Kapulauan Galapagos
Kapulauan Galapagos (namo rasmi Spanyol: Archipiélago de Colón, namo lainnyo: Islas Galápagos, Lafal Spanyol: [ˈislas gaˈlapaɣos]) adolah ciek kapulauan vulkanik nan dilintasi garih khatulistiwa di Lautan Pasifik, lataknyo 906 km (563 mi) sabalah barat daratan nagara Ekuador, nan mano kapulauan tu tamasuak wilayah nagara ko.
| Geografi | |
|---|---|
| Lokasi | Lautan Pasifik |
| Koordinat | 0°40′S 90°33′W / 0.667°S 90.550°WKoordinat: 0°40′S 90°33′W / 0.667°S 90.550°W |
| Total pulau | 19 |
| Pulau gadang | 18 |
| Area | 8.010 km2 (3.093 sq mi) |
| Elevasi tatinggi | 1.707 m (5.600 ft) |
| Titiak tatinggi | Volcán Wolf |
| Nagara | |
| Provinsi | Galápagos |
| Ibu kota | Puerto Baquerizo Moreno |
| Demografi | |
| Populasi | 26,640 (per 2012) |
| Kapadatan | 3 /km2 (8 /sq mi) |
| Informasi tambahan | |
| Namo rasmi: Galápagos Islands | |
| Jinih: | Natural |
| Kriteria: | vii, viii, ix, x |
| Ditatapkan: | 1978 (sesi ke-2) |
| No. Referensi | 1 |
| Region: | Amerika Latin dan Karibia |
| Ektensi: | 2001 dan 2003 |
| Taancam: | 2007–2010 |
Laweh Kapulauan Galapagos jo parairan sakitanyo mancakuik Provinsi Galápagos dari Ekuador, Taman Nasional Galápagos, dan Suaka Parikanan Galápagos. Bahaso utamo panduduaknyo adolah bahaso Spanyol. Jumalah panduduak kapulauan ko labiah saketek dari 25.000 jiwa.[1]
Kapulauan ko cukuik tamusaua jo baragam-ragam spesies endemik nan tadapek di siko, nan ditaliti dek Charles Darwin salamo palaiaran jo kapa HMS Beagle. Babagai asia pangamatan jo koleksi nan dikumpuaannyo bakontribusi taadok laianyo teori Darwin tantang evolusi malalui seleksi alam.
Kunjuangan patamo nan tacatat ka kapulauan ko adolah pado 1535, iyolah dek Uskup Panama Fray Tomás de Berlanga nan sadang balaia manuju ka Peru, namun kapanyo dilando badai inggo taampeh ka kapulauan ko. Republik Ekuador nan baru tagak badiri maambiak alaiah kapulauan ko dari kakuasoan Spanyol pado 1832, dan sataruihnyo maagiah namo-namo rasminyo dalam bahaso Spanyol.[2]
Latak geografis suntiang
Kapulauan ko talatak pado Lautan Pasifik timur, 973 km (605 mi) salapeh pasisia Amerika Selatan. Daratan tadakek adolah Ekuador, nan kapulauan ko masuak wilayah admisitratifnyo, iyolah tapeknyo 926 km/500 nmi di sabalah timua.
_-Espanola_-Punta_Suarez3.jpg)
Kapulauan ko taseba antaro koordinat 1°40'N–1°36'S, dan 89°16'–92°01'W. Malintasi garih katulistiwa, pulau-pulau nan ado tadapek baiak di balahan bumi utara maupun selatan, di mano Volcán Wolf dan Volcán Ecuador adolah gunuang barapi di Pulau Isabela tapek barado di garih katulistiwa. Pulau Española nan adolah pulau ketek nan lataknyo paliang selatan, sarato Pulau Darwin nan lataknyo paliang utara, tapisah dek jarak 220 km (137 mi). Namun, International Hydrographic Organization (IHO) maanggok sadonyo kapulauan ko tamasuak dalam wilayah Lautan Pasifik Salatan.[3] Kapulauan Galapagos maluputi daratan salaweh 7,880 km2 (3,040 sq mi) nan taseba di wilayah lauik salaweh 45,000 km2 (17,000 sq mi). Pulau tagadang adolah Pulau Isabela, nan baukuran 2,250 sq mi/5.827 km2[4] iyolah ampia tigo per ampek total laweh daratan Galapagos. Volcán Wolf di Pulau Isabela adolah titiak tatinggi, nan mancapai 1.707 m (5.600 kaki) di ateh pamukoan lauik.
Iklim suntiang
| Lokasi | Stasiun Charles Darwin |
Pataranakan Devine |
Media Luna |
|---|---|---|---|
| Katinggian | 6 m | 320 m | 620 m |
| Januari | 23.0 mm | 78.0 mm | 172.6 mm |
| Februari | 16.8 mm | 155.2 mm | 117.0 mm |
| Maret | 249.0 mm | 920.8 mm | 666.7 mm |
| April | 68.5 mm | 79.5 mm | 166.4 mm |
| Mei | 31.4 mm | 214.6 mm | 309.8 mm |
| Juni | 16.8 mm | 147.3 mm | 271.8 mm |
| Juli | 12.0 mm | 42.2 mm | 135.6 mm |
| Agustus | 3.8 mm | 13.7 mm | 89.5 mm |
| September | 18.5 mm | 90.9 mm | 282.6 mm |
| Oktober | 3.2 mm | 22.6 mm | 96.5 mm |
| November | 11.0 mm | 52.8 mm | 172.7 mm |
| Desember | 15.7 mm | 84.1 mm | 175.3 mm |
| TOTAL | 469.7 mm | 1901.7 mm | 2656.4 mm |
Rujuakan suntiang
- ↑ "Censo 2010". Instituto Nacional de Estadística y Censos. 2010. Diakses tanggal 13 Desember 2011.
- ↑ Discovery, Darwin and Evolution
- ↑ "Limits of Oceans and Seas, 3rd edition" (PDF). International Hydrographic Organization. 1953. Diarsipkan dari versi asli (PDF) tanggal 8 October 2011. Diakses tanggal 7 February 2010.
- ↑ "Galápagos Islands." The Columbia Encyclopedia. New York: Columbia University Press, 2015