Johannes Latuharhary
Mr. Johannes Latuharhary (lahia di Ulath, Saparua, 6 Juli 1900 – maningga di Jakarta, Indonesia, 8 November 1959 pado umua 59 taun) adolah politikus jo parintih kamerdekaan Indonesia. Inyo manjabaik sabagai Gubernur Maluku nan partamo antaro tahun 1950 jo 1955, sarato mampajuangkan masuaknyo Maluku ka dalam NKRI.
,_p54.jpg) | |||
| Biografi | |||
|---|---|---|---|
| Lahia | 6 Juli 1900  Ullath | ||
| Kamatian | 8 Nopember 1959 (59 tahun (id)  )Daerah Kusuih Ibukota Jakarta | ||
| Tampek dimakamkan | Taman Makam Pahlawan Nasional Utama Kalibata (id) | ||
1950 – 1955 ← indak ado nilai – Muhammad Djosan → | |||
| Data pribadi | |||
| Agamo | Protestanisme | ||
| Kagiatan | |||
| Karajo | Politikus | ||
| Partai politik | Partai Nasional Indonesia (id) Persatuan Indonesia Raya (id) | ||
Panghargaan | |||
Johannes lahia di Saparua, Maluku, sarato sabagai pamuda inyo pindah ka Batavia untuak pandidikan lanjuik. Balakangan, inyo mamparoleh beasiswa untuak baraja ilimu hukum di Universitas Leiden. Sapulangnyo ka tanah aia, inyo manjadi hakim di Jawa Timur jo mulai turuik sarato dalam pagarakan kabangkitan nasional Indonesia malalui organisasi pamuda Sarekat Ambon. Inyo balakangan baranti manjadi hakim jo pindah manjadi advokat, samasiah bagerak di sisi politik untuak maaikuik saratoan SA dalam pajuangan kamerdekaan Indonesia. Salamo zaman Japang, Johannes bakarajo di bawah departemen urusan dalam negeri di Jakarta jo ditahan Japang tigo kali jo babagai macam alasan. Inyo turuik sarato dalam panulisan UUD 1945 sabagai anggota Badan Penyelidik Usaha-usaha Persiapan Kemerdekaan Indonesia jo Panitia Pasiapan Kamerdekaan Indonesia.
Sasudah kamerdekaan Indonesia, inyo ditunjuak manjadi Gubernur Maluku, tapi karano Bulando manduduki Maluku katiko itu, Johannes batahan di Jawa sabagai anggota Komite Nasional Indonesia Pusat jo sabagai diplomat dalam pajanjian Renville jo pajanjian Roem-Roijen. Sausai pangakuan kadaulatan Indonesia, Johannes tibo di Maluku pado tahun 1950 jo samaso jabatannyo inyo bajuang untuak mambangun baliak kota Ambon nan tadampak patampuran jo Republik Maluku Selatan. Inyo maningga pado tahun 1959.
Masa mudo
suntiangJohannes dilahiakan di Ullath, Saparua pado tanggal 6 Juli 1900. Ayahnyo banamo Jan Latuharhary jo ibunyo Josefin Hiarej. Jan marupokan guru di desa nan batatangga jo Ullath. Awalnyo, Johannes (juga dijuluki "Nani"[1]) baraja di Ullath pado kelas 1 SD, tapi inyo pindah ka Ambon katiko baumua 9 tahun. Di Ambon, inyo baraja di sakolah Europeesche Lagere School (ELS) Bulando. Umumnyo ELS hanyo manarimo anak-anak katurunan Eropa, tapi karano ayahnyo marupokan guru, Johannes ditarimo masuak. Inyo baraja di ELS sampai tahun 1917.[2] Sasudah itu, Johannes pindah ka Batavia, sarato inyo baraja di sakolah Hogere Burgerschool (HBS) sampai tahun 1923.[3]
Katiko alah lulus dari HBS, Johannes mandapekan beasiswa dari dana amal Ambonsch Studiefonds sahingga inyo dapek baraja ilmu hukum di Universitas Leiden.[4] Di Leiden, inyo manjadi putra daerah Maluku partamo nan mandapekan gala Meester in de Rechten (Mr.) pado bulan Juni 1927. Salain baraja hukum, Johannes nan banyak bagaul jo anggota Perhimpunan Indonesia di situ takah Ali Sastroamidjojo jo Iwa Kusumasumantri, maskipun inyo indak mandaftar manjadi anggota sacara resmi.[5][6] Sapulangnyo dari Leiden, Johannes alah manjadi pajuang untuak persatuan jo kemerdekaan Indonesia.[6]
Karier
suntiangZaman Belanda
suntiangKatiko alah pulang ka Indonesia, Johannes diangkek manjadi asisten hakim di Pangadilan Tinggi Surabaya karano rekomendasi dari dosennyo Cornelis van Vollenhoven.[7] Inyo kamudian diangkek manjadi hakim penuh di Surabaya sabalum tahun 1929 inyo ditunjuak manjadi hakim katua di pangadilan nagari di Kraksaan, Probolinggo.[8] Samaso iko, Johannes bagabuang jo organisasi pamuda parantauan Ambon di Jawa, Sarekat Ambon (SA), jo manjabaik sabagai katua redaksi surek kaba organisasi SA, yakni Haloean.[9] Johannes mancubo untuak mandaftarkan SA sabagai organisasi resmi sajak tahun 1930, maskipun pamohonannyo baru ditarimo tahun 1933.[10] Dikaranokan depresi gadang nan malando parekonomian dunia kiro-kiro wakatu itu, Johannes juo mambantuak suatu koperasi untuak para parantauan dari Maluku.[11]
Katiko wakatu itu, sajumlah anggota SA mangusuakan supayo SA bagabuang ka Pamufakatan Pahimpunan-pahimpunan Politik Kabangsaan Indonesia (PPPKI) nan mawadahi banyak organisasi pagerakan nasional di tingkek daerah sampai saluruah Indonesia. Namun, Johannes mamandang bahsonyo organisasi kaagamaan takah Sarekat Islam indak saharusnyo ikuik dalam pagerakan politik, sahinggo inyo manolak bagabuangnyo SA ka dalam PPPKI.[9] SA balakangan tatap bagabung ka PPPKI pado tahun 1932.[12] Pado bulan Januari tahun itu, Johannes ado bapidato dalam kongres PPPKI jo judul Azab Sengsara Kepoelauan Maloekoe nan batema panjajahan di bidang ekonomi nan dilakukan dek Vereenigde Oostindische Compagnie (VOC) jo pamarintah Bulando.[13] Pidato iko balakangan ditabikan sabagai buku nan dibredel dek pamarintah kolonial.[14] Dalam karya tulisnyo, inyo mancerca juo sistem pandidikan Bulando di Maluku nan dituduahnyo batujuan untuak manciptakan pagawai nagari, tentara, jo pelaut untuak pamarintah kolonial.[15] Pandangan Johannes untuak Indonesia sasudah merdeka babantuak suatu negara sarikat, sajalan jo pandangan tokoh-tokoh lain takah Sam Ratulangi, Tan Malaka, atau Mohammad Hatta.[16]
Karano aktivitas anti-kolonial Johannes, inyo diagiah pilihan dek pamarintah Bulando: mundua sabagai hakim atau baranti ikuik pagerakan kemerdekaan. Johannes mamutuihan untuak mundua sabagai hakim kamudian baraliah haluan manjadi pangacara.[14] Kaputusan iko mambarekkan kauangan kaluarganyo – sabagai hakim katua, inyo manarimo gaji 750 gulden nan tahituang gadang katiko maso itu, tapi indak banyak ditabuang karano habih untuak donasi ka Sarekat Ambon jo ka beasiswa lamonyo (Ambonsch Studiefonds). Meskipun baitu, inyo manjadi pangacara nan cukuik tanamo di Jawa Timur sasaudah bahasil mampatahankan hak lahan patani lokal dari pabrik gulo,sarato inyo tapiliah manjadi anggota Regentschapsraad (sajinih Dewan Pawakilan Rakyat Daerah tingkek Kabupaten) di Probolinggo tahun 1934. Kamudian, inyo manjadi anggota DPRD Provinsi Jawa Timur (Provinciale Raad) sampai tahun 1942.[17][18]
Johannes manjadi katua umum partamo Jong Ambon sasudah organisasi tu didirian pado tahun 1936.[19] Inyo sato pulo dalam pamilihan umum anggota Volksraad mawakili Ambon pado tahun 1939 jo kampanye nan badasarkan sentimen nasionalisme, sambia mambangun sajumlah cabang baru untuak SA. Namun, inyo gagal mandapekan kursi karano dikalahkan dek caleg katurunan bangsawan anggota Regentenbond.[20] Johannes balakangan manjadi anggota Partai Indonesia Raya (Parindra).[21]
Rujuakan
suntiang- ↑ Nanulaitta 1982, hlm. 13.
- ↑ Nanulaitta 1982, hlm. 1–3.
- ↑ Nanulaitta 1982, hlm. 7.
- ↑ Nanulaitta 1982, hlm. 11.
- ↑ Nanulaitta 1982, hlm. 12–13.
- ↑ a b Elson 2008, hlm. 45–46.
- ↑ Nanulaitta 1982, hlm. 32.
- ↑ Nanulaitta 1982, hlm. 45.
- ↑ a b Nanulaitta 1982, hlm. 34.
- ↑ Chauvel 2008, hlm. 137–138.
- ↑ Nanulaitta 1982, hlm. 44.
- ↑ Nanulaitta 1982, hlm. 43.
- ↑ Nanulaitta 1982, hlm. 48–49.
- ↑ a b Nanulaitta 1982, hlm. 50–51.
- ↑ Chauvel 2008, hlm. 145.
- ↑ Elson 2008, hlm. 68.
- ↑ Nanulaitta 1982, hlm. 52–53.
- ↑ Manus et al. 1993, hlm. 12-13.
- ↑ Nanulaitta 1982, hlm. 55.
- ↑ Chauvel 2008, hlm. 151.
- ↑ Nanulaitta 1982, hlm. 56.
Daptar pustaka
suntiang- Nanulaitta, I. O. (1982) (dalam bahaso id). Mr. Johanes Latuharhary: Hasil Karya dan Pengabdiannya. Jakarta: Kementerian Pendidikan dan Kebudayaan. http://repositori.kemdikbud.go.id/10871/1/mr%20johannes%20latuharhary%20hasil%20karya%20pengabdiannya.pdf. Diakses pado 11 Agustus 2019.
- Chauvel, Richard (2008) (dalam bahaso en). Nationalists, Soldiers and Separatists: The Ambonese Islands from Colonialism to Revolt, 1880-1950. BRILL. ISBN 9789004253957. https://books.google.com/books?id=UbZiAAAAQBAJ&pg=PA145.
- Elson, R. E. (2008) (dalam bahaso en). The Idea of Indonesia: A History. Cambridge University Press. ISBN 9780521876483. https://books.google.com/books?id=BRRVYDagaloC.
- Manus, MPB; Ghazali, Zulfikar; Zuhdi, Susanto; Sumardi; Kuswiah, Wiwi (1993). Tokoh-Tokoh Badan Penyelidik Usaha-Usaha Persiapan Kemerdekaan Indonesia. 2. Jakarta: Kementerian Pendidikan dan Kebudayaan. http://repositori.kemdikbud.go.id/12970/1/Tokoh%20tokoh%20badan%20penyelidik%20usaha%20usaha%20persiapan%20kemerdekaan%20indonesia.pdf.