Dr. (H.C.) K. H. Idham Chalid (lahia di Satui, Hindia Belanda, 27 Agustus 1921 - maningga di Jakarta, 11 Juli 2010 pado umua 88 taun) adolah tokoh bangsa, tokoh agama, tokoh organisasi besar Islam Nahdlatul Ulama (NU) jo deklarator sekaligus pamimpin Partai Persatuan Pembangunan (PPP). Bahkan KH. Idham Chalid marupoan Ketua Tanfidziyah Nahdlatul Ulama paliang lamo dalam sijarah NU dari periode 1956-1984. Baliau marupakan salah satu politisi Indonesia nan bapangaruah pado masonya. Salain pernah manjabaik sabagai Wakil Perdana Menteri Indonesia pado Kabinet Ali Sastroamidjojo II jo Kabinet Djuanda, baliau pernah manjabaik sabagai Ketua MPR jo Ketua DPR. Bahkan dek Presiden Soeharto, baliau dipacayo manjadi Menteri Kesejahteraan Rakyat, Menteri Sosial Ad Interim sarato Ketua DPA.

Infobox orangIdham Chalid
Namo dalam bahaso usali(id) Idham Chalid Edit nilai pada Wikidata
Biografi
Lahia27 Agustus 1921 Edit nilai pada Wikidata
Kalimantan Selatan Edit nilai pada Wikidata
Kamatian11 Juli 2010 Edit nilai pada Wikidata (88 tahun (id) terjemahkan)
Daerah Kusuih Ibukota Jakarta Edit nilai pada Wikidata
AgamoSunni Edit nilai pada Wikidata
AlmamaterPondok Modern Darussalam Gontor (id) Terjemahkan Edit nilai pada Wikidata
Kagiatan
KarajoPolitikus Edit nilai pada Wikidata
Partai politikPartai Masyumi (1945)
Nahdlatul Ulama Edit nilai pada Wikidata
Kaluarga
AnakSaiful Hadi (id) Terjemahkan Edit nilai pada Wikidata

Pado tanggal 19 Desember 2016, dek jasonyo, Pemerintah Republik Indonesia, mangabadian baliau di pecahan pitih karateh rupiah baru, pecahan Rp. 5.000,-.[1][2]

Latar Balakang suntiang

Idham Chalid lahia pado tanggal 27 Agustus 1921 di Satui, bagian tenggara Kalimantan Selatan. Baliau marupoan anak tangah dari 8 urang baradiak kakak, 4 Laki-laki jo 4 padusi. Ayahnyo H Muhammad Chalid, penghulu asa Amuntai, sakitar 200 kilometer dari Kota Banjarmasin. Katiko baumua anam taun, kaluargonyo hijrah ka Amuntai jo tingga di daerah Tangga Ulin, kampuang halaman leluhur ayahnyo. Ayahnyo badarah Melayu Banjar asli, sadangkan ibunyo campuran darah Banjar jo Melayu, sarato Bugis.[3]

Konon, kaluargonyo barasa dari kalangan bangsawan. Tapi baliau punyo caro jo panilaian tantang katurunan jo nasab. Ajaran Islam jo didikan kareh ayahnyo maajaan baliau basonyo kamuliaan seseorang indak talatak pado darahnyo, malainkan pado amal perbuatan jo darma baktinyo.

Idham Chalid upunyo 8 rang anak dari panikahannyo jo Ibu Hj. Masturah nan barasa dari Kalimantan Selatan jo dimakaman badampiangan di pesantren Darul Qur'an, Cisarua.[4]

Riwayaik suntiang

Sajak ketek Idham dikana sangaik cerdas jo pambarani. Katiko masuak SR, baliau langsuang duduak di kelas duo dek bakat pidatonyo mulai taasah. Kaahlian baorasi tu manjadi modal utama Idham Chalid dalam maniti karier di jagat politik.

Salapeh dari SR, Idham malanjuikan pandidikannyo ka Madrasah Ar-Rasyidiyyah pado tahun 1922. Idham nan sadang tumbuah jo candu samo pangatahuan, dapek banyak kesempatan untuak mandalami bahaso Arab, bahasa Inggrih, jo ilmu pengetahuan umum. Salanjuiknyo Idham malanjuikan pandidikannyo ka Pesantren Gontor nan talatak di Ponorogo, Jawa Timur. Kasempatan baraja di Gontor dimanfaatan pulo dek Idham untuak mampadalam bahaso Japang, bahaso Jerman, jo bahaso Prancis.[4]

Tamaik dari Gontor, 1943, Idham malanjuikan pandidikan di Jakarta. Di ibu kota, kafasihan Idham dalam babahaso Japang mambuek panjajah Dai-Nipon sangaik kagum. Pihak Jepang acok mamintaknyo manjadi panajamah dalam sajumlah patamuan jo alim ulama. Dalam patamuan-patamuan itulah Idham mulai akrab jo tokoh-tokoh utamo NU.

Katiko Japang kalah parang jo Sekutu masuak Indonesia, Idham Chalid bagabuang ka dalam badan-badan pajuangan. Manjelang kamardekaan, baliau aktif dalam Panitia Kemerdekaan Indonesia Daerah di kota Amuntai. Sasudah Proklamasi Kemerdekaan, baliau bagabung jo Persatuan Rakyat Indonesia, partai lokal, jo kudian pindah ka Serikat Muslim Indonesia.[5]

Taun 1947 baliau bagabuang jo Sentral Organisasi Pemberontak Indonesia Kalimantan, nan dipimpin Hasan Basry, muridnyo katiko di Gontor. Usai parang kamardekaan, Idham diangkek manjadi anggota Parlemen Sementara RI mawakili Kalimantan. Tahun 1950 baliau tapiliah baliak manjadi anggota DPRS mawakili Masyumi. Katiko NU mamisahan diri dari Masyumi, tahun 1952, Idham mamiliah bagabuang jo Partai Nahdlatul Ulama sarato ikuik aktif dalam konsolidasi internal ka daerah-daerah.

Idham mamulai kariernyo di NU nan aktif di GP Ansor. Taun 1952 baliau diangkek manjadi ketua PB Ma’arif, organisasi sayap NU nan fokusnyo di bidang pandidikan. Pado taun nan samo, baliau diangkek manjadi sekretaris jenderal partai, sarato duo tahun kudian manjadi wakil ketua. Salamo maso kampanye Pemilu 1955, Idham mamacik paran penting sabagai ketua Lajnah Pemilihan Umum NU.[6]

Sapanjang taun 1952-1955, baliau nan duduak dalam Majelis Pertimbangan Politik PBNU, acok mandampingi Rais Am K.H. Abdul Wahab Hasbullah bakaliliang ka sadolah cabang NU di Nusantara. Dalam Pemilu 1955, NU berhasil maraih paringkek aktigo sasudah PNI jo Masyumi. Dek karano perolehan suara nan cukuik tinggi dalam Pemilu 1955, pado pambantukan kabinet taun barikuiknyo, Kabinet Ali Sastroamidjojo II, NU mandapek jatah limo menteri, tamasuak ciek kursi wakil perdana menteri, nan dek PBNU diserahan ka Idham Chalid. Pado Muktamar NU ka-21 di Medan bulan Desember taun nan samo, Idham tapiliah manjadi ketua umum PBNU. Ktiko dipacayo manjadi urang nomor satu NU, baliau masih baumua 34 taun. Jabatan tu dijabaiknyo inggo taun 1984 jo manjadiannyo urang paliang lamo nan manjadi ketua umum PBNU salamo 28 tahun.[4]

Kabinet Ali Sastroamijoyo hanyo batahan satahun, baganti jo Kabinet Djuanda. Namun Idham Chalid tetap batahan di posisi wakil perdana menteri sampai Dekret Presiden tahun 1959. Idham kudian ditarik manjadi anggota Dewan Pertimbangan Agung, jo satahun kudian manjadi wakil ketua MPRS.

Patangahan tahun 1966, Orde Lama tumbang jo tapiliah Orde Baru. Namun posisi Idham di pamarintahan indak sato tumbang. Dalam Kabinet Ampera I, Kabinet Ampera II jo Kabinet Pembangunan I nan dibantuak dek Soeharto, baliau dipacayo manjabaik sabagai Menteri Kesejahteraan Rakyat sampai tanggal 28 Oktober 1971[7]. Salanjuiknyo di akhia taun 1970 baliau marangkap jabatan sabagai Menteri Sosial untuak malanjuikan tugas dari mendiang Albert Mangaratua Tambunannan alah maningga pado 12 Desember 1970 sampai 11 September 1971.[8]

Nahdlatul Ulama di bawah kepemimpinan Idham berhasil maulang kasuksesan dalam Pemilu 1971. Namun sasudah tu pamarintah melebur sadolah partai manjadi tigo partai: Golkar, PDI, jo PPP sarato NU tagabung di dalam PPP. Idham Chalid manjabaik sabagai presiden PPP nan dijabaiknyo sampai taun 1989. Baliau tapiliah manjadi menjadi ketua MPR/DPR RI periode 1971-1977. Jabatan tarakhia nan dijabaik Idham Chalid adolah ketua Dewan Pertimbangan Agung sampai taun 1983.[7]

Dalam bidang pandidikan, Idham mandirian Universitas Nahdlatul Ulama/UNNU (kini Universitas Islam Nusantara) pado 30 November 1950 basamo K.H Subhan Z.E. (Alm.), K.H. Achsien (Alm.), K.H. Habib Utsman Al-Aydarus (Alm.), sarato K.H.E.Z Muttaqien (Alm.).

Pahlawan nasional suntiang

KH Dr Idham Chalid marupoan saurang tokoh nan dianugerahi gala Pahlawan Nasional dek Presiden Susilo Bambang Yudhoyono mawakili pamarintah di Istana Negara, basamo jo 6 tokoh lain, manuruik Keppres Nomor 113/TK/Tahun 2011 tanggal 7 November 2011.[5][6] Idham marupoan putera Banjar katigo nan diangkek sabagai Pahlawan Nasional sasudah Pangeran Antasari jo Hasan Basry.[8][9]

 
Pecahan uang 5000 Rupiah

Mantan Ketua Pengurus Besar Nahdlatul Ulama (NU) jo Ketua MPR/DPR tu mandapekan gala Pahlawan Nasional dek dianggap bajaso untuak kapentingan bangso jo negara. Sabagai Ketua NU nan manjabaik cukuik lamo, baliau bisa manentraman karisauan warga NU. Salain untuak agama jo negara, baiau aktif pulo dalam dunia pandidikan jo mawarisan duo yayasan pandidikan agama Islam Darul Maarif di Jakarta Selatan jo Darul Qur'an di Cisarua-Bogor, nan sakaligus manjadi tampek peristirahatan tarakhianyo. Komitmennyo dalam bidang pandidikan adolah jommambukak yayasan pandidikan non-profit untuak urang nan susah atau indak mampu.

Dek karano jaso-jasonya salamo iduiknyo, Ketua Umum PBNU dari 1956 hingga 1984, KH Idham Chalid menghiasi mata uang Rupiah pecahan 5.000 nan dikaluaan dek Bank Indonesia jo ditetapan manuruik Keputusan Presiden Nomor 31 Tahun 2016 tantang Penetapan Gambar Pahlawan Nasional sabagai Gambar Utama pado Bagian Depan Rupiah Kertas jo Rupiah Logam Negara Kesatuan Republik Indonesia.   

Rujuakan suntiang

  1. "Banser Bogor Kawal Pemakaman Jenazah Nyai Masturah Idham Khalid". www.nu.or.id. 2017-07-14. Diarsipkan dari versi asli tanggal 2021-10-18. 
  2. antaranews.com (2017-07-13). "Istri KH Idham Chalid tutup usia". Antara News. 
  3. "Banser Bogor Kawal Pemakaman Jenazah Nyai Masturah Idham Khalid". www.nu.or.id. 2017-07-14. Diarsipkan dari versi asli tanggal 2021-10-18. 
  4. a b c antaranews.com (2017-07-13). "Istri KH Idham Chalid tutup usia". Antara News. 
  5. a b Radar Banjarmasin - Idham Chalid Pahlawan Nasional
  6. a b Radar Banjarmasin - KH Idham Chalid, Pahlawan Nasional Ketiga dari Banua
  7. a b Idham Chalid diberhentikan dengan hormat dari jabatannya sebagai Menteri Koordinator Kesejahteraan Rakyat karena telah menjadi anggota DPR-RI periode 1971-1977.
  8. a b Puar: "KH Idham Chalid Bisa Diusulkan Jadi Pahlawan Nasional," Archived 2014-03-11 di Wayback Machine. - suaramerdeka
  9. Tokoh Kalsel Bangga Idham Chalid Pahlawan Nasional - situs resmi NU

Pranala luar suntiang