Wikipedia

Kabupaten Mesuji

Kabupaten Mesuji (Aksara Lampung: ) adolah salah satu kabupaten di Provinsi Lampung, Indonesia. Mesuji marupoan kabupaten dengan jarak tajauah dari Bandar Lampung, ibu kota Lampung, sarato babatehan langsuang jo Kabupaten Ogan Komering Ilir Provinsi Sumatra Selatan. Wilayah kabupaten Mesuji marupoan Daerah agraris dimano mato pancaharian pokok panduduaknyo barado di sektor pertanian. Hal iko dikaranoan daerah paliang luweh marupoan daerah dataran nan cocok dimanfaatkan untuak pertanian.[5]

Kabupaten Mesuji
Kabupaten di Lampung, Indonesia

Lambang
Semboyan: Bumi Ragab Begawe Caram
 (Minang: Masyarakaik nan bakarajo capek, damai dalam kabasamoan jo gotong royong)
Nagara Indonesia
ProvinsiLampung
Dasa hukumUU RI No. 49 Tahun 2008
Ari jadi26 November 2008
Ibu kotaWiralaga Mulya
Pamarintahan
 • BupatiSaply TH
 • Wakil Bupati-
Laweh
 • Total2.184 km2 (843 sq mi)
Panduduak ((2015)[1])
 • Total196.913 jiwa
Demografi
 • AgamoIslam 95,4%
Kristen 1,95%
–Protestan 1,92%
–Katolik 0,3%
Hindu 2,5%
Buddha 0,1%
Lainnya 0,95%[2]
Zona wakatuWIB (UTC+07:00)
Kode telepon0726
Jumlah kecamatan7
Jumlah desa105
DAURp 448.282.207.000,-(2017)[3]
IPM62,88[4]
Kode Kemendagri18.11 Edit nilai pada Wikidata
Situs webhttp://www.mesujikab.go.id

Sijarah

suntiang

Pra kamardekaan

suntiang

Mesuji adolah daerah nan indak talapeh dari sijarah Provinsi Lampung jo Sumatra Selatan. Mampunyoi pusek karajaan kuno nan barado indak jauah dari kantor pusek pamarintahan Kabupaten Mesuji maso kini yaitunyo di Desa Pasir Intan/Sungai Badak. Pado tahun 1865, Sirah Pulau Padang Kayu Agung Onder Afdeling Kayu Agung malaksanakan pamiliahan pasirah. Pamiliahan iko diadoan dek Pamerintah Hindia Belanda di Kayu Agung.Pamiliahan pasirah sangkek itu diadoan dengan mamiliah antaro duo kakak baradiak yaitu Muhamad Ali bin Pangeran Djugal dan adiaknyo Muhamad Batun bin Pangeran Djugal. Sistem politik adu domba atau Devide et Impera tajadi katiko itu dan yang manjadi sirah adolah Muhamad Batun bin Pangeran Djugal.[6]

Hal iko mandatangkan parasaan indak manyanangkan dek sang kakak, sahinggo baliau hijrah dengan mandatangi daerah baru dengan mangajak pangikuik-pangikuiknyo untuak mambukak daerah baru nan marupoan cikal bakal dari Marga Mesuji Lampung. Sasudah paladangan (ume') nan dilakuan dek Muhamad Ali ini bahasia, yaitunyo dengan namo sonor atau mambaka lahan rawo kamudian ditabu baniah gabah nan mereka dapek dari saudara atau desa daerah asal, namun bukan bibit padi nan balabel sarupo kiniko. Pado tahun 1870, inyo mangajak sanak kaluarga, karabaik sarato kawan-kawannyo untuak pindah ka Sungai Kabung Mesuji. Adopun suku-suku nan ikuik datang ka Sungai Kabung Mesuji, antaro lain:[6]

  1. Suku Sirah Pulau Padang atau disabuik Suku Seri Pulau
  2. Suku Sugi Waras atau disabuik Suku Sugi Waras
  3. Suku Kayu Agung atau disabuik Suku Kayu Agung
  4. Suku Palembang atau disabuik Suku Palembang
  5. Suku Lampung Tulang Bawang, nan taseba di Sungai Sidang jo Talang Batu.

Sasudah babarapa tahun, kampuang tasabuik taruih manunjuakan paningkatan kasijahteraan panduduaknyo, sahinggo pado tanggal 22 Oktober 1886 Pamarintah Hindia Belanda kamudian maagia panghargaan kapado Muhammad Ali, dengan gala Pangeran Mad, dengan simbol barupo payuang obor-obor bawarna putiah. Hal iko manandoan bahwa Pangeran Mad sabagai rajo adat di Mesuji dan mansyahkan warga dari kampung tuo di Mesuji nan barasa dari Sumatra Selatan, Palembang, Seri Pulau Padang, jo Kayu Agung dengan sabutan Marga Mesuji. Panyabaran mereka taruih dilakuan bapencar ka tapian sungai lain nan indak jauah. Tadapaek sambilan kampuang tuo di Mesuji (sejak tahun 1875), yaitu:[6]

  1. Wiralaga (Kampung tatuo)
  2. Sungai Sidang
  3. Sungai Cambai
  4. Sungai Badak
  5. Nipah Kuning
  6. Sri Tanjung
  7. Kagungan Dalam
  8. Talang Batu
  9. Labuhan Batin

Kampuang-kampuang tuo tasabuik barado di pinggia sungai-sungai gadang. Mato pancaharian masyarakaiknyo hanyo mencari ikan jo manabang kayu, bukan hasia budidayo tatapi hasia alam nan dimanfaatkan. Salanjuiknyo hasia usaho dijua ka Jakarta manggunoan kapa kayu nan mereka buek, dengan jarak tampuah duo hari duo malam malewati sungai jo lauik. Alasan labiah mamiliah manggunoan jalur lauik karano pada maso itu alum ado jalan darat manuju Bandar Lampung dan sakitaranyo marupoan hutan nan masih balantaro. Tahun 1930, jumlah Marga Mesuji (inlander/penduduk asli) sakitar 3.586 jiwa sarato warga china (chineezen) bajumlah 8 jiwa.[6]

Maso kamardekaan

suntiang

Pado era pasca kamardekaan daerah Marga Mesuji digabuangkan ka dalam wilayah Kabupaten Lampung Utara hinggo tahun 1997. Sasudah itu sempat masuak sabagai wilayah Kabupaten Tulang Bawang dari tahun 1997-2008. Pado tahun 1982, Program Transmigrasi lokal yaitu papindahan panduduak antar kabupaten dalam satu provinsi, ditampekan di wilayah iko sacaro manyeseba nan kamudian dilanjuikan pulo pado tahun 1985, 1992, dan 1999.[6]

Maso kabupaten Mesuji

suntiang

Kabupaten Mesuji marupoan salah satu Daerah Otonomi Baru (DOB) di Provinsi Lampung, hasia dari pamekaran Kabupaten Tulang Bawang. Mangingek wilayah Kabupaten Tulang Bawang katiko itu sangaik luweh dan lokasi Kabupaten Mesuji (katiko itu masih barupo Kecamatan Mesuji, wilayah Kabupaten Tulang Bawang) nan talampau jauah dari pusek pamarintahan di Menggala. Sasuai jo amanah UU No.49 tahun 2008 tentang Pembentukan Kabupaten Mesuji, ditetapkan bahwa ibu kota Kabupaten Mesuji adolah kecamatan Mesuji, badasarkan hasia musyawarah tokoh-tokoh masyarakaik ditetapkan bahwa ibu kota talatak tapeknyo di Wiralaga Mulya. Namo Wiralaga Mulya diambiak dari panggabuangan duo kampuang di Kecamatan Mesuji yaitunyo Kampung Wiralaga jo Kampung Sidomulyo nan marupoan hasia musyawarah tokoh masyarakaik dan tetuo Mesuji.[7]

Pamarintahan

suntiang

Daftar Bupati

suntiang
 Artikel utamo untuak bagian ko adolah: Daftar Bupati Mesuji

Barikuik iko adolah Daftar Bupati Mesuji dari maso ka maso.[8]

No Bupati Mulai Jabatan Akhir Jabatan Prd. Ket. Wakil Bupati
1
  Drh.
Husodo Hadi
3 April 2009
24 Oktober 2009
1
[Ket. 1][9]
2
  Ruswandi Hasan
24 Oktober 2009
13 Juli 2011
2
[Ket. 2][8]
3
  Albar Hasan Tanjung
13 Juli 2011
13 April 2012
3
[Ket. 3][10]
4
  Khamamik
13 April 2012
13 April 2017
4
[11]
Ismail Ishak (2012-2016)
-
  Qodratul Ikhwan
13 April 2017
22 Mei 2017
4
[Ket. 4][12]
(4)
  Khamamik
22 Mei 2017
28 Januari 2019
5
[13]
Saply TH
5
  Saply TH
28 Januari 2019
4 Februari 2020
[Ket. 5]
4 Februari 2020
Petahana
[14]
Haryati Cendralela (2021-sekarang)
Catatan
  1. ↑ Penjabat Bupati Mesuji
  2. ↑ Penjabat Bupati Mesuji
  3. ↑ Penjabat Bupati Mesuji
  4. ↑ Penjabat Bupati Mesuji
  5. ↑ Pelaksana Tugas Bupati Mesuji

██ Partai NasDem

Dewan Perwakilan

suntiang
 Artikel utamo untuak bagian ko adolah: Dewan Perwakilan Rakyat Daerah Kabupaten Mesuji

Barikuik iko adolah komposisi anggota DPRD Kabupaten Mesuji dalam duo pariode tarakhia.[15][16]

Partai Politik Jumlah Kursi dalam Periode
2014-2019 2019-2024
  PKB 1 ▲ 5
  Gerindra 5 ▼ 4
  PDI Perjuangan 6 ▼ 4
Golkar 4   4
  NasDem 8 ▲ 10
  PKS 2 ▼ 0
  Perindo (baru) 1
  PPP 0 ▲ 1
  PAN 4 ▼ 3
  Hanura 1   1
  Demokrat 4 ▼ 2
Jumlah Anggota 35   35
Jumlah Partai 9 ▲ 10


Kecamatan

suntiang
 Artikel utamo untuak bagian ko adolah: Daftar kecamatan dan kelurahan di Kabupaten Mesuji

Daftar kecamatan di Kabupaten Mesuji adolah sabagai barikuik:Kecamatan Mesuji, Mesuji Timur, Panca Jaya, Rawa Jitu Utara, Simpang Pematang, Tanjung Raya, Way Serdang.[17]

Pariwisata

suntiang

Kabupaten Mesuji ko mampunyoi babarapo tampek wisata, diantaronyo: Area dermaga wisata wiraga, Taman kehati mekar jaya sari, Alun-alun simpang pematang, Qorira garden, Bendungan simpang pematang, Taman nusa indah, Tugu KTM, Monumen tugu petani, Jembatan GSG, Sungai buaya, Bendungan danau asri, Dermaga SP8.[18]

Rujuakan

suntiang
  1. ↑ http://www.bps.go.id/aboutus.php?sp=0&kota=18
  2. ↑ https://sp2010.bps.go.id/index.php/site/tabel?search-tabel=Penduduk+Menurut+Wilayah+dan+Agama+yang+Dianut&tid=321&search-wilayah=Kabupaten+Mesuji&wid=1811000000&lang=id
  3. ↑ "Rincian Alokasi DAU Murni T.A. 2017" (PDF). Diarsipkan dari versi asli (PDF) tanggal 2018-08-26. Diakses tanggal 2021-07-24. 
  4. ↑ "archive copy". Diarsipkan dari versi asli tanggal 2021-04-17. Diakses tanggal 2021-07-24. 
  5. ↑ "Pemerintah Kabupaten Mesuji – Bumi Ragab Begawe Caram" (dalam bahasa Inggris). Diakses tanggal 2021-08-31. 
  6. ↑ a b c d e "Sejarah Mesuji – Pemerintah Kabupaten Mesuji" (dalam bahasa Inggris). Diarsipkan dari versi asli tanggal 2021-08-31. Diakses tanggal 2021-08-31. 
  7. ↑ "archive copy". Diarsipkan dari versi asli tanggal 2017-05-31. Diakses tanggal 2021-07-24. 
  8. ↑ a b Gubernur Lampung Lantik Empat Pejabat Bupati[pranala nonaktif permanen], diakses 28 Desember 2020.
  9. ↑ Sejarah Kabupaten Mesuji Archived 2021-01-18 di Wayback Machine., diakses 28 Desember 2020.
  10. ↑ Gubernur Sjachroedin ZP Resmi Lantik Albar Hasan Tanjung, diakses 28 Desember 2020.
  11. ↑ Bupati Mesuji Dilantik di Rumah Tahanan, diakses 28 Desember 2020.
  12. ↑ Kepala Dinas Perhubungan Lampung Kamis Dilantik Pj. Bupati Mesuji Archived 2022-02-18 di Wayback Machine., diakses 28 Desember 2020.
  13. ↑ Bupati Mesuji Dilantik di Rumah Tahanan, diakses 28 Desember 2020.
  14. ↑ Haryati Cendralela Resmi Dilantik Jadi Wakil Bupati Mesuji Archived 2022-02-18 di Wayback Machine., diakses 11 Januari 2021.
  15. ↑ "Perolehan Kursi DPRD Mesuji 2014-2019". Diarsipkan dari versi asli tanggal 2022-09-11. Diakses tanggal 2021-07-24. 
  16. ↑ "Perolehan Kursi DPRD Mesuji 2019-2024". Diarsipkan dari versi asli tanggal 2021-07-24. Diakses tanggal 2021-07-24. 
  17. ↑ "Data Referensi Pendidikan". referensi.data.kemdikbud.go.id. Diarsipkan dari versi asli tanggal 2021-08-31. Diakses tanggal 2021-08-31. 
  18. ↑ "12 Tempat Wisata di Mesuji Terbaru & Terkini Yang Bisa Dilirik". Traveling Medan (dalam bahasa Indonesia). Diakses tanggal 2021-07-24. 

Pautan lua

suntiang
Diambiak dari "https://min.wikipedia.org/w/index.php?title=Kabupaten_Mesuji&oldid=3149181"