Hotel Ryugyong
Hotel Ryugyong (kadang diingirihan manjadi Hotel Ryu-Gyong atau Hotel Yu-Kyung[3]) adolah pancaka langik babantuak piramida balantai 105 nan sampai kini masih sadang dibangun di Pyongyang, Korea Utara. Namonyo ("ibu kota gandarusa") marupoan salah ciek namo Pyongyang sabalunnyo.[4] Bangunan iko tanamo pulo jo namo 105 Building sasuai jumlah lantainyo.[2] Pambangunan dimulai tahun 1987, tatapi baranti pado tahun 1992 dek Korea Utara mangalami krisis ekonomi sasudah Uni Soviet bubar.
| Hotel Ryugyong Hotel | |
|---|---|
| 류경호텔 | |
.jpg) Ryugyong Hotel pado Agustus 2011 | |
| Informasi umum | |
| Status | Pengatapan |
| Gaya arsitektur | Neofuturisme |
| Lokasi | Pyongyang, Korea Utara |
| Koordinat | 39°02′12″N 125°43′51″E / 39.03667°N 125.73083°EKoordinat: 39°02′12″N 125°43′51″E / 39.03667°N 125.73083°E |
| Mulai dibangun | 1987[1] |
| Diatokan | 1992[2] |
| Park. salasai | Indak dikatahui |
| Tinggi | |
| Atok | 330.02 meters (1,082.7 ft)[2] |
| Informasi teknis | |
| Jumlah lantai | 105[2] |
| Loweh lantai | 360,000 m2 (3,900,000 sq ft)[2] |
| Desain jo konstruksi | |
| Arsitek | Baikdoosan Architects & Engineers[1] |
| Pangambang | Orascom Group |
Sasudah 1992, gedung iko alah mancogok jo atok, tatapi indak punyo yingkok atau palangkok interior. Tahun 2008, pambangunannyo dilanjuikan. Tahun 2012, bagian eksteriornya salasai dipasang. Pambukaan hotel iko sempat dijadwalan babarapo kali, tatapi taruih ditundo. Hotel Ryugyong alah manjadi bahan pameo dek media internasional, nan maagiah gala hotel sabagai "Bangunan Paliang Buruak dalam Sijarah Umaik Manusia" jo "Hotel Kiamat."[5][6]
Arsitektur
suntiangRyugyong Hotel punyo tinggi 330 meters (1,080 ft) nan manjadiannyo gedung paliang mancolok di kaki langit Pyongyang sakaligus struktur paliang tinggi di Korea Utara. Pambangunan Ryugyong mulonyo dirancanoan salasai tapek wakatu bartapatan jo 13th World Festival of Youth and Students bulan Juni 1989. Kok target tersebut tacapai, hotel iko akan mamacik gala hotel paliang tinggi di dunia. Gedung iko alun tarkalahan tingginyo dek hotel mano sajo sampai Rose Tower di Dubai, Uni Emirat Arab salasai dibangun pado tahun 2009. Ryugyong Hotel kini marupoan bangunan paliang tinggi ka-47 di dunia (basamo China World Trade Center Tower III) bardasaran tinggi totalnyo jo mamiliki jumlah lantai paliang banyak ka-5 di dunia.
Gedung iko punyo tigo sayok, masiang-masiang punyo panjang 100 meters (330 ft), leba 18 meters (59 ft), jo kamiringan 75 derajat. Di bagian ateh gedung nan babantuak takah piramida tardapat karucut saleba 40 meters (130 ft) nan tardiri dari salapan lantai baputa jo anam lantai nan indak baputa. Struktur iko awalnyo dirancanoan mamiliki limo restoran baputa jo 3.000 atau 7.665 kamar hotel (manuruik sumber nan babedo).[7][8] Menuruik Khaled Bichara dari Orascom, Ryugyong ka muko indak hanyo dioperasian sabagai hotel, tatapi juo untuak kagunoan lain nan mancakup "restoran baputa" jo "gabungan akomodasi hotel, apartemen, jo bisnis".[9]
Rujuakan
suntiang- ↑ a b "Orascom and DPRK to Complete Ryugyong Hotel Construction". The Institute for Far Eastern Studies. 2008-05-20. Diarsipkan dari versi asli tanggal 2009-07-03. Diakses tanggal 2010-02-09.
- ↑ a b c d e "Ryugyong Hotel". Emporis.com. Diakses tanggal 2010-02-09.
- ↑ "105 Building, Pyongyang, Korea, North". Asian Historical Architecture. Diakses tanggal 2010-02-11.
- ↑ Funabashi, Yoichi (2007). The Peninsula Question: A Chronicle of the Second Northern Korean Nuclear Crisis. Washington, D.C.: Brookings Institution Press. p. 50. ISBN 0-8157-3010-1.
- ↑ "The Worst Building in the History of Mankind". 28 January 2008.
- ↑ Parry, Simon (8 December 2012). "Welcome to the Hotel of Doom: The 3,000 room monstrosity in Kim Jong-Un's starving dictatorship no foreigner has stepped inside... until now". Daily Mail. London.
- ↑ Randl, Chad (2008). Revolving Architecture: A History of Buildings That Rotate, Swivel, and Pivot. New York: Princeton Architectural Press. p. 133. ISBN 978-1-56898-681-4.
- ↑ Quinones, C. Kenneth (2003). The Complete Idiot's Guide to Understanding North Korea. Complete Idiot's Guides. Indianapolis: Alpha Books. p. 183. ISBN 1-59257-169-7.
- ↑ "Will 'Hotel of Doom' ever be finished?". BBC News. BBC. 15 October 2009. Diakses tanggal 2009-10-13.