Jaguar XJ220
Jaguar XJ220 adolah salah ciek jinih oto sports nan di buek dek pabrik oto British Luxury di Inggris. Oto ko hanyo punyo duo tampek duduak di mungko atau apek juo disabuik jo oto nan punyo duo pintu. Oto ko di buek dalam rantang tahun 1992 sampai 1994. Oto ko babantuak oto balap, untuak mambuek oto ko parusahaan nan oto ko mandatangan spesialis otomotif jo parusahaan oto balap nan banamo Tom Walkinshow racing.[3] Oto Jaguar XJ220 ko punyo kecepatan mancapai 212.3 mph atau 341.7 Km per jam nan alah pernah di cubo atau di tes di tampek nan banamo arena balap Nardo di Italia.[4] Oto Jaguar XJ220 ko manjadi oto nan punyo kecepatan tinggi atau oto nan lari nyo kacang nan pernah di produksi dek pabrikan ko. Kecepatan oto tasabuik pernah di uji cubo di sirkuit balap oto di Nurburg, Jerman.[5]
| Jaguar XJ220 | |
|---|---|
.jpg) | |
| Panjalehan | |
| Pabrikan | JaguarSport (Jaguar/TWR joint venture) |
| Tahun dibuek | 1992–1994 (di buek sabanyak 282 unit)[1] |
| Kantua cabang | United Kingdom: Bloxham, Oxfordshire |
| Parancang | Keith Helfet under Jim Randle |
| Badan jo karangko | |
| Tipe oto | Sports car (S) |
| Bantuak oto | Oto nan punyo duo pintu |
| Masin oto |
|
| Tanago oto | |
| Masin |
|
| Tanago nan dihasiakan |
|
| Tipe papindahan gigi | 5-speed manual[2] |
| Ukuran bagian oto | |
| Sumbu roda | 2,640 mm (103.9 in)[2] |
| Panjang oto | 4,930 mm (194.1 in)[2] |
| Leba oto | 2,009 mm (79.1 in)[2] (excluding wing mirrors) |
| Tinggi oto | 1,150 mm (45.3 in)[2] |
| Barek oto | 1,470 kg (3,240.8 lb)[2] |
| Pajalanan produksi | |
| Pandahulu | Jaguar XJR-15 |
| Panaruih | Jaguar C-X75 (spiritual) |
Sijarah oto suntiang
Oto Jaguar XJ220 ko daulunyo marupoan sabuah oto nan dirancang dek babarapo karyawan parusahaan oto jaguar tasabuik. Oto ko marupoan juo pangambangan dari oto jaguar nan sabalumnyo. Pado awal nyo para karyawan tasabuik mambuek oto ko hanyo untuak maisi wakatu luang sajo. Katiko itu, para karyawan tapikia untuak mambuek oto nan bisa digunoan untuak balap. Akhianyo di buek lah oto nan digunoan untuak balap sarato jo model otonyo nan alah modern. Salain babarapo urang karyawan nan mambuek oto iko, para teknis mambantu juo untuak manghasiakan oto iko. Pado tahun 1950-an sampai 1960-an oto nan dibuek tadi alah di cuboan di arena balap oto di Le Mans, Perancis. Duo puluah tahun sasudahnyo, konsep partamo atau rancangan awal oto Jaguar XJ220 ko salasai dan langsuang di umumkan ka masyarakaik tapeknyo pado tahun 1988 di acara nan banamo British Internasional Motor Show nan di adoan di kota Birmingham, Inggris. Panganalan oto iko di festival tasabuik mandapek tanggapan nan elok dari masyarakaik, dapek di caliak banyaknyo minaik masyarakaik untuak mambali oto iko. Akhianyo mulai lah oto Jaguar XJ220 ko di buek pado tahun 1992.[6]
Spesifikasi oto suntiang
Oto Jaguar XJ220 ko mulai di buek pado tahun 1992 dek pabrik nan banamo Jaguar Sport, pabrik ko barado di Oxfordshire, Inggris. Oto ko marupoan oto nan dapek digunoan untuak balap oto. Sarupo jo model oto-oto balap ainyo, oto Jaguar XJ220 ko hanyo punyo duo buah pintu, ciek di subalah suak, ciek lai di subalah kida. Oto Jaguar XJ220 ko manggunoan masin nan banamo JaguarV12 nan punyo salinder masin nan gadang. Oto ko manggunoan bahan baka bensin untuak manjalankannyo. Oto ko mampunyoi tanago oto nan gadang, tanago oto ko samo jo rato-rato 500 tanago kudo. Untuak manjalankan oto ko, oto ko masih manggunoan gigi sacaro manual. Gigi oto ko ado limo. Oto Jaguar XJ220 ko mampunyoi barek sakitar 1.470 kg.[3][4]
Isi dalam oto suntiang
Oto Jaguar XJ220 ko di rancang untuak duo urang nan bisa naiak ka ateh oto. Untuak bantuak kursi, oto ko mamakai kursi Sports nan biaso di paruntuakan untuak pangamudi nan pambalap. Kursinyo pun tabuek dari bahan kulik. Kaco nan ado di pintu oto ko alah mamakai sistem listrik aratinyo pangamudi dapek mangandalian atau maatur naik turun kaco sampiang oto jo hanyo manakan tombol nan alah tasadio. Dasboard oto ko agak babantuak malangkuang. Babarapo alaik-alaik nan madukuang jalannyo oto ko tapasang di Dashboard tasabuik sarupo alaik-alaik pangandali oto, jam, voltamper, AC, sarato jo alat pangukua kacepatan oto nan di lampisi dek kaco nan bawarna ijau. Untuak ruang bagasi atau tampek barang, oto ko indak punyo tampek panyimpanan barang nan talalu laweh, tapi oto ko punyo tampek panyimpanan barang nan ketek nan talatak di bagian balakang oto atau tapeknyo talatak di ateh masin nan barado di bagian balakang oto.[7]
Bagian badan oto suntiang
Bagian lua oto partamo dapek di caliak dari model pintu nyo. Oto ko mamakai pintu nan babeda jo oto-oto nan biaso. pintu oto ko disabuik juo jo pintu guntiang, aratinyo pintu nan kalau di bukak mako pintunyo maarah ka ateh. Salain tu, jarak roda ka badan oto di pabarui dari nan sabalumnyo, tamasuak juo panjang oto nan babeda jo oto nan sabalumnyo. Oto Jaguar XJ220 ko dilengkapi juo jo aliran udaro nan barado di bagian bawah oto. Guno aliran udaro ko iolah untuak maaliakan udaro labiah capek karano oto ko dapek juo di pakai pado ajang balap oto. Untuak pangreman, oto ko alah mamakai sistem rem nan baiak sarato jo lampu-lampu oto ko juo takesan mewah. Untuak lampu balakang oto ko samo jo nan di gunoan dek oto Rover 200.[8][9]
Oto balap suntiang
Untuak versi oto balap nyo oto ko di namoan jo Jaguar XJ220-C nan di paruntuakan untuak balap oto. Oto balap ko ikuik dalam lomba balap oto di arena balap oto di Le Mans, balap ko banamo Grand Touring Class. Oto balap Jaguar XJ220-C ko di promosian juo di Amerika Serikat dalam balap oto nan banamo Fast Masters. Balap oto kamudian di siarkan di Tv dan dapek di tonton dek masyarakaik katiko tu pado musim paneh. Oto balap ko mangalami pangambangan oto dari taun ka taun. Tadapek anam oto nan di kembangkan sarupo masin oto nan di tingkekan, kondisi isi dalam oto nan di pabaharui, mangganti lampu jo manambah lampu oto, kursi oto nan tabuek dari bahan kulik, sarato ko paningkekan kacepatan oto ko. Pado tahun 1995, oto Jaguan XJ220-S ko malakuan pangujian kacepatan oto. Kacepatan oto ko katiko itu iolah mancapai 290,3 km per jam.[10][11][12]
Panghargaan suntiang
Oto Jaguar XJ220 ko mandapek panghargaan dari Guinness Book of World Records atau mandapek rekor dunia karano kecepatan oto ko nan kancang. Rekor dunia tasabuik mancataik oto ko bisa mancapai kecepatannyo hinggo 217,1 mil per jam. Angko kecepatan tasabuik kamudian masuak ka dalam buku rekor dunia edisi tahun 1994 sampai tahun 1999. Sasudah tahun 1999 kecepatan oto ko dikalahan dek kecepatan oto balap Formula 1 McLaren nan mancapai kecepatan hinggo 240,1 mil per jam.[13]
Rujuakan suntiang
- ↑ Richard Aucock (8 August 2012). "Jaguar XJ220, the inside story". Piston heads. Diakses tanggal 07 Maret 2020.
- ↑ a b c d e f g "Jaguar XJ220 Information Sheet". Jaguar Cars XJ220 Sales. Jaguar Cars. 1992. Diakses tanggal 07 Maret 2020.
- ↑ a b "Marking 20 Years Since The Launch Of The Jaguar XJ220 | Jaguar Homepage International". media.jaguar.com. Diakses tanggal 2020-03-07.
- ↑ a b Green, Gavin (August 1992). "217mph!" (PDF). Car. London. Diakses tanggal 07 Maret 2020.
- ↑ "Marking 20 Years Since The Launch Of The Jaguar XJ220 | Jaguar Homepage International". media.jaguar.com. Diakses tanggal 2020-03-07.
- ↑ "The Jaguar XJ220 turns 20". Top Gear (dalam bahasa Inggris). 2012-02-01. Diakses tanggal 2020-03-10.
- ↑ "Jag-lovers brochures - an XJ220 page". www.jag-lovers.org. Diakses tanggal 2020-03-10.
- ↑ Martin, Keith, 1950-; Apen, John.; Ahlgrim, Steve. (2004). Keith Martin on collecting Ferrari. St. Paul, MN.: Motorbooks International. ISBN 0-7603-1971-5. OCLC 56191305. https://www.worldcat.org/oclc/56191305.
- ↑ "Jaguar XJ220 tuned by Overdrive AD". Evo (dalam bahasa Inggris). Diakses tanggal 2020-03-10.
- ↑ Siano, Joseph. "AUTO RACING; Jaguar Takes Lumps With Goosebumps". Diakses tanggal 10 Maret 2020.
- ↑ "Meryl and Bob on track for love; Falling In Love (BBC1, 11.50pm - 1.40am). - Free Online Library". www.thefreelibrary.com. Diakses tanggal 2020-03-10.
- ↑ "Classement des 24 heures du Mans 1993". www.monoli.com. Diakses tanggal 2020-03-10.
- ↑ Matthews, Peter, 1945-; McWhirter, Norris D., 1925- (1993). The Guinness book of records, 1994 (edisi ke-40th ed). Enfield, Middlesex, England: Guinness Pub. ISBN 0-85112-512-3. OCLC 31467884. https://www.worldcat.org/oclc/31467884.