Kabudayaan Hemudu
Kabudayaan Hemudu (5500 SM inggo 3300 SM[1]) adolah suatu kabudayaan Neolitikum nan bakambang indak jauah dari sisi salatan Taluak Hangzhou di Jiangnan, nan kini tamasuak Yuyao, Zhejiang, Cino. Kabudayaan ko mungkin tabagi jadi fase awa jo fase akia, iyolah sabalun jo sasudah 4000 SM.[2] Situs Hemudu, nan jauahnyo 22 km barat lauik dari Ningbo, ditamuan pado 1973. Situs-situs Hemudu lainnyo ditamuan juo di kapulauan Zhoushan. Urang paunyi Hemudu disabuik punyo bantuak fisik nan babedo jo panunyi situs-situs Sungai Kuniang nan barado di sabalah utara.[1] Para ahli mamandang baso Kabudayaan Hemudu marupoan sumber dari kabudayaan-kabudayaan proto-Austronesia.[2][3][4]
Kabudayaan fisik
suntiangBabarapo ahli bapandapek baso kabudayaan Hemudu ado basamo jo kabudayaan Majiabang culture sabagai duo kabudayaan nan tapisah jo babedo, sarato ado patukaran kabudayaan antaro kaduonyo. Ado pulo ahli lainnyo nan mangalompokan Hemudu jo Majiabang sabagai subtradisi.[2] Duo galodo gadang mambuek Sungai Yaojiang nan dakek lokasi tu barubah aliarannyo mambuek tanah patanian rusak jo garam, inggo masarakaik Hemudu tapaso maninggalan pamukiman mareka . Urang Hemudu tingga di rumah panggung nan panjang. Rumah panggung panjang untuak kaluargo gadang umum juo ditamuan di situs-situs Hemudu, nan sarupo bana jo nan di jaman moderen kini masih ado di Kalimantan.[5]
Kabudayaan Hemudu adolah salah satu kabudayaan taawa nan mananam padi. Panggalian taakia pado situs dari periode Hemudu di Tianluoshan manunjuakan baso padi maalami parubahan evolusioner nan dikana sabagai domestikasi.[6] Sabagian gadang artifak nan ditamuan di Hemudu tadiri dari tulang binatang, misanyo pangkua nan dibuek dari tulang bau untuak mangolah sawah.
Kabudayaan ko maasiaan juo pernis kayu. Sabuah mangkuak kayu bapernis sirah di Museum Zhejiang dipakiroan baasa dari 4000~5000 S.M., nan dipicayo sabagai benda tatuo nan macam ko di dunia.[7]
Babagai macam tanaman sarupo kacang tanduak, seroja, ek, melon, goseberi lia, blackberi, persik, kacang rubah, jo labu aia ditamuan di Hemudu jo Tianluoshan.[10] Urang Hemudu kamungkinan lah manjinakan babi jo anjiang, tatapi acok manjalanan juo paburuan kijang jo kabau lia. Manangkok ikan dijalanan juo sacaro baramai-ramai, kusuihnyo ikan karper crucian.[8] Praktik mancari ikan jo baburu tabukti jo sisa-sisa tulang harpun, busua jo mato panah. Alaik musik, sarupo suliang tulang jo gandang kayu ditamuan juo di Hemudu. Desain artefak dari panduduak Hemudu mampunyoi banyak kasamoan jo artefak dari panduduak Samananjuang Aisa Tenggara.[3]
Kabudayaan ko maasiaan tambika nan taba dan bapori. Tambika khas ko umumnyo bawarno itam dan dibuek mamakai tapuang arang. Iasan tumbuahan atau gamba geometris acok dilukihan, dan kadang-kadang ditambahkan iasan dari bakeh tali di pamukoan tambika. Kabudayaan ko maasiakan juo ornamen paek batu giok ornamen, artefak gadiang, sarato patuang tanah liek ketek.
Organisasi sosiopolitik
suntiangPado periode awa masarakaik Hemudu basipaik kasukuan matrilineal. Silsilah disabuik badasa matrilineal dan status sosial anak jo urang padusi dianggap cukuik tinggi. Pado periode-periode sataruihnyo, sacaro batahap mareka barubah manjadi kasukuan patrilineal. Salamo periode ko, status sosial laki-laki maningkek dan silsilah manjadi badasa jalua laki-laki.
Kapicayoan
suntiangPanduduak Hemudu mamuja ruah matoari jo ruah kasuburan. Mareka maadoan pulo ritual badukun kapado matoari, sarato picayo pado totem buruang. Kapicayoan taradok kaidupan sasudah mati jo antu dipakiroan mareka miliki juo. Urang nan dikubua kapalonyo maadok timur atau timua lauik, sabagian gadang indak ado bando kubuanyo. Bayi dikubua dalam tampayan kubua, sadangkan paja ketek jo urang dewasa dikubua rato di tanah. Umumnyo indak ado tampek pakubuaran umum, tapi di periode balakangan lah ditamuan pakubuaran umum untuak kaluargo dakek. Duo kalompok tapisah pado pakubuaran jinih ko dipakiroan adolah duo suku nan saliang kawin-mangawini. Ditamuan labiah banyak bando kubua pado pakubuaran umum ko.[13]
Lingkuangan
suntiangDari fosil amuba jo sabuak sari nan ditamuan, dipakiroan baso kabudayaan Hemudu muncua jo bakambang di patangahan iklim Holosen optimal. Panalitian garih pantai aia lauik nan tarangkek di Dataran Tinggi Ningshao dari maso 7000 – 5000 BP manunjuakan baso mungkin maso tu katinggian aia lauik labiah randah sacaro stabil, kudian dari 5000 inggo 3900 BP acok tajadi banjia. Iklimnyo dipakiroan tropis inggo subtropis, jo suhu tinggi dan banyak curah ujan sapanjang taun.[9]
Rujuakan
suntiang- Fuller, D.Q.; Qin, Ling (2010), "Declining oaks, increasing artistry, and cultivating rice: the environmental and social context of the emergence of farming in the Lower Yangtze Region", Environmental Archaeology, 15 (2): 139–159, doi:10.1179/146141010X12640787648531.
- Liu, Li; Chen, Xingcan (2012), The Archaeology of China: From the Late Paleolithic to the Early Bronze Age, Cambridge University Press, ISBN 978-0-521-64310-8.
- Wang, Haiming (2001), "Majiabang", Encyclopedia of Prehistory, Volume 3: East Asia and Oceania, Springer, hlm. 206–221, ISBN 978-0-306-46257-3.
Catatan kaki
suntiang- ↑ Goodenough, Ward (1996).
- ↑ "The Bernice Pauahi Bishop Museum" Archived 2014-02-28 di Wayback Machine..
- ↑ a b Tarling, Nicholas (1999).
- ↑ Liu, Li (2012).
- ↑ Maisel, Charles Keith (1999).
- ↑ Fuller, Dorian Q, Ling Qin, Yunfei Zheng, Zhijun Zhao, Xugao Chen, Leo Aoi Hosoya, and Guo-ping Sun (2009) "The Domestication Process and Domestication Rate in Rice: Spikelet bases from the Lower Yangtze".
- ↑ "Red Lacquer Wood Bowl: The Origin of Lacquerware (2009)". Diarsipkan dari versi asli tanggal 2017-12-01. Diakses tanggal 2016-11-28.
- ↑ Nakajima T, Nakajima M, Mizuno T, Sun G-P, He S-P and Yamazaki T (2010) "On the pharyngeal tooth remains of crucian and common carp from the Neolithic Tianluoshan site, Zhejiang Province, China, with remarks on the relationship between freshwater fishing and rice cultivation in the Neolithic Age".
- ↑ Underhill, Anne (2013).
Bacoan lanjutan
suntiang- Allan, Sarah (ed), The Formation of Chinese Civilization: An Archaeological Perspective, ISBN 0-300-09382-9
- Chang, Kwang-chih. The Archaeology of Ancient China, ISBN 0-300-03784-8
- Fuller, D.Q & Harvey, E., Qin,L. (2007). Presumed domestication? Evidence for wild rice cultivation and domestication in the fifth millennium BC of the Lower Yangzte region.Antiquity 81(312), 316-331
- Zhu C, Zheng CG, Ma CM, Yang XX, Gao XZ, Wang HM, Shao JH. On the Holocene sea-level highstand along the Yangtze Delta and Ningshao Plain, east China. CHINESE SCIENCE BULLETIN 48 (24): 2672-2683 DEC 2003