Kabangkitan nasional Indonesia

Kabangkitan Nasional Indonesia adolah periode pado paruh patamo abaik ka-20 di Nusantara (kini Indonesia), katiko rakyat Indonesia mulai manumbuahkan raso kasadaran nasional sabagai "urang Indonesia". Maso iko ditandoi jo duo peristiwa panting yaitu tagaknyo Budi Utomo (20 Mei 1908) jo ikrar Sumpah Pemuda (28 Oktober 1928).

Untuak mangaja kauntungan ekonomi jo manguasai administrasi wilayah, Belanda manerapkan sistem pamarentahan kolonial pado urang-urang nan sabalunnyo indak punyo kasamaan identitas politik. Pado awal abaik ka-20, Balando manetapkan bateh-bateh teritorial di Hindia Belanda, nan manjadi cikal bakal Indonesia modern.

Pado paro patamo abaik ka-20, muncul sajumlah organisasi kapamimpinan nan baru. Malalui kabijakan Politik Etis, Balando mambantu mambuek sakelompok urang Indonesia nan terpelajar. Parubahan nan mandalam pado urang-urang Indonesia iko acok disabuik sabagai "Kabangkitan Nasional Indonesia". Paristiwa iko basamoan jo paningkatan aktivitas politik hinggo mancapai puncaknyo pado Proklamasi Kemerdekaan Indonesia tanggal 17 Agustus 1945.

Kabangkitan nasional juo disebabkan dek masuaknya parkambangan pikiran dari urang mudo.

Barakhianya pamarentahan kolonial

Sairing jo Perang Dunia II, nasib politik Hindia Balando manjadi indak jaleh. Sabagai panguaso, Balando mandapati negara mereka diduduki dek Jerman Nazi pado Mei 1940. Dengan didudukinyo negara mereka dek pihak asiang, Balando barado dalam posisi nan lamah untuak mampartahankan kakuasaan mereka di Hindia Balando. Namun, pamarentah kolonial bertekad untuak malanjuikan kakuasaannyo atas Nusantara.

Pado awal 1942, Kakaisaran Jepang manginvasi Hindia Balando. Balando hanyo punyo saketek kamampuan untuak mampartahankan koloninyo dari tentara Kekaisaran Jepang sahinggo pasukan Balando dikalahkan dalam wakatu sabulan—nan mangakhiri kakuasaan kolonial Balando di Nusantara.

Proklamasi 23 Januari 1942

Dengan samakin lamahnyo posisi panjajah Balando di Indonesia dan sabalun masuaknyo Japang ka Nusantara, kudian dimanfaatkan dek masyarakat Gorontalo dalam mamerdekakan diri dari balenggu panjajahan. Dalam catatan sejarah, momentum parjuangan rakyat Gorontalo dalam mamproklamasian kamerdekaan Indonesia dilaksanoan pado tanggal 23 Januari 1942 nan kudian tanamo sabagai Hari Patriotik 23 Januari 1942 atau Hari Proklamasi Gorontalo. Proklamasi iko tajadi labih awal tigo tahun daripada Proklamasi Kemerdekaan Indonesia dek Soekarno jo Moh. Hatta di Jakarta pado tahun 1945.

Proklamasi kamerdekaan Indonesia di Gorontalo pado tanggal 23 Januari 1942 dibacoan dek Pahlawan Nasional Nani Wartabone di muko Kantor Pos, Kota Gorontalo.

Proklamasi Kamerdekaan Indonesia di Gorontalo manjadi katalisator surang dalam sijarah parjuangan kamerdekaan dek manjadi salah satu daerah paling awal nan bebas merdeka jo mangakui kadaulatan negara Republik Indonesia. Proklamasi 23 Januari 1942 dibacoan dek Nani Wartabone dan didampingi jo Kusno Danupoyo. Kaduanyo dikenal dek rakyat Gorontalo sabagai "Dwi Tunggal" dari tanah Sulawesi. Proklamasi kamerdekaan maambik tampek di halaman Kantor Pos Gorontalo, diikuti dek pangibaran bendera merah putih sakitar pukul 10 pagi wakatu satampek sarto manyanyian lagu Indonesia Raya.

Adapun naskah proklamasi kamerdekaan nan dibacoan pado hari tersebut adolah sabagai barikuik:

“Pada hari ini tanggal 23 Januari 1942,

kita bangsa Indonesia yang berada di sini sudah merdeka

bebas lepas dari penjajahan bangsa manapun juga.

Bendera kita yaitu Merah-Putih,

lagu kebangsaan adalah Indonesia Raya.

Pemerintahan Belanda sudah diambil alih oleh Pemerintah Nasional.

Mari kita menjaga keamanan dan ketertiban”.

Paristiwa proklamasi Indonesia di Gorontalo iko kudian manjadi salah satu pamantik sumangek pargerakan kamerdekaan di antaro para tokoh pajuang nasional takah Bung Karno jo Bung Hatta.

Revolusi Nasional

Maso pandudukan Japang di Nusantara salamo tigo tahun barikuiknyo mambaok baitu banyak parubahan sahinggo Revolusi Nasional Indonesia dimungkinkan.

Sasudah Japang manyerah kapado Blok Sekutu pado tahun 1945, Balando barusaho untuak malanjuikan kendali kolonial mereka atas Hindia Balando. Untuak tujuan iko, Balando mamperoleh dukungan militer dari Inggris sahinggo tajadi partampuran basosoh di Jawa untuak mamuliahan kakuasaan Balando. Meskipun mangalami karugian gadang, kaum nasionalis Indonesia indak bisa dihalangi. Pado tahun 1945, gagasan tentang "Indonesia" tampaknyo indak dapek ditolak.

Paringatan

Peringatan 20 Tahun Hari Kabangkitan Nasional di Yogyakarta, 20 Mei 1948

Sajak 1959, tanggal 20 Mei ditetapkan sabagai Hari Kabangkitan Nasional, disingkek Harkitnas, yaitu hari nasional nan bukan hari libur nan ditetapkan dek pamarentah Indonesia malalui Keputusan Presiden Nomor 316 Tahun 1959 tanggal 16 Desember 1959 untuak mamparingati paristiwa Kabangkitan Nasional Indonesia.

Galeri

• 
  Monumen Kabangkitan Nasional di Solo
• Logo Kabangkitan Nasional Ke 100 Tahun
  Logo Kabangkitan Nasional Ke 100 Tahun
• 
  Prangko peringatan 100 tahun Kabangkitan Nasional
• 
  Prangko peringatan 100 tahun Kabangkitan Nasional

Referensi

Daftar pustaka

• Hannigan, Tim (2015). A brief history of Indonesia : sultans, spices, and tsunamis : the incredible story of Southeast Asia's largest nation. Tokyo; Vermont: Singapore: TUTTLE Publishing. ISBN 9781462917167. 
• Ricklefs, M.C. (1991). A Modern History of Indonesia, 2nd edition. MacMillan. pp. chapters 14–15. ISBN 0-333-57690-X. 
• Reid, Anthony (1974) (dalam bahaso en). The Indonesian National Revolution, 1945-1950. Longman. ISBN 978-0-582-71046-7. https://books.google.co.uk/books?id=TnxuAAAAMAAJ. 
• Steinberg (1971). In Search of South East Asia. New York: Praeger Publishers. 
• Vickers, Adrian (2005). A History of Modern Indonesia. Cambridge University Press. ISBN 0-521-54262-6. https://archive.org/details/historyofmoderni00adri. 
• Witton, Patrick (2003). Indonesia. Melbourne: Lonely Planet. ISBN 1-74059-154-2.