Klindamisin
| Artikel ko maagiah informasi dasa tantang topik kasihatan. Informasi dalam artikel ko buliah digunoan anyo untuak panjalehan ilmiah, bukan untuak diagnosis diri dan indak dapek manggantian diagnosis medis. Paratian: Informasi dalam artikel ko bukanlah resep atau nasihaik medis. Wikipedia bukan pangganti dotor. Kok Sanak paralu bantuan atau ka barubek bakonsultasilah jo tanago kasihatan profesional. |
Klindamisin adolah sajinih ubek antibiotik turunan dari eritromisin nan masuak dalam golongan makrolida.[1] Antibiotik ko dipakai untuak malawan infeksi barek nan disababkan dek bakteri anaerob atau pun bakteri aerob sarupo streptokokus, stafilokokus, pneumokokus, sarato protozoa. Panyakik-panyakik nan biasonyo diubek jo ubek ko antaro lain infeksi tulang, infeksi sandi,[2] infeksi paradangan panggua (pelvic inflamatory disease), radang tabuang angok (faringitis), infeksi talingo tangah, radang paru (pneumonia), inggo masalah kulik sarupo jirawek (akne). Klindamisin dapek pulo dijadikan ubek panagah muncua (profilaksis) panyakik radang jantuang (endokarditis) ataupun pangganti ubek penisilin pado urang nan alergi jo penisilin.[3] Klindamisin tasadio dalam bantuak ubek minum kapsul (oral), suntik (intravena), jo oles (topikal) pado pamukaan kulik.[4]
 | |
 | |
| Data klinis | |
|---|---|
| Palafalan | /klɪndəˈmaɪsᵻn/ |
| Namo dagang | Cleocin, Clinacin, Dalacin, lainnyo |
| Namo lain | 7-chloro-lincomycin 7-chloro-7-deoxylincomycin |
| AHFS/Drugs.com | Monograph |
| MedlinePlus | a682399 |
| Lisensi data |
|
| Kategori pado kahamilan | |
| Rute masuak ubek | oral, topikal (pamakaian lua), suntik (IV atau IM), intravaginal |
| Kelas ubek | Makrolida |
| Kode ATC | |
| Status legal | |
| Status legal | |
| Farmakokinetik data | |
| Bioavailabilitas | 90% (muluik) 4–5% (topikal) |
| Ikatan protein | 95% |
| Metabolisme | Hepar |
| Eliminasi wakatu paruah | 2–3 jam |
| Ekskresi | Saluran ampadu jo ginjal (kiro-kiro 20%) |
| Pangenal | |
methyl 7-chloro-6,7,8-trideoxy-6-{[(4R)-1-methyl-4-propyl-L-prolyl]amino}-1-thio-L-threo-α-D-galacto-octopyranoside
| |
| Nomor CAS | |
| PubChem CID | |
| DrugBank | |
| ChemSpider | |
| UNII | |
| KEGG | |
| ChEBI | |
| ChEMBL | |
| CompTox Dashboard (EPA) | |
| ECHA InfoCard | 100.038.357  |
| Data kimia jo fisika | |
| Formula | C18H33ClN2O5S |
| Molar mass | 424.98 g/mol g·mol−1 |
| 3D model (JSmol) | |
Cl[C@@H](C)[C@@H](NC(=O)[C@H]1N(C)C[C@H](CCC)C1)[C@H]2O[C@H](SC)[C@H](O)[C@@H](O)[C@H]2O | |
InChI=1S/C18H33ClN2O5S/c1-5-6-10-7-11(21(3)8-10)17(25)20-12(9(2)19)16-14(23)13(22)15(24)18(26-16)27-4/h9-16,18,22-24H,5-8H2,1-4H3,(H,20,25)/t9-,10+,11-,12+,13-,14+,15+,16+,18+/m0/s1  Key:KDLRVYVGXIQJDK-AWPVFWJPSA-N | |
 (what is this?) (verify) | |
Indikasi suntiang
Klindamisin dipakai pado pasien nan tainfeksi bakteri Staphylococcus aureus, Streptococcus viridans, Streptococcus pneumoniae, Streptococcus pyogenes, jo Actinomyces israelli. Salain itu, klindamisin aktif pulo untuak manyarang bakteri Bacteriodes fragilis sarato anaerobik lainnyo. Walau baitu, klindamisin tatap dipatimbangkan hanyo untuak infeksi barek atau sangaik barek dek ado efek sampiang kolitis pseudomembranosa nan marupokan infeksi bakteri lain.[5]
Salain dapek dipakai untuak malawan bakteri, klindamisin dapek dipakai pulo untuak malawan parasit protozoa, sarupo Plasmodium fasiparum. Parasit ko marupokan panyabab malaria. Klindamisin diagiah dalam bantuan kombinasi jo klorokuin atau kuinin nan ekfektif gunonyo untuak pasien anak. Dalam bantuak kombinasi jo kuinin, manjadi piliahan untuak padusi nan manganduang utamonyo di daerah nan alah resisten jo klorokuin.[6][7] Walau baitu, alah ado Plasmodium falciparum nan resisten jo klindamisin bak cando nan ditaliti di urang Amazon Peru.[8]
Efek sampiang suntiang
Efek sampiang umum nan muncua dek klindamisin antaro lain mual, muntah, ruam sirah, raso indak nyaman di paruik, jo gangguan ginjal.[3] Diare dilaporkan tajadi pado 2-22% pamakai ubek ko. Bisa pulo tajadi kaluahan kolitis pseudomembranosa nan ditandoi jo damam, padiah di paruik, diare badarah, jo adonyo lendir pado feses. Gejala-gejala ko dapek muncua salamo terapi jo ubek ko atau bapakan-pakan sasudah terapi. Kok dipareso jo manaropong ka dalam paruik (prostoskopi) ka tampak adonyo lapisan-lapisan (membran) putiah kakuniangan pado pamukaan usus gadang (kolon). Kaluhan kolitis dilaporkan muncua pado 0,1--10% pasien. Hal iko disababkan dek toksin nan dihasiakan dek bakteri Clostridium difficile. Bakteri ko sabananyo bukan bakteri nan biaso ado di usus (flora normal). Panyakik ko disabuik juo sabagai kolitis psudeomembranosa tarasosiasi jo antibiotik (antibiotic-associated pseudomembranosa colitis) dek biaso muncua pado pasien nan kabanyakan diagiah antibiotik, khususnyo klindamisin. Ubek musti diantian pamakaiannyo kok gejala diare atau kolitis tu lah muncua dan dapek diganti jo ubek lain, sarupo vankomisin atau metronidazol.[5]
Sediaan suntiang
Klindamisin tasadio dalam bantuak ubek minum, ubek suntik, jo ubek pamakaian lua. Ubek minum klindamisin tasadio dalam bantuak kapsul jo dosis 75, 150, jo 300 mg. Pado anak-anak ubek tasadio dalam bantuak suspensi (larutan) minum 75mg/5mL. Namun, anak-anak kurang katuju dek baunnyo. Pado pamakaian suntik, baiak untuak suntikan vena (intravena) atau suntikan otot (intramuskular), dipakai bantuak larutan klindamisin fosfat 150mg/mL dalam ampul 2 jo 4 mL. Untuak pamakaian lua, tasadio dalam bantuak gel, lotion,foam, jo krim.[9][4][10]
Interaksi suntiang
Interaksi jo ubek lain dapek babeda-beda. Pado interaksi jo eritromisin (makrolida lainnyo) atau kloramfenikol dapek mamunculan efek antagonis dek caro karajo nan samo. Samantaro jo golongan ubek paambek saraf otot (neuromuscular blocking drugs) sarupo vekuronium, dapek mampalamo maso karajo ubeknyo.[3][11]
Caro karajo suntiang
Klindamisin marupokan ubek bakteriostatik, bakarajo jo maambek pambuatan (sintesis) protein bakteri pado tingkek ribosom 50S sainggo pakambangbiakan bakteri dapek taranti. Klindamisin juo dapek manjadi bakterisidal (mambunuah bakteri) bagantuang pado konsentrasi ubek, bakteri, sarato lokasi infeksi.[9]
Rute masuak ubek klindimisin nan babeda juo mahasiakan daya serap tubuah nan babeda. Pado rute oral (muluik), ubek ampia dapek taserap panuah. Ubek ko pun indak tapangaruah jo makanan dalam lambuang. Kadar puncak ubek ko tacapai dalam wakatu 1 jam jo rute oral, sadangkan jo rute suntik (intramuskular) dicapai dalam satu inggo tigo jam. Samantaro untuak wakatu paruah dapek mancapai 2-3 jam dan samakin panjang pado pandarito gangguan ginjal atau hepar.[5][9]
Klindamisin dapek taseba laweh ka babagai cairan tubuah, tulang, jo jaringan. Namun, indak dapek masuak sampai ka cairan serebrospinal (cerebrospinal fluid), di utak atau sumsum tulang balakang, walaupun sadang tajadi infeksi selaput utak (meningitis). Di dalam tubuah, 90% klindamisin ka tarikek jo protein albumin sainggo basamo aliran darah dapek pulo malalui sawar plasenta antaro mandeh jo janin pado padusi nan manganduang.[5]
Klindamisin maalami metabolime di hepar sainggo pandarito gangguan hepar musti labiah baelok-elok dalam pamakaiannyo.[3] Kudian klindamisin dikaluakan dari tubuah sabagian gadang malaui urin jo saketek nan malalui ampadu. Hanyo 10% klindamisin nan tabuang dari tubuah.[5]
Rujuakan suntiang
- ↑ BPOM Makrolida.
- ↑ Smieja, Marek. Current indications for the use of clindamycin: A critical review. Pulsus Group Inc. OCLC 804434375. http://worldcat.org/oclc/804434375.
- ↑ a b c d BPOM Klindamisin.
- ↑ a b Swari.
- ↑ a b c d e FK UI, hlm. 727.
- ↑ Lell B, Kremsner PG (2002). "Clindamycin as an Antimalarial Drug: Review of Clinical Trials" (PDF). Antimicrobial Agents and Chemotherapy. 46 (8): 2315–20. doi:10.1128/AAC.46.8.2315-2320.2002. ISSN 0066-4804. PMC 127356
. PMID 12121898. Diarsipkan dari versi asli (PDF) tanggal 2011-09-29.
- ↑ Griffith KS, Lewis LS, Mali S, Parise ME (2007). "Treatment of malaria in the United States: a systematic review". JAMA. 297 (20): 2264–77. doi:10.1001/jama.297.20.2264. PMID 17519416.
- ↑ Dharia NV, Plouffe D, Bopp SE, González-Páez GE, Lucas C, Salas C, Soberon V, Bursulaya B, Kochel TJ, Bacon DJ, Winzeler EA (2010). "Genome scanning of Amazonian Plasmodium falciparum shows subtelomeric instability and clindamycin-resistant parasites". Genome Research. 20 (11): 1534–44. doi:10.1101/gr.105163.110. PMC 2963817 . PMID 20829224.
- ↑ a b c "Cleocin, Clindesse (clindamycin) dosing, indications, interactions, adverse effects, and more". reference.medscape.com. Diakses tanggal 2019-12-09.
- ↑ LiverTox: Clinical and Research Information on Drug-Induced Liver Injury [Internet]. Bethesda (MD): National Institute of Diabetes and Digestive and Kidney Diseases; 2012-. Clindamycin. [Updated 2017 Oct 12].
- ↑ al Ahdal O, Bevan DR (1995). "Clindamycin-induced neuromuscular blockade". Can J Anaesth. 42 (7): 614–7. doi:10.1007/BF03011880. PMID 7553999.
Daftar pustaka suntiang
- BPOM. "5.1.5 Makrolida". Pusat Informasi Obat Nasional. Badan Pengawas Obat dan Makanan Republik Indonesia. Diarsipkan dari versi asli tanggal 2019-12-09. Diakses tanggal 9 Desember 2019.
- BPOM. "Klindamisin". Pusat Informasi Obat Nasional. Badan Pengawasan Obat dan Makanan Republik Indonesia. Diarsipkan dari versi asli tanggal 2019-12-09. Diakses tanggal 9 Desember 2019.
- Swari, Risky Candra (10 Agustus 2018). "Clindamycin obat apa?". Hello Sehat. Hello Health Group Pte. Ltd. Diakses tanggal 9 Desember 2019.
- FK UI (2009). Farmakologi dan Terapi Edisi 5. Jakarta: Balai Penerbit FKUI. ISBN 9789791610407.