Ki Hadjar Hardjo Oetomo
Ki Hadjar Hardjo Oetomo (lahia di Winongo, Kota Madiun, Jawa Timur, 1883 - maningga pado 13 April 1952 di umua 69 tahun) marupoan saurang Pahlawan Perintis Kemerdekaan RI dari Madiun, Jawa Timur. Katiko bajuang dalam perintisan kemerdekaan RI, baliau bagabuang jo Organisasi Boedi Oetomo, Syarekat Islam, sarato Taman Siswa. Salain bagabuang jo organisasi tu, Ki Hadjar Hardjo Oetomo mandirian organisasi pencak silek SH Pemuda Sport Club (SH-PSC) nan kudian manjadi Persaudaraan Setia Hati Terate.[1] Organisasi nan dibantuak tu manoolong masyarakaik untuak lapeh dari panindasan 'lintah darek', baliau mandirian pulo pakumpulan Harta Djaja sarupo koperasi kini ko.[2][3][4]
Ki Hadjar Hardjo Oetomo | |
|---|---|
 Ki Hadjar Hardjo Oetomo | |
| Lahia | 1883 |
| Maningga | 13 April 1952 |
| Karojo | Guru, Leerling Reambate (sekarang Pegawai PJKA) |
| Anak | Harsono |
Riwayaik hidup
suntiangKi Hadjar Hardjo Oetomo lahia di daerah Winongo, Kota Madiun pado tahun 1883. Maso keteknyo diabihan di daerah tu sampai remaja. Sabalun mandirian SH PSC, Ki Hadjar Hardjo Oetomo magang sabagai guru di SD Banteng Madiun. Indak lamo jadi guru, baliau karajo di Leerling Reambate di SS (PJKA) Bondowoso, Panarukan jo Tapen. Pado tahun 1906, baliau kalua dari PJKA jo bakarajo sabagai Mantri Pasar Spoor Madiun di Mlilir jo jabatan tarakhianyo sabagai Ajudan Opsioner Pasar Mlilir, Dolopo, Uberanjo Pagotan (wilayah selatan Madiun). Pado tahun 1916, baliau karajo di pabrik gulo Redjo Agung Madiun. Pado tahun barikuiknyo 1917, baliau masuak majadi saudara SH jo dikecer langsuang dek Ki Ngabei Soerodiwirjo, pandiri Persaudaran Setia Hati. Pado tahun iko lah baliau bakarajo di stasiun kereta api Madiun hinggo manjabaik Hoof Komisaris. Pado tahun 1922, untuak bajuang malawan panjajahan Pamarintah Balando, Ki Hadjar Hardjo Oetomo bagabuang jo organisasi Syarekat Islam (SI) sarato Boedi Oetomo. Untuak malatiah pemuda nan tagabuang dalam Syarekat Islam maupun Boedi Oetomo, tahun itu pulo baliau mandirian Setia Hati Pencak Sport Club di Desa Pilangbango, Madiun, nan kudian bakambang manjadi Persaudaraan Setia Hati Terate sampai ka daerah Nganjuk, Kertosono, Jombang, Ngantang, Lamongan, Solo, sarato Yogyakarta. Pado tahun 1925, baliau ditangkok dek Pamarintah Balando jo dipanjaro di Cipinang, salanjuiknyo dipindahan ka Padang, Sumatra Barat salamo 15 tahun. SH PSC dibubaran Balando dek karado tadapek namo "pencak". Sasudah pulang dari maso tahanan, baliau maiduikan baliak SH PSC jo manyuaian kaadaan, kato "pencak" pado SH PSC diubah manjadi "pemuda". Kato "pemuda" semato-mato hanyo untuak mangalabui Balando supayo indak dibubaran baliak. Batahan sampai tahun 1942 basamo jo tibonyo Japang ka Indonesia.[5]
Ki Hadjar Hardjo Oetomo maningga pado tanggal 13 April 1952 jo dimakaman di TPU Desa Pilangbango, Kota Madiun, Jawa Timur.
Organisasi
suntiangOrganisasi nan pernah diikuikan dek baliau diantaronyo:
- Boedi Oetomo
- Syarekat Islam
- Taman Siswa
- Harta Djaja
- Persaudaraan Setia Hati Terate
Panghargoan
suntiangDek jaso-jasanyo dalam pajuangan malawan Balando pado maso kamardekaan, Pamarintah Republik Indonesia maagiahan gala jo panghargoan sabagai Pahlawan Perintis Kemerdekaan RI pada tahun 1952.
Rujuakan
suntiang- ↑ Ki Hajar Harjo Utomo (2021-07-17). "Ki Hajar Harjo Utomo Pendiri PSHT". Ilmu Setia Hati Official (dalam bahasa Indonesia). Diarsipkan dari versi asli tanggal 2023-03-16. Diakses tanggal 2023-03-16.
- ↑ "Sejarah SH Terate" Archived 2023-04-02 di Wayback Machine. website shterate.com
- ↑ "Biodata Ki Hajar Harjo Oetomo" website shterate.com
- ↑ "Pencak Silat Persaudaraan Setia Hati Terate" website silatindonesia.com
- ↑ "Habibi,Amran,Sejarah Pencak Silat Indonesia ( Studi Historis Perkembangan Persaudaraan Setia Hati Terate di Madiun oereode tahun 1922 - 2000 ), Skripsi,UIN Sunan Kalijaga, Jogyakarta, 2009, " website digilib.uin-suka.ac.id