Kacang Tojin adolah makanan ringan khas dari Sumatera Barat, Indonesia. Kacang Tojin marupokan juo makanan untuak dikulek-kulek yang biasonyo basobok di wakatu hari rayo atau hari-hari gadang lainnyo di Minangkabau. Bahan utamonyo kacang tanah jo bumbu-bumbu nan lain taka bawang goreng jo nan lainnyo. Makanan iko dibuek jo caro nan indak payah, caro nan partamo kacang di abuih jo bumbu nan alah di masuak an ka panci untuak, kalau sadolah bumbu alah marasok ka kacang barulah kacang digoreng jo minyak angek, kacang tojin biasonyo lamo tahan kalau di masuak an ka boto kue tu di tutuik rapek-rapek buliah indak masuak angin.

Kacang Tojin marupokan makanan khas satiok hari rayo di Minangkabau.

Kacang Tojin sampai kini masih acok basobok di hari rayo idul fitri di Padang, karano kacang tojin mungkin di anggap makanan yang wajib atau kue rayo yang harus ado satiok hari rayo tibo. Di lua padang taka di pulau Jawa biasonyo kacang tojin ko disabuik kacang bawang, dima-dima makanan kacang tojin ko dikenal urang banyak indak hanyo di Sumatera Barat sajo. Tapi di lua Sumatera Barat kacang tojin ko samo-samo makanan ketek untuak acara-acara hari rayo atau hari gadang juo.

Bahan suntiang

Kacang tojin adolah makanan nan indak manganduang banyak bumbu, untuak mambuek kacang tojin, asiangan kacang tanah yang alah siap dibarasiahan, minyak goreang, salain kacang jo minyak goreng asiangan juo bumbu masak yang lain, taka bawang putiah giliang 1 sendok makan, bawang putiah irih, santan, daun limau, garam 1/2 sendok makan,daun saledri, penyedap raso, aia putiah sacukuiknyo.

Caro mamasak suntiang

Proses mamasak kacang tojin cukuik mudah, proses partamo angek an aia putiah dulu sambia dimasuak an bawang putiah giliang ka dalam aia yang sadang diabuih sambia dikacau-kacau, sasudah tu masuakan garam jo daun limau aduak taruih sampai manggalagak, kalau alah manggalagak baru masuak an kacang tanah nan alah barasiah tadi ka dalam aia yang alah diabuih tadi, tungguan lo liak sampai manggalagak. Sambia maabuih kacang jan lupo angek an minyak goreang, kalau kacang lah manggalagak angkek kacang ka piriang atau panci, irih daun saledri yang alah diasiangan, masuakan daun saledri yang alah diirih kadalam panci yang ado bawang sudah diabuih tadi, jan lupo masuak penyedap raso bagai, sasudah tu masuak an bawang putiah yang alah diirih ka dalam minyak goreang yang alah diangek an tadi, kalau alah mulai coklat warnanyo angkek dari kuali asiangan diciek tampek, siaptu baru masuak an kacang yang alah dicampua jo bumbu tu ka minyak goreang yang alah diangek an tadi sambia dikacau-kacau sampai warnanyo alah agak kuniang ameh baru di angkek dari kuali, rameh-rameh bawang putiah yang alah salasai bagoreang tadi tu campuan ka kacang yang baru sudah di goreang tadi. Kalau lah sudah sadoalah proses tu kacang tojin alah bisa dimakan jo rasonyo nan gurih.

Rujuakan suntiang

Pautan lua suntiang