiː/ koh-bee; lahia di Philadelphia, Pennsylvania, Amerika Serikat pado tanggal 23 Agustus 1978, maningga di Calabasas, California, Amerika Serikat, pado tanggal 26 Januari 2020 di umuar 41 taun) adolah saurang pamain basket profesional Amerika Serikat. Bamain di posisi shooting guard, Bryant labiah banyak bamain untuak Los Angeles Lakers di National Basketball Association (NBA). Bryant pernah mamanangan limo gala juara NBA. Baliau tapiliah manjadi All-Star sabanyak 18 kali, anggota All-NBA Team sabanyak 15 kali, anggota All-Defensive team sabanyak 12 kali, mandapek gala NBA's Most Valuable Player (MVP) pado taun 2008, jo duo kali manang panghargoan NBA Finals MVP. Baliau mancetak skor paliang banyak di NBA salamo duo musim, mandapek paringkek ka ampek daftar pancetak skor musim reguler paliang banyak sapanjang maso jo paringkek ka ampek di daftar pancetak skor playoff paliang banyak.[1][2][3][4]

Kobe Bryant
Bryant basamo Lakers pada tahun 2015
Informasi pribadi
Lahia23 Agustus 1978
Philadelphia, Pennsylvania
Maningga26 Januari 2020 (umua 41)
Calabasas, California
KabangsaanAmerika Serikat
Tinggi6 ft 6 in (1.98 m)6 kaki 4 inci (1.93 m)
Barek212 lb (96 kg)
Informasi karier
Sakolah manangah atehLower Merion
(Ardmore, Pennsylvania)
Draf NBA1996 / Babak: 1 / Urutan pamilihan: 13th sacaro manyaluruah
Dipiliah dek Charlotte Hornets
Karier bamain1996–2016
PosisiShooting guard
Nomor8, 24
Riwayaik karir
1996–2016Los Angeles Lakers
Prestasi jo pancapaian karier
Statistik karier
Poin33,643 (25.0 ppg)
Rebound7,047 (5.2 rpg)
Assist6,306 (4.7 apg)
Statistik pemain di Basketball-Reference.com
Medali
Bola basket putra

 Amerika Serikat

Kahidupan Awal

suntiang

Bryant marupoan anak bungsu dari tigo urang sbasudaro, urang tuonyo banamo Joe Bryant jo Pamela Cox Bryant. Namo Bryant diagiah dek urang tuonyo dek mancaliak dagiang dari Japang, Kobe. Namo tangahnyo, Bean barasa dari namo lain ayahnyo "Jellybean". Bryant tumbuah sabagai saurang Katolik Roma.[5]

Bryant mulai bamain basket katiko baumua 3 taun, nan wakatu tu mangidolaan tim Lakers. Baliau mulai mandapek parhatian nasional katiko pamainan basketnyo samaso SMA di Lower Merion High School, Ardmore, Lower Merion, Philadelphia. Di akhia maso SMA nyo, baliau mancetak angko tabanyak di Pennsylvania bagian Barat Daya jo 2.883 poin, malampaui Wilt Chamberlain jo Lionel Simmons. Katiko baru masuak kuliah, baliau bamain basket untuak paguruan tingginyo, Lower Merion. Baliau mandapekan rato-rato 31.1 poin, 10.4 rebound, jo 5.2 asssist sarato diagiah julukan Pemain Pennsylvania tahun ko. Di kamp Adidas ABCD, baliau mandapek MVP senior taun 1995, sambia bamain jo Lamar Odom. Baliau pernah lo manarimo panghargoan sabagai Pamain SMA Naismith terbaik, Pemain Basket Pria Terbaik versi Gatorade, McDonald's All-American, jo tim patamo All-USA versi USA Today.[6] Katiko baliau baumua 17 tahun, baliau maambiak pilihan untuak bamain di NBA nan wakatu tu masih manjadi murid SMA.[7][8]

Karier Profesional

suntiang

Bryant mamulai debutnyo di Summer Pro League, Long Beach, California, nan mancetak 36 poin di final, rato-rato 24.5 poin, jo 5.3 rebound dalam 4 patandiangan. Baliau mamulai rookie dari bangku cadangan di balakang Eddie Jones jo Nick Van Exel pado taun 1996-1997. Ketika All-Star Weekend pado taun 1997, baliau mamanangan Slam Dunk Contest, manjadi juara Dunk paliang mudo di umua 18 taun.[9][10]

Di musim kaduonyo bamain basket, baliau mandapek rato-rato 15.4 poin per patandiangan.[11] Baliau tapiliah pulo manajdi juara kaduo di NBA's Sixth Man of the Year, jo starter NBA All-Star paliang mudo dalam sijarah NBA. Pado tahun 1999, baliau manjadi pamain cadangan salamo 6 minggu dek cedera di tangannyo katiko malawan Washington Wizards. Sacaro statistik, pado musim 2000-2001, baliau mancetak rato-rato 6 poin labiah banyak per patandiangan (28.5).[12]

Pada tahun 2001-2002, baliau bamain sabanyak 80 patandiangan untuak patamo kalinyo. Di patandiangan salanjuiknyo baliau bamain di sadolah ronde jo mandapek rato-rato 25.2 poin, jo 5.5 rebound, sarato 5.5 assist per patandaingan. Pado umua 23 taun, baliau manjadi pamain mudo nan manang di tigo kajuaraan.[13][14]

Karier di Tim Nasional

suntiang

Bryant manulak bamain di Olimpiade 2000 dek karano nio manikah di akhia musimnyo. Baliau indak pulo bamain di FIBA World Championship pado taun 2002. Pado awalnyo baliau dipilih untuak bamain di FIBA Americas Championship 2003, tapi baliau mundur dek harus manjalani operasi bahu jo lutuiknyo.[15]

Karir basket baliau barakhia di taun 2007. Baliau dijadian anggota Timnas AS Pria 2007 jo Tim AS FIBA Americas Championship nan finis 10-0, baliau mamanangan ameh jo masuak ka Tim AS Pria di Olimpiade 2008. Pado bulan Juni 2008, baliau masuak ka Timnas AS Pria untuk Olimpiade Musim Panas 2008.[16] Baliau mancetak 20 poin, tamasuak 13 di quarter kaampek, tamasuak 6 assist katiko Tim AS manang 118-107 malawan Spanyol pado 24 Agustus 2008. Baliau masuak ka olimpiade baliak di Olimpiade Musim Panas 2012. Baliau pensiun sasudah mandapekan ameh sasudah tu.[17]

Rujuakan

suntiang
  1. ↑ Dec 25, rewlynch; ET, 2017 at 11:35a. "Ranking the 25 greatest players in NBA history". FOX Sports (dalam bahasa Inggris). Diakses tanggal 2020-12-25. 
  2. ↑ "CBS Sports' 50 greatest NBA players of all time: Where do LeBron, Curry rank?". CBSSports.com (dalam bahasa Inggris). Diakses tanggal 2020-12-25. 
  3. ↑ "All-Time #NBArank: The greatest players ever". ESPN.com (dalam bahasa Inggris). 2016-01-14. Diakses tanggal 2020-12-25. 
  4. ↑ McCallum, Jack. "SI's 50 greatest players in NBA history". Sports Illustrated (dalam bahasa Inggris). Diakses tanggal 2020-12-25. 
  5. ↑ Klosterman, Chuck. "Kobe Bryant Will Always Be an All-Star of Talking". GQ (dalam bahasa Inggris). Diakses tanggal 2020-12-25. 
  6. ↑ "JockBio: Kobe Bryant Biography". www.jockbio.com. Diakses tanggal 2020-12-25. 
  7. ↑ "1996 High School Basketball Awards - RealGM". basketball.realgm.com. Diakses tanggal 2020-12-25. 
  8. ↑ "Before they were stars: Kobe Bryant". ESPN.com (dalam bahasa Inggris). 2010-06-01. Diakses tanggal 2020-12-25. 
  9. ↑ "The Youngest NBA Basketball Player Records - Allstar Andrew Basketball Bryant Bynum Chamberlain James Kobe". web.archive.org. 2010-01-24. Diarsipkan dari versi asli tanggal 2010-01-24. Diakses tanggal 2020-12-25. 
  10. ↑ "Kobe Bryant 1996-97 Game Log". Basketball-Reference.com (dalam bahasa Inggris). Diarsipkan dari versi asli tanggal 2021-01-26. Diakses tanggal 2020-12-25. 
  11. ↑ "Live Scores". Diakses tanggal 2023-03-25. 
  12. ↑ "NBA.com: Kobe Bryant". web.archive.org. 2011-06-28. Archived from the original on 2011-06-28. Diakses tanggal 2020-12-25. 
  13. ↑ "Memphis Grizzlies at Los Angeles Lakers Box Score, January 14, 2002". Basketball-Reference.com (dalam bahasa Inggris). Diarsipkan dari versi asli tanggal 2021-01-11. Diakses tanggal 2020-12-25. 
  14. ↑ "USATODAY.com - Bryant's heroics, deference pay off for Lakers". usatoday30.usatoday.com. Diakses tanggal 2020-12-25. 
  15. ↑ "Vince Carter on Olympic Qualifying Team". www.insidehoops.com. Diakses tanggal 2020-12-25. 
  16. ↑ "James, Bryant to lead US team". ESPN.com. Diakses tanggal 2020-12-25. 
  17. ↑ "Kobe Bryant and USA Basketball - Whatever It Takes". www.sportingnews.com (dalam bahasa Inggris). Diakses tanggal 2020-12-25. 
Diambiak dari "https://min.wikipedia.org/w/index.php?title=Kobe_Bryant&oldid=2505400"